العربية سخنت و غيرت جوان وش السلندر بس في مشكلة ارجو المساعدة..

[كنتوش]

السلام ليكم ورحمة الله وبركاته
اول واخيرا قدر الله وما شاء فعل والحمد لله على كل شىءبالنسبه للطحينه ده معناه حاجه من اتنين انك لو مكنتش غيرت الزيت بعد ما غيرت الجوان بعد السخونية دى يبقى ده طبيعى طبعا بعد ضرب الجوان وكل الحكاية تغيير زيت وفلتر وبس كده اما لو كنت غيرته فعلا يبقى كده الجوان ضرب تانى وعلشان تتاكد افتح غطا الريداتير وشوف فيه فقاقيع وبقاليل ولا لأ اما بالنسبه للموتور نصيحتى اعمل عمره وما تغيرش هو التغيير اسهل بس العمره اضمن وافضل لانك بتشوف المكنه بتتفك وتتركب وبتبقى عارف ايه اللى راكب فيها انا صاحبى غير موتور وبعد شهر دخن دخان ابيض والمكنه خفيفه والميكانيكى بتاعى كان عنده عربيه بيشوفلها موتور غيرلها 3 مواتير وفى الاخر عملها عمره انت تشترى حاجات اصليه وسليمه وتركبها وتنسى موتورك وربنا يوفقك

[samirayad]

المشاركة الأصلية كتبت بواسطة dental_mn السلام عليكم و رحمة الله و بركاته يا جماعة انا روحت لوحد ميكانيكي تاني قالي اللي كنت خايف منه قالي الشميز بتاع البساتم وسع و البساتم بتلق جوه الشميز و ده لازم اربع بساتم جداد و الشميز يروح المخرطة يعني بمعنى تاني كده يعمل عمرة للموتور و كمان الشمكلة ان ظهرت مشكلة كمان ...... ان بفتح غطاء زيت المحرك لقيت طحينة طحينة طحية لا و كمان ايه لقيت طحينة في غطاء الرادتير و قربة المياه فيها زيت !!!!!! ياجماعة حد يقولي هو كده ايه !! انا كنت غيرت جوان وش السلندر كده ايه الشغل ده على الفاضي ولا ايه !!! و كمان كده اعمل ايه في موضوع البساتم ده ... اعمل عمرة وزلا بلاش و تنصحوني اعمل ايه العربية سويفت 95 انا سمعت ناس بتقول بلاش تغمل عمرة و غيرت الموتور وريح نفسك بس انا كمان خايف من الخطوة دي لان ممكن يكون هو كمان في مشكلة رايكوا ايه في الموضوع ده ياريت تفيدوني لاني هتجنن و شكرا لاهتمامكم

فور مكنتك وطلع البساتم بالبيلات بره المكنه

لقيت غرف الحريق من الداخل مجرحه جامد وحتحتاج خراطه وتوسيع

علشان تستعمل بساتم بشنابر أكبر over size

لمها تانى وخليها عندك فى البيت

وشوفلك موتور تانى أستيراد زى موتورك

[dental_mn]

المشاركة الأصلية كتبت بواسطة كنتوش السلام ليكم ورحمة الله وبركاته اول واخيرا قدر الله وما شاء فعل والحمد لله على كل شىءبالنسبه للطحينه ده معناه حاجه من اتنين انك لو مكنتش غيرت الزيت بعد ما غيرت الجوان بعد السخونية دى يبقى ده طبيعى طبعا بعد ضرب الجوان وكل الحكاية تغيير زيت وفلتر وبس كده اما لو كنت غيرته فعلا يبقى كده الجوان ضرب تانى وعلشان تتاكد افتح غطا الريداتير وشوف فيه فقاقيع وبقاليل ولا لأ اما بالنسبه للموتور نصيحتى اعمل عمره وما تغيرش هو التغيير اسهل بس العمره اضمن وافضل لانك بتشوف المكنه بتتفك وتتركب وبتبقى عارف ايه اللى راكب فيها انا صاحبى غير موتور وبعد شهر دخن دخان ابيض والمكنه خفيفه والميكانيكى بتاعى كان عنده عربيه بيشوفلها موتور غيرلها 3 مواتير وفى الاخر عملها عمره انت تشترى حاجات اصليه وسليمه وتركبها وتنسى موتورك وربنا يوفقك

شكرا على المشاركة يا استاذ كنتوش هي الغريبة ان في طحينة في غطاء الزيت و طحينة في الرادتير و قربة المايه بس مفيش فقاقيع في الرادتير صراحة حاجة تجنن فامش عارف و كمان هو الجوان لحق يضرب تاني دا مكملش اسبوع (قدر الله و ماشاء فعل) و كمان عاوز اسال حضرتك هو عمرة في السويفت كويسة ولا الموتور الاستيراد احسن دا بالنسبة للسويفت لان في ناس خوفيتني من عمرة السويفت

