مش قلقان بعد الى سمعتة عن نيو سيراتو ..؟؟

[citroeen]

السلام وعليكم ورحمة الله وبركاتة وبجد لازم الواحد يفتح الموضوع دة وكل واحد يقول رائية بصراحة وبضمير وياريت بعدم تحيز للسيارة الى مالكها وانا كنت معجب جيدا بالسيارة دى وياريت كل واحد يقول رائية بصراحة عن الى سقها وركبها والى جربها والى سمع من اقرب الناس لى واشترها عن قرب عن العبوب الحقيقة والخفية.. الفترة الاخيرة انتشرت الكيا سيراتو بستغراب شديد والناس بتسمع عن عيوب صناعة وعن مشاكل فى العفشة والى سيقها مش قلقان من العربيية و مش واثق فيها بعد الى سمعتة فعليا والناس كانت بتشترى بس الان بتقل المبيعات دة الى انا شيفة حاليا عن كثرة الحوادث والمشاكل فى السيارة ويمكن معظم الناس عرفت المشاكل فيها فاكل بيبعيد عنها حاليا وكثرة بييع المستعمل منها ويمكن من فترة زمنية مكنش حد يمكن يعرف العيوب الحقيقة ويمكن السعر مغرى للعايزين سيارة كويسة وبكل الامكانيات بس الان كل عرف ان العربيية فيها حاجة مش مظبوطة وبالذات فى العفشة وبالذات وبالاخص المقصات دى عملة قلق فى العربيية وكل ماخش اى منتدى حدثة حدثة حدثة غير كدة كل ما انا شارع اشوف ونش شايل نيو سيراتو ومقلوبة عربيية ياجدعان مكملتش سنة واحدة وتتقلب (دى حاجة غريبة) وكلة بقدر ربنا سبحانة وتعالى بس لازم يكون فى ضمير فى الشركة المصنعة وفى التوكيل الى بينزلها لينا حرام والله عليهم ولو عروا ان فى عيب لازم يتصلح مش يسيبوا الدنيا عيمة وكبر الدماغ ومش شرط ان العربيية اخدت 4 فى التصادم الاوروبى والامريكى يبقى تمام الدنيا كدة فى حاجة تانية بردة غير التصادم فى عفشة ى ميكانيكا فى حاجات تانية كتير اوى لازم الشركة تفكر فيها وتبقى فى جودة فى كل شى و لابد من المشترى يدور ويعرف كل حاجة عن السيارة الى بيشتريها وازاى شركة زى كيا العظيمة تنزل جنط مينفعش لعفشة عادية ولازم عفشة سبور دة الى ميفهمش فى العربيات عارف ان الجنوط الكبييرة محتاجة عفشة تستحمل وتعيش وكذا واحد يشتكى وكذا واحد يقولك ابعد عن الكيا سيراتو و عن الهيونداى و عدم ثبات وكمان ثمن العربيات دى مش رخيص لان الفلوس الى بتدفع تعب وشقى السنين وعاوز اضيف حاجة ان عربييات الصينى مافيهاش المشاكل الى سمعنها فى الكورى حاليا دى بجد يعنى ممكن الصينى يحتل مركز الكورى حاليا بسبب المشاكل دى بجد حاجة غريبة وتقلق من كتر الشوف والسمع عن النيو سيراتو وكان ياريت كان العيب يبقى الميكانيكا ارحم ملييووون مرة من العفشة (لان العفشة هى اساس العربيية) الميكانيكا تتصلح وتظبط بس عيب العفشة بفورة زى مابيقولو وياريت نعرف الحقيقة فين عشان لو كدة نقول للناس الى بتشترى عربييات احذر من كدة جيب كذا وكدة لان دى بتبقى خدمة انسانية ى الاخر و قدام ربنا وياريت الناس تقول رائيها بصراحة فى سيارة النيو سيراتو وعدم العصبية وعدم التحيز وكل واحد يتفاهم كلامة وكل واحد لى رائية الخاص واحترامة وكلنا اخوات ى الاخر و الاول وبنفيد الجميع ويارب تكونوا بخير وشكرا ليكم جميعا ويحفظ الجميع فى رعايتة

[aalim]

