ظبطت الكربيراتير العربية بقت تسقف !!!!

[Vanditta]

السلام عليكم ورحمة الله وبركاتة

دلوقتى انا روحت مركز الصفا بتاع الكربيراتير وظبطت الكربيراتير كان عندى استهلاك عالى وهباب على البوجيهات ودخنة سوداء مع الكبس وباب السرعة بيعلق
المهم ظبطت الكربيراتير والفنى طلعلى البوجيهات وهى مهببة على الاخر وقالى لازم يتغيروا قولتلة لأ نضفهم وانا هبقى اغيرهم بعدين

المهم بعد ما مشيت كان الطريق زحمة وماعرفتش اجرب العربية كويس
المهم النهاردة ماشى بالعربية فى صلاح سالم سامع صوت تسقيف على التانى والتالت واحيانا الرابع لو مش مشبع الغيار
ومش عارف التسقيف دة سببة اية ؟!؟! خصوصا انة ظهر بعد ما ظبطت الكربيراتير

انا قولت من البنزين عشان كنت خالط نص التانك 80 ونص 92 بس روحت فولت النهاردة نص التانك 92 بقى تقريبا ال 92 موجود بنسبة 90 فى المية فى التانك
وبرضة فى تسقيف ؟!

هل دة عيب كهرباء؟ مقدمة او مأخرة مثلا ؟! ولا عيب بوجيهات
ولو كان اى عيب من دوول اية اللى خلاة يظهر بعد ما صلحت الكربيراتير ؟!!

[mhamdy75]

كده هاتستنى لما التانك يخلص

ومون 90 أو 92

مش هتلاقى التسقيف

إن شاء الله

[Vanditta]

المشاركة الأصلية كتبت بواسطة mhamdy75 كده هاتستنى لما التانك يخلص ومون 90 أو 92 مش هتلاقى التسقيف إن شاء الله

يعنى حضرتك تعتقد ان التسقيف دة عشان خلط البنزين ؟!
طب لية ظهر بعد ظبط الكربيراتير وماكنش موجود قبل كدة ؟

[mhamdy75]

ظهر بسبب البنزين ال80

ومكانش باين عشان العربية

كانت ملخبطة

[Sniper1612]

يا باشا التسقيف بسبب البنزين و معلش عشان تبقى متأكد و اهى بالمرة نضافة .. استنى لما التانك يفضى خالص يعنى تكون العربية بتموت و روح حوت 20 لتر مسلن 95 منه هينضف المواسير و يظبطلك العربية و التفويلة اللى بعديها حط البنزين اللى متعود عليع عادى ان كان 92 او 90 بس بلاش 80

و تقبل مرورى