المشاركة الأصلية كتبت بواسطة samirayad فور مكنتك وطلع البساتم بالبيلات بره المكنه لقيت غرف الحريق من الداخل مجرحه جامد وحتحتاج خراطه وتوسيع علشان تستعمل بساتم بشنابر أكبر over size لمها تانى وخليها عندك فى البيت وشوفلك موتور تانى أستيراد زى موتورك

باشمهندس سمير شكرا لى الرد
هو تقريبا هو ده اللي هيتعمل هحتاج بساتم اكبر و الشميز يرود المخرطة الميكانيكي قالي كده .. طب ليه بلاش هو المو ضوع ده مش هيظبط ولا في منه مشاكل ؟؟
كمان انا عاوز اعرف طيب مش الموتر الاستعمال ممكن يكون منه مشاكل برده و ارجع من الاول تاني
ياريت تفيدني و لك جزيل الشكر
اخوكم د/ محمود

[hazem_khidr]

فارغه موتور السويفت الومنيوم مش زهر
علشان كده العمره في السويفت لو فيها غلطه حتبهدل الموتور كله
الافضل شراء موتور استعمال خارج بفتيسه علي تجربه
و لو معاك ميكانيكي كويس حيجيب لك موتور محترم
و الموتور القديم تفك منه الدينامو و المارش و الكابيراتير والفتيس تخليهم عندك و تبيعه باي تمن بعد كده

[samirayad]

طب ليه بلاش هو المو ضوع ده مش هيظبط ولا في منه مشاكل ؟؟

تفويرك الأول للموتور ..........حيبين الحاله يادكتور

نفترض لقينا جسم الموتور من الداخل ( البلوك سلندر مسلخ من جواه...بطريقه وحشه )

ولقيت عمود الكرنك مريج برضه ووحش ومحتاج خراطه

يبقى بلاها البيعه دى

طيب ليه أنا بأقولك كده .............؟

مهارة شغل الخراطه والإلتزام بالمعايير الهندسيه للخلوصات

مش بالكفاءه المطلوبه ( عندنا فى مصر )

بيشتغلوا بالبركه يعنى

حتى فى أفضل ورش الخراطه ( ذات السمعه الجيده بمصر )

ورشة تستا وتونى بجسر السويس بالقاهره

وبالتالى الإقدام على هذه الأعمال بيعتبر مغامره محفوفه بالمخاطر

حتى مع توافر قطع الغيار على المقاسات الجديده

سواء بساتم بشنابر OVER SIZE

أو سبايك كرنك بأبعاد أصغر من الحاليه UNDER SIZE BEARING

وعن تجربه سابقه لى معهم

روحتلهم بماكينه ديزل ( وكانت حاجه بسيطه كمان )

وهى خراطة عمود الكرنك

للأسف أدانى أكبر سماح نص عليه كتالوج صانع المحرك بعد الخراطه

المفروض هندسيا

كل ماكان الخراط شاطر يقربك فى الخلوصات عن أقل سماح موجود أو أكبر سنه

بس ميقربش من أكبر سماح مسموح لخلوصات أعمدة الكرنكات

ولذا أنا لا أحبذ الأقدام على عمرات المحركات الصغيره

وقت حاجتها لأعمال

BORING ( توسيع لغرف الحريق من الداخل )

أما لو حتى على الكرنك

فممكن نجيبلها كرنك أستيراد بحاله أكثر من ممتازه ونشغل عليه سبايك أستاندرد

أتمنى تكون الأمور أتضحت لك الآن

كمان انا عاوز اعرف طيب مش الموتر الاستعمال ممكن يكون منه مشاكل برده و ارجع من الاول تاني

حلو وكلام تمام وتعصب تمام

ولكن ...........!!!!!!!!!!!!!

ألست معى أن الموتور الأستيراد مثل البطيخه

ومن الوارد جدا أن تطلع الطيخه ( حمراء وذات طعم مستساغ )

وخصوصا لو أشتريت البطيخه من فكهانى أمين

وياريت تكون بتعرف فى نقاوة البطيخ

أو معاك متمرس فى نقاوة البطيخ

بلاشك ستزداد فرص الحصول على بطيخه حمراء ذات طعم أكثر من رائع

_________________________ ____

نرجع بأه لموتورك

هو دلوقتى عامل زى بطيخه معاك بالفعل ( لأنك مش عارف إللى جواه )

نفترض بأه لقينا البطيخه الحاليه عندك ( موتورك ) عباره عن بطيخه قرعاء

نعمل أيه

_________________

نرميها ونشوف بطيخه تانيه ( من الوارد جدا أن تكون ذات طعم جميل ومستساغ )

____________________

لأن مش معقول طبعا

الواحد حيكسر بطيخه عنده ويلاقيها قرعاء

ويسكت

أكيد حيفكر فى شراء بطيخه أخرى

وحيلاقيها حمراء بإذن الله

____________________

وعلى رأى الست

فى قصيدة الأمل وهى بتقول

الأمل لولاه عليا ...........كنت فى حبك ضحيه