|
ريفيوهات ساحة لعقد المقارنات وكذلك مراجعة رفيوهات (تقارير) السيارات واختبارات التصادم |
|
أدوات الموضوع |
#1
|
|||
|
|||
مقارنة بين ايميجراند 7 ولانوس والفيرنا
السلام عليكم دي اول مشاركة ليا مع حضراتكم وطبعا ده شرف لينا وجودنا مع حضرتكم.
كنا عايزين نستفيد من خبرة حضراتكم في المقارنة بين ايميجراند 7 واللانوس والفيرنا وBYD في كل حاجة السعر واستهلاك العربية للوقود وانهي عربية فيهم موفرة للوقود وقوة الموتور باختصار ياريت نعرف مميزات وعيوب كل عربية طبعا لاني ان شاء الله هشتري عربية من دول قريبا وفي حيرة شديدة وهبني رأيي ان شاء الله بناء علي اراء حضراتكم .. وطبعا الايميجراند 7 صيني زي ما بيقلوا ولا كوري وجديدة هل اثبتت كفاءة في السوق المضري ولا .. وياتري اييه افضل عربية من العربيات دي ماسكة سعر في السوق المصري عند البيع والشراء... |
#2
|
||||
|
||||
رد: مقارنة بين ايميجراند 7 ولانوس والفيرنا
جيلي امجراند
المميزات تصميم حلو واسعة جدا وسائل امان كويسة اوبشن كتير عالية عن الارض فراملها كويسة العيوب ضعف عزم المحرك في المطالع BYD F3 المميزات تصميم خارجي جميل وتابلوه فخم جدا وشبه تابلوه الكورولا الشكل القديم ماتور ياباني واسعة جدا ومريحة العيوب العربية واطية ولازم تركبلها علايات وكمان في مشكلة سخونية بتظهر في بعض الموديلات شيفروليه لانوس المميزات قطع غيارها رخيصة اعادة بيعها ممتازة وكمان صاجها قوي ووسعها مقبول العيوب وسائل امان منعدمة فرامل ضعيفة تسارع سئ وكمان واطية جدا ولازم تركبلها علايات هيونداي فيرنا قطع غيارها رخيصة اعادة بيعها ممتازة ماتورها قوي العيوب ثباتها وحش وواطية ولازم تركبلها علايات وكمان ورق من بره وضيقة جدا والخامات الداخلية رديئة وافضل عربية ماسكة سعر في السوق المصري هيونداي فيرنا شيفروليه لانوس
__________________
الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn |
#3
|
|||
|
|||
رد: مقارنة بين ايميجراند 7 ولانوس والفيرنا
الثبات وحش فعلا بعد سرعه 120 قبل كده تمام خااالص بالنسبه لانها واطيه ع الارض مين قال كده انا معايا فيرنا 2013 بنركب 3 ف العربيه و3 اوزان مش قليله خااااالص ومبتحكش ف ولا مطب مني بتبدأ تحك لو ركب ورا اتنين مليانين غير كده ولا الهواااااااااا وبعدين ما الالنترا الجديده بتحك والكورولا واللانسر بيحكوا برده وعلي فكره الحكات مش مشكله كبيره قوي زي ما الناس فكره لان اغلب العربيات دلوقتي مصفحه من تحت فمش هتأثر علي حاجه ميزه اخيره للفيرنا مش موجوده ف اي عربيه من دول والفئات الاعلي كمان ان التكييف ثلاااااااااااجه من يوم ما جبت العربيه من 6 شهور مشغلتهوش غير علي 2 لو الجو ناااااااااااااااااااااااا ااااااااااااااار ممكن دقيقتين علي 3 وبعدين ارجع ل 2 لكن تشغل علي 4 يبقي ان شاء الله ناوي تتجمد او تروح وانت عندك زبحه صدريه كل العربيات اللي انت بتتكلم عليها تكييفها مش قوي زي الفيرنا وكمان التكييف مش بيأثر علي تسارع العربيه زي اللانوس مثلا تسارعها اصلا وحش ومع التكييف الحمل ع الموتور بيزيد فبتبقي كأنها بطه بلللللللللللللللللدي |
#4
|
||||
|
||||
رد: مقارنة بين ايميجراند 7 ولانوس والفيرنا
والالنترا بتحك ماشي لكن الكورولا واللانسر مبيحكوش نهاااائي ودا مش كلامي دا كلام ملاك العربيتين واغلب العربيات مصفحة من تحت فعلا لكن هل الفيرنا مصفحة من تحت ؟؟ وموضوع التكييف التلاجة مش الفيرنا بس اللي تكييفها تلاجة عندك البي واي دي والامجراند تكييفها ممتاز وجميل
__________________
الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn |
|
|