السول هاى لاين ولا السيراتو كوبية هاى لاين؟ محتاررررررررر

[محمود سامى محمود]

المشاركة الأصلية كتبت بواسطة zizoo21 أنا اخدت بالى من موضوع تقسيم الكنبة اللى ورا لقطعتين و بصراحة عجبتنى الفكرة .. المشكلة انى لما املا الشنطة لحد السقف مش هشوف فى المراية بس فكرة الشبكة دى كويسة خصوصا انى شوفت شبك شكلة حلو .... طيب اية رأيك فى الالوان ... اية احلى لون فيها ؟

أنا معايا اللوين ( تيتانيوم ) اللى هو أغمق درجات الرصاصي .. ده جميل و الأبيض عليه جميل برده .. و الأسود روعة ... دى أزواق .. بس أنا بعدت عن الأسود عشان بيطرب بسرعة . الأبيض ميزته إن مابينش عليه الوساخة .. التيتانيوم جمل جدا .. و ربنا يوفقك

[محمود سامى محمود]

المشاركة الأصلية كتبت بواسطة ramy01011 حضرتك سئلت علي جمركها كام ؟ اصلي بفكر اشتريها و ابقي انزلها و اية رأيك فيها و انت عارف ان اللي ماشي في الخليج العربيات الياباني .

الكيا أبتدت تنتشر فى الخليج أخر سنتين بس .. لأن بصراحة الكوريين بقوا بينافسو اليابان دلوقت .. و بيدوك سيارة فول أوبشن بسعر خيالى .. يعنى دلوقتى بقيت تشوف كيا كتير قوى بشكل ملحوظ عن الأول اللى يمكن ماكنش ليها وجود.. كمان فيروس اليابانى واكل عقول الناس .. و محجم النظرة لأى مودلات تانية .. بتعرف كمان إن ضمان اليابانى فى الخليج 60 ألف كيلو أو 3 سنين .. أما الكيا 100 ألف كيلو أو 5 سنين .. يعنى واثقين فى سيارتهم . هيا الكيا بصراحة ماشية هنا زى الفل . طيب هقولك حاجة . فى البيكانتو فى الخليج بتشتغل توصيل طلبات للمطاعم ( ديليفرى ) يعنى بتشتغل 24 ساعة ومن رجل لرجل .. و بسم الله ماشاء الله زى الفل . لا سخونة ولا أى عطل .. ودى أصغر و أفقر سيارات الكيا .. كفاية إنها 1100 سي سي .. و بتشتغل فى عز الحر فى الخليج .. أعقلها و أحسبها .. و بعدين قرر ...
بالنسبة لجمرك السول الفول أوبش ( هاى لين) ممكن تدخل تقريبا 60 ألف جنيه .. أما السول الأقل كمنها علطول يعنى مافيهاش فتحة سقف ولا جنوط ولا سينسور ولا كاميرا خلفية .. دى جمركها 41000 تقريبا ..

[zizoo21]

المشاركة الأصلية كتبت بواسطة محمود سامى محمود أنا معايا اللوين ( تيتانيوم ) اللى هو أغمق درجات الرصاصي .. ده جميل و الأبيض عليه جميل برده .. و الأسود روعة ... دى أزواق .. بس أنا بعدت عن الأسود عشان بيطرب بسرعة . الأبيض ميزته إن مابينش عليه الوساخة .. التيتانيوم جمل جدا .. و ربنا يوفقك

انا فعلا عجبنى فيها اللون التيتانيوم ... و انشاء الله هاجيبها نفس اللون ... انا خلاص نسبة شراء السول بالنسبة لى بقت 95% و انشاء الله هاجيبها بعد العيد ... كل عام و انتم بخير

[haithamshaker]

ما الفرق بين الكوبية والسيراتو 2010 وما وجهة الاختلاف بي الموديل الاول والثانى
وايهما تفضل ؟؟؟؟؟؟

[zizoo21]

المشاركة الأصلية كتبت بواسطة haithamshaker ما الفرق بين الكوبية والسيراتو 2010 وما وجهة الاختلاف بي الموديل الاول والثانى وايهما تفضل ؟؟؟؟؟؟

بصراحة يا هيثم الفرق كبير ..... الشكل الخارجى للكوبية روعة و احلى من السيراتو العادية بكتيييير .. و من جوة الكوبية افخم ..هى يمكن سقفها اوطى بس مش ضيقة من ورا .... انا افضل الكوبية عن السيراتو العادية جدا

بس مشكلتى كانت بين الكوبية و السول .. بس انشاء الله نويت على السول و ربنا يوفقنى فى اختيارى