كلام غريب جدا و اتحسم من سنه فاتت
العربية معايا بقى لها سنه:
-لا يوجد اى عيوب تصنيع و تقفيلها زى اليابانى. عزل هوا و صوت رائع
-الثبات 100% عن تجربة شخصية على سرعات اكتر من 180 على الدايرى و ملفات عاصية على 140.
-قصة المقصات دى اشاعة و اتحسمت من زمان و اتحدى حد يجيبلى صورة المقص ده.
- الجنط ال17 اكثر ثباتا لكن محتاج سواقة هادية لأن المطبات ممكن تبوظ العجل مع السواقة السريعة
-نشوفية العفشة بعد كام ألف بتقل جدا و مش بتحس بيها. و خلى باللك انها فى نفس الوقت ميزة لأنها معلية العربية عن الأرض و من النادر انك تلاقى مطب يحك فى بطن العربية. و بعدين يعنى الناس بتدفع مئات الالاف فى عربيات SUV انشف من السيراتو و مبسوطين.
-و قصة قلة البيع دى اشاعة. أما بيع المستعمل فمش كتير و لو دخلت سوق السيارات هتلاقى التجار مش بيندهوا عليك و لما سألتهم ليه واحد قاللى انه مش ممكن واحد يبيع السيراتو فى السوق لأنه لو حب هايبيعها و هوه فى بيته بأعلى سعر و حاطط رجل على رجل.

و الله حاجة تحزن ان الاشاعات لها مصداقية أكتر من الواقع و ده طبعا مع توفر الملايين من الخبراء اللى يحطوا رجل على رجل و يقول بمتنهى الثقة "السيراتو فيها عيب خطير و هوه انك لو شغلت الكاسيت و اديت اشارة شمال و دست فرامل و انت فاتح الزجاج الخلفى يمين, المقصات بتتكسر و العربية تتقلب حتى لو واقفة و خصوصا لو بتسمع تامر حسنى يا بنت الأيه"

اللهم بلغت اللهم فاشهد

[احمد شوغى]

والله فعلاً كلام غريب فعلاً السيارة معايا بقالها سنة عامله 30 الف كيلو ممتازه وبدون اى عيوب ولا صيانه ولا اى شىء وبصراحه هى السياره رقم واحد فى فئتها السعريه بلا منافس

[capink]

أنا ما سوقتش السيراتو لكن سألت كثير لاني ناوي أجبها ان شاء الله.

موضوع ان العربية بتتقلب بالنسبة ليا مجرد اشاعة لم يثبت صحتها حتى اﻵن لاني معرفش حد اتقلبت بيه العربية لكن قريت هنا في المنتدى عن حالتين وفي الاثنين كان في ردود منطقية من الأخوة في المنتدى و خصوصا ردود AboNora. لاحظ ان في الحالتين مفيش اي اثبات ان المقصات اتكسرت خصوصا ان الاتنين شرعوا في مقاضاة الشركة على حد كلامهم و عملوا المعاينات. و ده السبب المنطقي اللي ممكن يخلي العربية تتقلب (أو عيب أو انفجار في الاطارات ودي حاتكلم عنها بعدين).

كمان الصور المنشورة للعربيات اللي عاملة الحادثة تشير الى ان عوامل الأمان فيها جيده في حالة لا قدر الله حدوث حادثة.

أنا كمان سألت وسيط تأمين عارفه من زمان و العائلة كلها بتتعامل معاه عن الموضوع ده بحكم ان ده شغله وبيتعامل مع العربيات اللي عاملة حوادث. كان رده ان حوادث السيراتو معدلها طبيعي بالنسبة لانتشارها و ان اكثر عربية بتعمل حوادث هي اللانسر (لأنها الأكثر انتشارا و ليس بسبب أي عيب فيها).

الشكوى المؤكدة بالنسبة ليا هي انه مع الجنوط ال 17 الاطارات بتبوظ أحيانا في حالة القيادة السريعة في الحفر و الطرق غير الممهدة. و ده غير كلفته العاليه يمثل خطر لأن ممكن يسبب مشاكل كثيرة (الحادثتين المذكورتين في المنتدى كانوا جنوط 17 ده غير شكاوي كثير من ناس ما عملتش حادثة بس الاطارات باظت).

[eskenderiya]

حضرتك لو بتتكلم عى عيوب صناعة لا العربية مفيهاش عيوب صناعة قاتلة يعنى

هيا كجودة بالظبط زى اختها الالنترا

و الالنترا بتتباع من 2007 وماحدش اشتكى منها واهى شغالة زى الفل