|
#106
24-05-2010, 10:49 AM
|
||||
|
||||
رد: مغامرات أبو كمال فى الصحارى و الجبال من الكويت لمصر
و طبعا تحت أمر حضرتك فى أى اسئلة و مفيش تتقيل ولا حاجة بصراحة بالنسبة للجمارك .. انا امش عارف لأنى مانزلتش أجهزة كهربائية قبل كدة .. كلها كانت حاجات استعمل شخصى .. يعنى لابتوب.. موبايل .. كدة يعنى بس عموما الاجهزة اللى حضرتك قلتى عليها اعتقد بنسبة 95 % مابياخدوش عليها جمارك ...هما بياخدو على التليفزيونات.. كاميرات الفيديو لو مش هتسجليها على الباسبور .... الحاجات دى يعنى و انا بجد والله اسف جدا جدا على عدم إنهاء موضوع العودة لغاية دلوقتى ... أنا اصلا خلاص كلها شهر و مسافر تانى  .. ربنا يقدرنى و اخلصه
__________________
 ......................... .. يا ترى جاهزين لتجربة السواقة اللى جاية ؟؟؟؟؟!!!!!!! 
|
|
#107
02-06-2010, 09:53 AM
|
||||
|
||||
|
اسعار السفر و العبارات
الأسعار الجديدة لتكاليف السفر البرى من مصر للكويت.................
أسعار حجز العبارات من الكويت .... بالدينار الكويتى عبارة( القارب السريع) (رايح جاى) نويبع 140 على السيارة (الجيب) 113 على السيارة (الصالون) 40 على الشخص البالغ 31 على الطفل من سنتين ل 8 سنوات الاطفال ما دون السنتين مجانا عبارة عادية (رايح جاى ) نويبع 130 على السيارة (الجيب) 103 على السيارة الصالون 34 على الفرد البالغ 28 على الطفل من سنتين الى 8 سنوات الاطفال ما دون السنتين مجانا أسعار حجز العبارات من ميناء العقبة إلى نويبع و العكس ... بالدولار الامريكى عبارة( القارب السريع) (رايح فقط) نويبع 170 دولار على السيارة (الجيب) 150 دولار على السيارة (الصالون) 50 الى 60 دولار على الشخص البالغ 35 الى 45 دولار على الطفل من سنتين ل 8 سنوات عبارة عادية (هتكون اقل بمعدل 30 دولار امريكى على العبارة و بمعدل 15 دولار على الفرد ) نويبع مصاريف ثابتة 10 دينار تأمين السعودية رايح جى (70 ريال *2) و يتم دفعها على الحدود عند دخول السعودية 30 دينار تربتك يتم دفعها فى مكتب النادى الاهلى الكويتى للسيارات 9 دينار لفيزا المرور على الشخص الواحد.. من أى مكتب سيارحة و سفر بالكويت (الاطفال المثبتين على الجواز مجانا) 50 دينار بنزين رايح جاى (لسيارتى الكابريس 5700 سى سى ) و طبعا المواتير الاصغر استهلاكها اقل بكتير 40 دينار رسوم فى مصر (الرسوم + الحبشتكانات) 26 الى 30 دينار تأمين فى الاردن .. (داخلى و خارجى) و ربنا يستر طريقنا و طريقكم و اى اسئلة تحت امر حضراتكم
__________________
......................... .. يا ترى جاهزين لتجربة السواقة اللى جاية ؟؟؟؟؟!!!!!!! التعديل الأخير تم بواسطة SuMo ; 02-06-2010 الساعة 11:58 AM
|
|
#108
03-06-2010, 09:00 AM
|
|||
|
|||
رد: اسعار السفر و العبارات
اخبارك يا ابو كمال ؟؟؟ انا صدمت لما عرفت الاسعار دي انا كنت متخيل ان الموضع هيدخله في 250 او 300 دينار زي ما نا سمعت منك و من ناس كتير و قلت 200 دينار للسيارة... يعني قلت الليله كلها هتدخلها في400 .. 450 دينار ..بس لما روحت نادي سيارات قالي اني عشان احجز العباره راي جاي و التريبتك عايزين مني 310 دينار ده غير تأمين السعودية و الاردن و مصر وومصاريف البنزين و الطريق و شدة العربية ... فحسبتها لقيتها هتدخل في حوالي 700 دينار و الرقم ده كان بعيد جدا عن خيالي... و بناءا عليه لغيت فكرة الفر بالعربية و خاصة لما لقيت واحد صاحبي في مصر لقالي عربية عندواحد قريبه بسعر كويس جدا و من غير شيكات و لا حاجه و العداد مفتوح كمان و حجزت تذاكر طيران ليه انا و مراتي و ابني ب 300 دينار رايح جاى و ان شاءالله مسافرين الخميس اللي جاي ...بس انت على حسب تجربتك الاسعار تعتبر غليت عن الصيف الي فات و انا متهيألي؟؟؟؟
|
|
#109
03-06-2010, 10:10 AM
|
||||
|
||||
رد: اسعار السفر و العبارات
فعلا يا باشا الاسعار اتغيرت عن السنة اللى فاتت... و فاجأتنى انا كمان و علشان كدة قلت احطها فى المنتدى علشان الناس تعمل حسابها بدل ما يلبسو فى حيطة زيي انا حسبتها على نفسى طلعت هتتكلف حوالى 400 دينار و ممكن يقلو شوية لو حجزت العبارة من العقبة بدل ما احجزها من الكويت .... و انا يا باشا فى ظل الاسعار الجديدة دى .... لو لقيت عربية فى مصر ايجار بالمواصفات اللى انت بتقول عليها عند اى حد معرفة .. لن اتردد فى السفر طيران... بس صعب بصراحة انى الاقى خصوصا ان كلها 20 يوم و مسافر بإذن الله عموما انا عملت التربتك فعلا و ربنا يسهلها فى الباقى لكن الايجار العادى مساوءه اكتر بكتير من مميزاته بس ليه عاوزين منك 310 دينار ؟؟؟؟ انت كنت هتحجز على ضبا ولا ايه ؟؟؟؟؟ وعموما تروح و ترجع بالف سلامة يا باشا ان شاء الله و تقضى اجازة زى الفل
__________________
......................... .. يا ترى جاهزين لتجربة السواقة اللى جاية ؟؟؟؟؟!!!!!!!
|
|
#110
03-06-2010, 10:50 AM
|
|||
|
|||
رد: مغامرات أبو كمال فى الصحارى و الجبال من الكويت لمصر
عموما مستنيين الجزء التاني:::::::::: رحلة العودة، وشكرا ليك
|
 |
| الكلمات الدليلية |
| مغامرات |
|
|
