شارك برأيك .. استخدام حزام الأمان لتجنب الحوادث أم العقوبات؟

[xabi]

انا عن نفسى حصلتلى حادثه وكنت هموت فيها لولا ستر ربنا وعلشان كنت رابط الحزام ومن يوميها والحزام رابطه حتى لو طالع على اخر الشارع..فى يوم خرجت مع واحد صاحبى لسه بيتعلم سواقه جديد كان تقريبا تالت مره ياخد العربيه فيها.وكنا بنتعلم على طريق فاضى جدا ومفيهوش مطب والطريق منور ...يعنى طريق مفيهوش غلطه.المهم صاحبى ده حب يعرف العربيه اخر سرعتها كام .ففضل ضاغط على دواسه البنزين لغايه الاخر والعريبه قاعده تزيد فى السرعه وفجاه.لقيت صاحبى ده بيموج العربيه(بيرقصها)واحنا كنا ماشيين تقريبا على 150 وكنا 5 فى العربيه كمان.وفجاءه انا محسيتش بنفسى لقيت الدنيا بتلف بينا وطبعا انا كنت راكبجنبه وكأنى كنت فى الملاهى والله (الدنيا عماله تطلع وتنزل ) وبعدالعربيه ما اتقلبت اول قليه على الطريق الازاز الامامى وقع وطبعا لولا انى رابط الحزام كان زمانى تحت العربيه بس ربنا ستر الحمد لله...بس في عيب صغير اوووى..بعد العربيه ما اتقلبت وكان طبعا السقف تحت والعربيه مقلوبه خالص.معرفتش افك الحزام نهائى الا لما جه واحد من اللى كانوا بره هو اللى طلعنى وفكلى الحزام..انا طولت عليكم...ربنا يكفينا ويكفيكم شر الحوادث...
وكل سنه وحضراتكوا طيبين

[bostato]

فعلا اغلب الناس كانت حاطاه في الأول عشان المرور , انما بعد كده بيتهيألي اتعودوا عليه ويقى وسيلة امان ليهم.

[ahmedraafat00]

انا على طول لابسه حتى لو ماشى تحت البيت على سرعه 20
وده لانى بجد حسيت بأهميته بعد ماشفت حوادث كتير على النت تقريبا لو كان السواق لابس الحزام اكنت الامور ممكن تكون احسن و اخف شويه
غير كده انا جديد فى السواقه و حبيت اعود نفسى عليه من اول يوم
وحاجه جميله قوى لما تروح المرور و متلقيش عليك مخالفات خالص زى ما حصل معايا لما والدى راح يجدد الرخصه و ملقاش عليا ولا مخالفه
شكرا على الموضوع

[EgyZizo]

مش عارف ، بس مؤخراً بقيت بابقى قلقان وحاسس ان حاجة ناقصة لو ماشى من غير ما اركبه ..

[EgyZizo]

المشاركة الأصلية كتبت بواسطة xabi انا عن نفسى حصلتلى حادثه وكنت هموت فيها لولا ستر ربنا وعلشان كنت رابط الحزام ومن يوميها والحزام رابطه حتى لو طالع على اخر الشارع..فى يوم خرجت مع واحد صاحبى لسه بيتعلم سواقه جديد كان تقريبا تالت مره ياخد العربيه فيها.وكنا بنتعلم على طريق فاضى جدا ومفيهوش مطب والطريق منور ...يعنى طريق مفيهوش غلطه.المهم صاحبى ده حب يعرف العربيه اخر سرعتها كام .ففضل ضاغط على دواسه البنزين لغايه الاخر والعريبه قاعده تزيد فى السرعه وفجاه.لقيت صاحبى ده بيموج العربيه(بيرقصها)واحنا كنا ماشيين تقريبا على 150 وكنا 5 فى العربيه كمان.وفجاءه انا محسيتش بنفسى لقيت الدنيا بتلف بينا وطبعا انا كنت راكبجنبه وكأنى كنت فى الملاهى والله (الدنيا عماله تطلع وتنزل ) وبعدالعربيه ما اتقلبت اول قليه على الطريق الازاز الامامى وقع وطبعا لولا انى رابط الحزام كان زمانى تحت العربيه بس ربنا ستر الحمد لله...بس في عيب صغير اوووى..بعد العربيه ما اتقلبت وكان طبعا السقف تحت والعربيه مقلوبه خالص.معرفتش افك الحزام نهائى الا لما جه واحد من اللى كانوا بره هو اللى طلعنى وفكلى الحزام..انا طولت عليكم...ربنا يكفينا ويكفيكم شر الحوادث... وكل سنه وحضراتكوا طيبين

معلش سؤال بره الموضوع
هو لســـه صاحبك ؟؟؟ ptmnlo123per111