أيهما أفضل MERCEDES C300أمBMW 320i ولماذا

[fares515]

المشاركة الأصلية كتبت بواسطة horas3000 العفو يا زعيم مبدايا لازم تعذرني لاني بتكلم بمواصفات السوق الكويتي بحكم اني عايش هنا ال 320 هي اقل فئة في ال 3 هنا دي حتي بتنزل من غير iDrive و ال C300 بقت اعلي فئة بعد ما لغوا ال C350 و من هنا بنيت كلامي بالنسبة لل C بقي ففي 2010 مرسيدس لغت المواتير ال Kompressor لانها مخالفة لقوانين البيئة الجددية المطبقة في اوروبا فال C200 و ال C 180 كومبرسور مبقاش ليهم وجود و نزل مكانهم ال C200 CGI و ال C250 CGI و الاتنين بينزلوا بمتور 1800 CC مع تيربو مع فرق قوه حصانية لل C250 طبعا مع شوية كماليات زيادة و في الكويت الاتنين نازلين بال AMG Kit و الفورقات الشكلية ل 2010 تتمحور في اللمبات ال LED في الاكصدام بدل الفوجات و المرايات الجديدة و تعديل بسيط علي الفوانيس الخلفية و دي صورة ليها و دي صورة من غير ال AMG Kit غير كده مفيش تغيرات تذكر انا بصيت علي كونتاكت لقيت ال C250 موجوده و ال C200 مش موجوده ممكن تبقي تسال و تشوف اذا هتنزل و لا لا و تشوف اذا بينزلوا بال AMG KIT ولا لا لكن اعتقد انك ممكن تطلبها و هما يعملوهالك و طبعا لو مش فارق معاك موضوع الضمان اكيد هتلاقي منها خليجي و انا تحت امرك في اي استفسار لاني كنت مهتم بال C و مجمع عنها معلومات و ان شاء الله لو رجلي خدتني ناحية التوكيل هصورها لك كام صورة واضحة

تسلملي ياباشا على متابعتك ليا واهتمامك وبعد ردك ده انا حاسس اني بدأت أميل تاني للبي إم بسبب الإختلافات البسيطه بين البوديamg والعادي أنا كنت بحسبها اكتر من كده يعني فيه انسيابيه في الشكل اكتر وتغييرات جذريه مش مجرد حاجات عبيطه بس

... ايه رأيك في اني اجيب واحده c250عاديه خالص واستوردلها body kit من بره واركبه عليها انا شفت حاجات جامده وانا بقلب عالنت بس مش عارف الحاجات ده بتتباع جاهزه في مصر في توكيلات معينه ولابتستورد من بره عن طريق مكاتب استيراد اتفرج كده وقوللي ايه رأيك في الفكره وهل هي عمليه تنفع في مصر ولا هجيبها واقعد جنبها وملاقيش حد يركبها عدل أو أركبها وبعد سنة او اتنين الاقي ظهرتلي عيوب في تصنيعها وتبهت ويبقى شكلها وحش وأندم ؟ولو كانت هتأثر عالضمان ممكن الواحد يجيب موديل السنة اللى فاتت او اللى قبلها عشان يبقى ضرب عصفورين بحجر(قلل السعر وحصل على شكل جامد)

1-




2-




3-

الbody kits ديه سعر أغلى واحد فيها 1900$ يعني تقريبا10500 مصري مش عارف عليها ضرايب ولا ايه نظامها
ياريت الأعضاء كلهم يقولولي ايه رأيهم في الفكره عمليه وكويسه وابقى بكده حصلت على ماركه فخمه واعطال قليله واعاده بيع مضمونه(اللى هي مميزات المرسيدس) وفي نفس الوقت شكل جامد جدا (اعتقد لايقل عن البي ام ان لم يكن يزيد) ولا هيا فكره مش عمليه وعيوبها أكتر من مميزاتها وبالتالي أصرف نظر عنها؟

[fares515]

المشاركة الأصلية كتبت بواسطة hazem_khidr السي 200 في مصر مش بتنزل بالفعل بدايه من موديلات 2010

صح عشان كده انا استغربت لما عرفت ان في c200amg بس اتضح ان اخونا حورس بيتكلم على عندهم في الكويت

[fares515]

المشاركة الأصلية كتبت بواسطة احمد بدر1978 من حيث الشكل البى ام دبليو من حيث سعر اعدة البيع المرسيدس

شكرا على ردك أستاذنا أحمد بدر وعلى المعلومه اللى ذكرتها

[fares515]

المشاركة الأصلية كتبت بواسطة فادى المرسيدس صحيح انها اكثر كلاسيكية فى الشكل و الطابع, لكن ادائها دائما أفضل و اكثر عصبية من البى ام و جودتها كذلك. و لو ان الفارق قد يكون بسيطا و لا يكفى لترجيح كفة عن الاخرى, البى ام شبابية اكثر شكلا و طابعا. فى النهاية اختار ما يميل اليه قلبك.

شكرا على مشاركتك أستاذ فادي وكلامك صحيح بس أعتقد انهم الاتنين مستوى الجوده واحد وخصوصا ان خامات البي ام في السنين الأخيره بتتحسن بشكل ملحوظ وان جينا للتجميع المصري فاعتقد تفوق البي إم لإن الكلام كتر على حوادث المرسيدس التجميع المصري في نفس الوقت زي ماقرينا كلنا ان مصنع البافارية للسيارات تم ترشيحه من قبل شركه تويوتا لتجميع الكورولا والكلام ده أكيد وهيبدا من السنين الجايه في حين انهم استبعدو المصنع بتاع تجميع مرسيدس مصر

[medo akef]

انا ارشح c300 بكتساح تام طبعا و فرق السعر هو الي بيتكلم و الهورس بور و كل حاجه في الc300 بتتكلم عن نفسها فهي افضل من وجهة نظري
و طبعا اعاده البيع مسكه نفسها اكثر و الصيانه اسهل لان مرسيدس عمرها في مصر طويل جدا ففي بلاد كامله شغلتهم في الحياه صيانه مرسيدس بس و انا رحتها و طبعا اندهشت بيها انك طول ما انت ماشي ورش مرسيدس بس
و سيبك من كلام ان البي ام شبابي و المرسيدس كبار بس دي فكره قديمه انتهت او الي مقصود بها فئه الe اما الc فهي شبابيه جدا و ادائها خرافي و كمله مرسيدس تعني عندك الناس معاني كثيره جدا اكثر من بي ام و حتي هتبقا متميز شويه لان دلوقتي اي حد بيركب بي ام حتي لو 1970 بس بيعتبر نفسه بي ام اما مرسيدس فهي اقل انتشار خاصتا المودلات الجديده منها
هو عموما انا عارف المقارنه بين الc180 كومبروسر و ال320 و تكتسح الc180 طبعابال153 حصان الي يعقدو دول فما بالك بالc300 اظنها مقارنه ظامله جدا للبي ام
و فكر في amg و SLR وميباخ و اعرف انك واخد عربيه تبعهم يعني الموضوع مش مجرد عربيه انت راكب تاريخ و خبره عملت كل العربيات و الشركات دي