عربيتي كيا سيفيا استهلاك البنزين عالي

[sameh_saso]

مازال استهلاك البنزين في عربيتي عالي جدا ولا يوجد حلول اخري
جربت استهلاك العربية علي الطريق الصحراوي كان استهلاكها 252 كم في الصفيحة بدون تشغيل تكييف او سرعة ازيد من مائة كيلو.
طب ممكن اغير الرشاشات واجيبهم استعمال الخارج ولو ينفع اغيرهم بنوع عربيه تانية .
ملحوظة هذا الاستهلاك بعد تغيير زيت الماتور وفلتر البنزين وزيت الفتيس .
ومازال في صوت تكتكه غريب في ماتور العربية ساعة لما اسخن العربية صباحا وبيفضل لمدة دقيقتين .
ارجو الافادة من اهل الخبرة.

[sharooo]

السلام عليكم
250 كيلو في الصفيحه رقم طبيعي و مثالي جدا العربيه 1500 يا باشا

[kemo87]

المشاركة الأصلية كتبت بواسطة sameh_saso الف شكر علي سرعة رد حضرتك هو انا علي فكرة غيرت فلتر الهواء ولسه جايبه جديد وفلتر بنزين وكمان لمبة التشك الصفراء مش بتور معايا الا ساعة التدوية فقط وبعدين بتنطفي ولكن مش مستمرة خالص معايا انا هاراجع علي الوصلة المرنه اللي متوصله مع مسطرة الرشاشات واشوف . ولكن في حاجة غريبة ممكن استفسر عليها ساعة لما اجي ادور العربية الصبح واسخن العربية الاقي صوت تكيهات او البولوف عالي واحس بصوت تكتكه او كركرة عالية لمدة عشرة ثواني بعدين تقل لحد ما تختفي فهل هذا طبيعي واشكر حضرتك

السلام عليكم ...انا كمان معايا سيفيا 2001 وبسمع نفس الصوت لغاية المتور ميسخن..وبالنسبة لموضوع صوت الماتور عالي وخشن انا سألت في الموضوع ده قالولي ان العربيات السيفيا الكوري مفهاش الكلام ده عشان تقريبا شجرة الشكمان المصري غير الكوري .والله اعلم

[sameh_saso]

انا هاعرض الموضوع في قسم الصيانة والاصلاحات لاني فعلا مش مبسوط من العربية في كذا حاجة تانية

[hany_roland]

معايا سيفيا 2000 ونفس صوت التكتكة بسمعه من الموتور ساعة التسخين الصبح وبيقعد تقريبا ديقتين وبيروح وساعتها بلاحظ ارتفاع الأر بي ام إلي 1.5 وبعدين يبتدي ينزل تدريجيا ل 1
أعتقد في تأخير لوصول الزيت للمنطقة العليا وده بيحصل الصبح بس بعد فترة ركن للعربية
حد يفسرلنا الموضوع ده