عايز اجيب كاوتش جديد للسيراتو جنط 17

[akamel1]

عندى سيراتو 2010 جنط 17 ، 3 فرد كاوتش جابت بلالين ، انا عامل 40000 كيلو
هجيب اربع فرد جديده بس بافكر اغير المقاس و اجيب 215 على 50 بدل 215 على 45
مش عارف انهى ماركه كويسه و اجيب الكاوتش منين
انا كمان عايز استعدل الجنط

[M.TONSY]

اول حاجة تعملها تظبط الجنوط لانها ممكن تبوظ الكاوتش الجديد بس هى لو الوميوم مش هتستعدل بتتغير
وحاول تجيب الكاوتش الجديد عالى شوية يعنى 17/55/215 علشان يتحمل المطبات والبلاعات لان 45 أو 50 مبيستحملش الشوارع بتاعتنا وبيضرب بلالايين
أفضل ماركة البريدجستون اليابانى وتجيبه وتركبه من اى فرع من فروع بريدجستتون فيى فى ش مراد فى الجيزة وفى فى عمارات العبور - مدينة نصر

[sherif fersh]

كل حاجة بتستعدل اليومين دول
و أتفق مع الأخ تونسى فى زيادة ارتفاع الكاوتش

[akamel1]

المشاركة الأصلية كتبت بواسطة tonsy1979 اول حاجة تعملها تظبط الجنوط لانها ممكن تبوظ الكاوتش الجديد بس هى لو الوميوم مش هتستعدل بتتغير وحاول تجيب الكاوتش الجديد عالى شوية يعنى 17/55/215 علشان يتحمل المطبات والبلاعات لان 45 أو 50 مبيستحملش الشوارع بتاعتنا وبيضرب بلالايين أفضل ماركة البريدجستون اليابانى وتجيبه وتركبه من اى فرع من فروع بريدجستتون فيى فى ش مراد فى الجيزة وفى فى عمارات العبور - مدينة نصر

شكرا على المشاركه القيمه يا باشا
انا معاى الجنوط الاصلى بتاع كيا متهيألى ينفع يستعدل
بس بالنسبه للارتفاع ، انا كنت باعمل صيانه النهارده و فى التوكيل قالولى اقصى حاجه ممكن ازودها ل 50 اكتر من كده غلط على العفشه و ممكن يحك ، انت ايه رايك يا باشا ؟
الكاوتش البريدجستون ده سعره فى حدود كام لو عندك معلومه؟

[akamel1]

المشاركة الأصلية كتبت بواسطة sherif fersh كل حاجة بتستعدل اليومين دول و أتفق مع الأخ تونسى فى زيادة ارتفاع الكاوتش

شكرا على الرد القيم يا برنس