حيرة بين السيراتو و البومة

[cutevampire]

يا جماعة نويت اشتري للمدام عربية ان شاء الله ..... يا ريت مقارنة بين السيراتو و البومة الاتنين اوتوماتيك من حيث الراحة في السواقة و الاعتمادية و اسعار قطع الغيار و سعر اعادة البيع ؟
و اي عربية منهم احسن للسيدات ؟

[مورو]

بص بقى يا عم vampire انت لا تشغل بالك لا بالسيراتو ولا بالانسر وكفايه قوى تجبلهم سيات 133 (اللى وقفوا تصنيعها ) او زستافا (اللى برضوا وقفوا تصنيعها ) ووفر فلوسك بدل ما تتخبط وتتكسر على الفاضى- دا رأيى - اما اذا كنت مصمم على الشراء ومسمعتش كلامى فعليك بالسيراتو لأنها معايا وهى عربيه زى الفل.

[mesho70]

انا اخى معى لانسر 2010 اتوماتيك 1600 سى سى واكيد هدافع عن اختيارى

ولكنى هرد على استفسارات حضرتك كما وردت

ولكنى اذكر فالبداية عند المقارنة وبعد فترة استبعدت السيراتو والالنترا ... لمجرد انها كورى بالرغم من الاوبشن الموجود فيهما رهييب وارد على حضرتك :-

1 - الراحة فالسواقة انا شخصيا ً لم اجرب السيراتو للحكم عليها والمقارنة لكن سواقة الانسر مريحة جدا ً وواسعة وممكن ترجع حضرتك لابعاد ومحاور السيارتين فى الموصفات الفنية للتأكد

2 - الاعتمادية - ان كنت افهم قصد حضرتك - يبقى لو قدام حضرتك منتج صينى وكورى ويابانى تفتكر حضرتك - طالما تملك القدرة على الشراء - يبقى اختيارك هيكون اية انا شخصيا ً بلا تردد هقول يابانى طبعا ً

3 - اسعار قطع الغيار فى الاثنين ناااااااااااااااااااااااا اااااااااااااار فمثلا ً تيل الفرامل فى الانسر يقترب من 500 جنية وانا كنت بجيبة فى الاكسنت القديمة ب 45 جنية وفانوس الاشارة الخلفى فالسيراتو بـ 850 جنية طبعا ً حاجة مش معقولة فالاثنين

4 - سعر اعادة البيع انا اعلم من زمن ان سعر اعادة البيع ( للبومة تحديدا ً ) مرتفع نسبيا ً عن سيارات كثيرة فى السوق

كلمة اخيرة بعدما امتلكت الانسر وكل ما اشوف السيراتوا بجوارى انبهر بالاوبشن الرهيب الموجود فيها قد يكون " زمار الحى لا يطرب "

وفى النهاية ومن الآخر شوف المدام عايزة اية واكيد هو دة اللى هتجيبة فى الآخر ودة عادى وهو اللى بيحصل واطمن " كلنا هذا الرجل "

مع تمياتى لك بالتوفيق

[mahmoud hany]

تقريبا السيراتو افضل لوجود اوبشن رهيب بها و موتور جامد و شكل حلو اوىى و الله يعينك .

[miroseba]

انا لا ارشح السيراتو نهائى عربيه مجرد اوبشن وخلاص و البومه مفيش حد فى مصر ولا فى العالم اشتكى منها ولا غبار عليها وانا اعتقد ان العربيه السيراتو مش هتستحمل كتير
وديه نظريتى بين الكورى واليابانى

لا تأسفن على غدر الزمان لطالما رقصت على جثث الأسود كلاب....لا تحسبن برقصها تعلو على أسيادها تبقى الأسود أسود والكلاب كلاب