مرايات الجنب اتسرقت.......حسبى الله و نعم الوكيل

[ssa]

انا كمان حصل مهايا واشتريتها من شارع دمشق ب 120 جنيه. حسبي الله ونعم الوكيل

[TheSantos128]

فداك يا برنس الحمد لله
انا قبل كده خدت السيراتو بتاعه عمى " عربيتى كانت بتتصلح" .... والاريال بتاعها اتسرق
وسئلت عليه لاقيه بى 300 فى التوكيل!!!
الجميل فى الحوار انى اشتريته من اللى سرقه بى 40 جنيه :ٍ
تخيل الحوار ده حصل فين ... الناس اللى بتركن العربيات قدام ستى ستارز
حكيت لواحد صاحبى ونزلنا قدام المول وكلمه من هنا على كلمه من هنا قدام الناس
لاقيت واحد جه جنبى وقالى :يابيه انا لاقيته واقع جنب العربيه وقلت انك هترجع تسئل عليه وعايز الحلاوه الغريب فى الحوار 3 حاجات:
1-مش هو اللى كان مركنى فى يوم الحوار ده لما حصل
2- لما لاقين الاريل ضاع قعدت اسئل الناس مفيش حد عبرنى
3-لما نزلت بعدها بيوم ومعايا صاحبى"ظابط شرطه وكان لابس الميرى" الاريل ظهر..
المشكله مش فى الحرامى,المشكله فى اللى سايبه يسرق عينى عينك :ٍ
ودمتم

[tiko]

أنا كمان حصل معايا الموضوع ده الأسبوع اللى فات و كمان فى عربيتين سيراتو فى الشارع اللى انا ساكن فيه اتسرق منهم المرايات بردو المرايات فى شارع دمشق ب 120 الواحده و ياريت الناس تخلى بالها لأن فى تجار كتير اوى فى شارع دمشق بتلعب فى سعر المرايا انا لقيت واحد بيبعها ب 160 ج وواحد تانى قالى خد مرايه النيو أكسنت حسبى الله و نعم الوكيل

[mohamed ellithy]

يا جماعه انا عملى فى الجراج بتاع العماره عندنا كاميرا على المكان اللى انا بركن فيه عربيتى
لان كل واحد له مكان معروف انا اشتريت الكاميرا ب120 جنيه بتصور صوت وصوره وبتصور مجال واسع حول العربيه وبيبقلا ليها سلكين اوديو فيديو ممكن توصلهم على التلفزرون العادى بس انا موصلهم عندى على الكمبيوتر وبسجل طول ما انا فوق ولو حدث شى الففروض الجزء بتاع السرقه بنقله على سى دى وابلغ واقدم السى دى كمستند يا ريت كل واحد يعمل زى ويحط الكاميره فى مكان الحرامى ميعرفش يوصله وتصور عن قرب علشان ملامح اللى بيسرق الكاميره صغيره جدا على فكره
فى حجك كاميرة الكمبيوتر وبالالوان

[mahranahm]

حسبنا الله ونعم الوكيل
نقول ايه بأه طب دى مراية سيراتو امال موضوع المساحات وعلامات العربيات
انا شايف بالنسبة للعلامات لو يكون فيه قانون فى المرور يمنع وضع علامات مخالفة للعربيات
لانك تلاقى سواقين تاكى وميكروباصات حاطين عشرين علامه من علامات العربيات الجديدة وطبعا كلها مسروقة عن طريق اطفال الشوارع ومتباعى بخمسة جنية عشان علبة السجائر
لينا رب اسمةالكريم
وطبعا الكلام دة بتاع العلامات اكيد فى مصر بس
آسف على الاطاله
وربنا يعوض عليك فى ثمن المرايات الجديدة