|
#21
02-10-2011, 10:04 PM
|
|||
|
|||
رد: افضل سيارة تصلح لكى تكون تاكسي
المشكله هنا فى المنصورة
ال BYD مش منتشره او يمكن مشفتهاش لا ملاكى ولا تاكسي ولا اللوجان برده هنا فى المنصورة اعتقد ده يدل ان محدش بيشتغل فيهم هنا ولا مش شرط ؟ هنا الفيرنا واللانوس والافيو قليل وشوفت واحده صنى وواحده لانسرطبعا كل ده بعد الشاهين بالهبل معلش انا عارف انكم مليتوا منى لكثرة استفساراتى وحيرتى وتحيير حضراتكم معايا وجزاكم الله خير 
__________________
 لا اله الا انت سبحانك انى كنت من الظالمين اللهم ردنا الى دينك ردا جميلا تباركت ربنا وتعاليت
|
|
#22
03-10-2011, 07:11 PM
|
|||
|
|||
رد: افضل سيارة تصلح لكى تكون تاكسي
و الناس في الفرع ده ممتازة جدا جدا و بعض اصحاب العربيات مننا بيسافر اسكندرية مخصوص عشان يعمل الصيانة هناك
|
|
#23
03-10-2011, 09:34 PM
|
|||
|
|||
رد: افضل سيارة تصلح لكى تكون تاكسي
ومقدرتش اروح التوكيل؟ متابع باهتمام وشكرا جزيلا
__________________
لا اله الا انت سبحانك انى كنت من الظالمين اللهم ردنا الى دينك ردا جميلا تباركت ربنا وتعاليت
|
|
#24
03-10-2011, 09:42 PM
|
|||
|
|||
رد: افضل سيارة تصلح لكى تكون تاكسي
اعتقد ان ال BYD كويسة وركبت مع سواقين كتير شكرولى فيها و برضة اسأل ناس سواقين لانهم هما يعرفو اكتر لانهم مجرابين العربيات دى فى التاكسى وانهى افضل فئة للتاكسى فى مصر
|
|
#25
03-10-2011, 11:44 PM
|
||||
|
||||
|
رد: افضل سيارة تصلح لكى تكون تاكسي
اولا اهلا بيك وليد باشا
فعلا مشرفنا هنا في المنتدى انا جارك علي فكره . انا برضوا من المنصوره و كانت فكرة اني اجيب تاكسي و اشغله ل 2 سواقين دي في دماغي و فكرت كتير و لكن اللي خلاني اتراجع اليومين دول ان العداد و النمر الوقتي وصلوا فعلا 103000 جنيه يعني ابقي اهبل اوي لو اشتريت تاكسي و مش انا اللي شغال عليه كمان و علي فكره بتفرق جامد اوي انك تكون صاحب التاكسي و انت اللي شغال عليه لوحدك او معاك سواق واحد و ان يبقي فيه 2 سواقين ماسكين العربيه هما و انت ما عليك الا انك بتاخد بالك منها و هي بتسلم و خلاص و انت بتاخد ايراد كل ورديه . و بكده انت مش عارف السواق من دول بيعامل العربيه ازاي بيحافظ و لا تبع حماده ههههههههه نيجي بقا لنوع العربيه و هعدهملك براحه و هقولك علي كل واحد بالتفصيل بما اني: من المنصورة و شغال في المصريه للسيارات 1. هيونداي فيرنا : عربيه اختلف عليها كتير . و لكن نجحت فعلا عندنا في المنصورة و الدليل انها نجحت نجاح باهر في وقت قليل جدا عندنا في المنصورة و الوقتي ما تعرفش تعد كام تاكسي فيرنا و تعتبر هي العربيه اللي نجحت بعد وقف الشاهين و خدت مكانها و طبعا قطع غيارها عند البقال و سعرها معقول و معاك في اي حاجه (غاز ماشي - 80 ماشي) مش هتقولك لأ و اسأل و شوف 2. دايو لانوس : مش هقولك مش موجوده لأ . موجوده بس مش منتشره اوي في التاكسي و ده بسبب انها غاليه في قطع غيارها عن الفيرنا و احنا هنا بنفضل الفيرنا بسبب موتوها ال 1600 و قطع غيارها اللي برخص التراب (فالمنصوره) غير كده اللانوس عربيه ناجحه بس شكلها هو اللي قدم اوي و واطيه زياده عن الفيرنا و اضيق في المساحه 3. الاسبرنزا و دي ما فيش منها تاكسي غير واحده بس و ده من الدراسات تقريبا و طبعا علشان احنا في المنصوره لسه بنقول كلمة صيني فهي مش ناجحه اوي و عيبها في قطع غيارها برضوا مش كتير اوي هنا 4. ال BYD و دي بقا و لافي منها تاكسي و لا ملاكي مافيش منها في المنصوره اساسا بسبب ان الناس عندنا هنا مش عرفاها اصلا و ده سبب حيرتي لما سفرت القاهره و شوفت كمية تكسيات منها باعداد تخيليه انما هنا في المنصورة و الله ما شوفتها الا في واحده ملاكي في توريل غير كده ماشوفتش غيرها اساسا و بكده لازم تبعدها عن المقارنه اصلا بسبب ان مافيش حد هيبقي عنده قطع غيارها اصلا في المنصورة و العربيه نفسها مش موجوده في البلد 5. الافيو عربيه جميله من شيفروليه بس فيها عيوب كتير في الموتور بسبب ان موتورها ضعيف عليها و انه فعلا موتور لانوس 1500 بس علي عربيه اضخم بكتر من اللانوس و دي اللي عدت علي غبور . بس العربيه دي برضوا في منها تكسيات كتير و اللي اعرفهم ما كانوش بيشتكوا الا من موتورها بس و انه سبه ضعيف عالعربيه . بس هي ثبات و فرامل و غاز كويسه 6. الابترا و الصني و دول اللي بنصحك تبعد عنها علشان قطع غيارهم غاليه هنا في المنصورة و في فعلا 2 تاكسي صني واحد 2010 و التاني 2011 الشكل الجديد بالفوانيس الاماميه و في 4 عربيات لانسر بومه من ضمنهم عربيه في جيهان و عربيه من جديله او توريل تقريبا و طبعا ال 3 ما انصحكش بيهم علشان قطع غيارهم غاليه جدا و غير كده انت في المنصوره هنا التاكسي معرض لاي خبطه بسبب الازدحام الكبير اللي في البلد من العربيات اليومين دول . ده غير ولاد التييييييت التكاتك و الموتوسيكلات 7. التويوتا الكرولا : ما تستغربش فيه فعلا واحده في المنصوه و صاحبها جيبها ب 320000 جنيه طبعا ده هبل و جنان بس هي الوحيده فالمنصورة كرولا تاكسي 2012 و لو عايز تشوفها هي شغاله عند الموقف الجديد في طلخا بس ما تشتغرلش حاجه تانيه غير كده و ساعات طبعا بطلع مشاوير بس طبعا مهرها غالييييييييييييييييي اوي 8. اللوجان و دي اللي قررت اسيبها لأخر المقارنه و اللوجان في منها في المنصورة عربيتين تقريبا و ده برضوا يدل علي عدم انتشرها و بكده تعتبر خارج المقارنه الللي اقدر انصحك بيه ان انت ما تغامرش و تجيب عربيه مش منتشره هنا . لازم تاكل علي مزاجك و تلبس علي مزاك الناس علشان دي عربيه و طبعا هتبقي دافع فيها دم قلبك و مش نواي طبعا ترمي فلوسك في الارض و طبعا الراي رايك و انا معاك في اي استفسار تاني و مستني ردك
|
 |
|
|
مسئول بمبيعات المصرية للسيارات بالمنصورة
