ازاى اتاكد ان قواعد الماتور والفتيس كويسين ؟؟؟

[kemo pepsi]

ازاى اعرف واتاكد ان قواعد الماتور والفتيس اللى غيرهم الميكانيكى او ظبط الشغل اللى فيهم تمام وكويسين ومفيش قلق منهم
الميكانيكى قالى انهم كدة تمام اوى بس انا برضه قلقان وعاوز مؤشر او دليل يطمنى ان القواعد دى كويسة وتثبيتها كويس

[romioromio]

بلاش وسوسه وسيبها علي الله

[sameh55]

مدام موتور العربية ثابت ومفيش رعشة او اهتزاز تبقى اكيد كويس
والغيار بيجى مرتاح بدون مشكلة (بدون عضة) يبقى كويس

[kemo pepsi]

افادكم الله وتسلم ايديكوا عالرد والأفادة

[aymangalal]

المشاركة الأصلية كتبت بواسطة romioromio بلاش وسوسه وسيبها علي الله

يا روميو باشا الراجل عايز يطمئن بنفسة وده شىء كويس جدا لان مش مجرد الصنايعى اشتغل وخلص وقبض يبقى كل شىء تمام واغلب الصنايعية دلوقتى ما بيهتموش باصلاح العيب الحقيقى وكله بياخد اللى ع الوش(الظاهر يعنى) وبعد وقت قليل يكاد يصل الى : اول ماتخرج ن عند الصنايعى العيب يرد تانى .... الله ..!!! امال هو-الصنايعى- كان بيعمل ايه؟؟؟؟ والوسوسة شىء سيىء طبعا الا فى حالة اعطال او الشك فى حاجه معينة فى العربية لازم نتابع اول بأول
واولا واخيرا كله على الله لكن ناخد بالاسباب يا برنس

المشاركة الأصلية كتبت بواسطة sameh55 مدام موتور العربية ثابت ومفيش رعشة او اهتزاز تبقى اكيد كويس والغيار بيجى مرتاح بدون مشكلة (بدون عضة) يبقى كويس

ممكن ياسامح باشا توضح يعنى ايه (عضه)لانى سمعت الكلمة دى كتير وخايف تكون العضه دى موجودة عندى - لان (احيانا) الاول والمرشدير مش بييجوا بسهوله زى باقى الغيارات يعنى لازم اعافر معاهم مع ان الميكانيكى بتاع العربية دى (سيتروين ax) جربها اكتر من مره وبيقول ان العيب فيا انا !!!!!!!!

اعتذر لصاحب الموضوع على التدخل بسؤال خاص بى.....