عمرو موسى يصل ميدان التحرير

[أحمد فاروق سيد]

المشاركة الأصلية كتبت بواسطة hazem_khidr يا جماعه تغيير في المرحله دي ما تنفعش و فيه مليون واحد حيقولوا عمرو موسي لاء فيه فتنه في البلد افهموا بقي ما ينفعش تغيير دلوقتي خااالص وسط الهوجه دي

أؤيدك بالكلية
أستمرار الرئيس مبارك حتى سبتمبر 2011
ومفيش أقرب من الأيام
لأعتبارات كثيرة جداً جداً جداً
مهما كانت أخطاءه وزلاته
فلا يصح أن يخرج مكسوراً
على الأقل لأنه مصري أياً كان منصبه
الحكومة الجديدة جمعت شخصيات نزيهه
سليمان ،،، شفيق ،،، رضوان
وأكرر ما قاله أخونا حازم خضر
البلد في فتنة
أما الخوف من أنتقام الداخلية
فلا يعد يهمنا ذاك الشبح
لقد هُزم وكسر أمام إرادة الشعب
معذرة أمام إرادة الشباب
،،،وهذا ما أدين به أمام الله

[ahmed_harb777]

المشاركة الأصلية كتبت بواسطة أحمد فاروق سيد أؤيدك بالكلية أستمرار الرئيس مبارك حتى سبتمبر 2011 ومفيش أقرب من الأيام لأعتبارات كثيرة جداً جداً جداً مهما كانت أخطاءه وزلاته فلا يصح أن يخرج مكسوراً على الأقل لأنه مصري أياً كان منصبه الحكومة الجديدة جمعت شخصيات نزيهه سليمان ،،، شفيق ،،، رضوان وأكرر ما قاله أخونا حازم خضر البلد في فتنة أما الخوف من أنتقام الداخلية فلا يعد يهمنا ذاك الشبح لقد هُزم وكسر أمام إرادة الشعب معذرة أمام إرادة الشباب ،،،وهذا ما أدين به أمام الله

بالنسبه لعمرو موسي فهو عاوز يركب الموجه هو كمان اشمعني هو

وان بؤئيد خروج الرئيس في سبتمبر لانه لو خرج دلوقتي هتحصل حاله من الفوضي في البلد
كل واحد هيعوز ينسب الفضل لنفسه ويركب علي الكرسي
الاخوان // الاحزاب // البرادعي // ايمن نور // وغيرهم كتير

خايف لوخرج مبارك دلوقتي وساب البلد تحصل حرب اهليه بين كل الاطراف دي للتصارع علي الحكم

[sam ram]

انا بحب عمرو موسى ... بس هو بدري اوي الكلام دلوقتي عن الرئيس المقبل
المهم الاول التعديلات الدستوريه و اعداد الانتخابات

مينفعش اساسا اي حد يقول انا حبقى الرئيس بسبب الدستور الحالي
و كده كده مينفعش الرئيس يخرج ... على الاقل لازم الاول يحل مجلس الشعب او ينقل صلاحياته للنائب ..
و شكلها كده النهارده انه مش حيعمل اي واحده منهم
وحيفضل بالمجلس الحالي

كان نفسي يحل المجلس و يتعمل انتخابات لمجلس شرعي حقيقي يقر تعديلات دستوريه نفخر بيها .. مش متفصله

انا كنت مع المظاهرات لحد النهارده .. لكن مش فاهم ايه الهدف منها بعد كده
مش عارف حيفضلوا مستمرين لامتى و ليه ...

عموما الحمد لله انها عدت النهارده بخير
واحمد شفيق فعلا اثبت انه رجل محترم جدا و وعد فأوفى
متهيألي الناس حتهدى بالتدريج وتبتدي تمشي وتروح
المفروض الدنيا تمشي عادي
واللي عايز يقعد يقعد بقى مع نفسه ... طالما مسالم .. ممكن الجيش يعمل حواليهم كردون (متظاهرين كورنر ) او (متظاهرين كورت )

ربنا يستر
اللهم ارنا الحق حقا و ارزقنا اتباعه ... و ارنا الباطل باطل وارزقنا اجتنابه

[sam ram]

انا اسف

http://www.masrmotors.com/vb/showthr...347#post351347