ياريت كل واحد يملك سياره نيسان صني يدخل يقول تجربته للعربيه

[khaled alkady]

انا بسأل عن زيت valvoline الزيت ده كويس ولا ايه نظامه وبكام اسعاره؟؟

[khaled alkady]

ربنا يباركلك ويكفيك شرها الشكل القديم جميل وجبار

[khaled alkady]

انا معايا صني سوبر صالون 2010 بجد يا جماعه بسم الله ما شاء الله العربيه يكفي اسمها نيسان موتور جبار قفلت بيها العداد وكان ورا تلاته ثانيا الفتيس الاتوماتيكي ذكي جدا ومن احسن الاتوماتيك اللي موجود ف العربيات ثالثا العربيه ما شاء الله ثابته جدا لحد 170 مقعوله جدا عربيه من الاخر وسعرها حلو الشكل القديم بالذات .وعلي فكره السوبر صالون بتاعها جميل جدا الجنط شكله حلو ومن جوه ابانوس وabs نفعني جدا من حادثه ع الغربي لحقني وانا ماشي 130 جميل airbag حاجه حلوه.

بس فيه تعليق التابلوه بتاعها شكله مقبوول لحد بس فيه اجمل منه والكاسيت بتاعها مش تبع نيسان ده هما بيركبوه من kenwood هيا ف الاكصدام اللي ورا ضعيف ومش حامي قوي الفانوس اللي ورا رغم الفانوس كبير لازم اكصدام عريض شويه

[khaled alkady]

انا معايا صني 2010 سوبر صالون المميزات:-
1-الموتور قوي جدا جبار يكفي انه نيسان وعلي فكره نيسان من اقوي شركات اليابانيه في تصنيع المواتير.
2-الفتيس الاتوماتيكي بتاعها ذكي جدا ومن احسن الاتوماتيك في مصر كلها
3- العربيه بسم الله ما شاء الله ثابته جدا لحد 170 وانا قفلت بيها عداد والعربيه اصلا تقيله ع الارض
4- الميزه بقي ف السوبر صالون ان الجنط بتاعها شيك جدا وكلاسيك ومدي شكل جميل والابانوس اللي جوه وكمان العفشه بتاعت السوبر صالون احسن من الا اكس رياضيه
5- الامان الabs حماني بعد ربنا طبعا من حادثه اكيده كنت ع 130 ولحقني الصراحه ف مسافه قليله جدا
6-التكييف بتاعها جميل وفوق المتوسط ف القوه
7-الشكل القديم بتاع الصني احسن من حيث قوه الموتور والثبات

العيوب
1- التابلوه من جوه شكله قديم ومش جذاب الصراحه
2-الاكصدام الخلفي مش عريض عشان كده معظم الفوانيس اللي ورا بتاع الصني مكسوره واكصدام ضعيف نسبيا.
3- الكنبه اللي ورا ضيقه شويه
4-الكاسيت اللي بينزل مش بتاع نيسان ده kenwood المفروض يبقي بتاع الشركه

[dr_eslam_66]

أنا جربت حظي في النيسان القديمة والجديدة وبعد تجربة العربيتين فعلا أقول العربية القديمة كانت مناسبة لسعرها ودا ماينفيش إنها عربية فقيرة تكنولجيا.
العربية الجديدة خطوة للوراء بكل المقاييس, لا يمكن أنا أتخيل إني نيسان لما حبت تطور الصني قامت منزلة منها الموديل الجديد دهز حاجة غريييييبة الشركة دي والله بتتصرف تصرفات عجيبة.
بص على الألتيما القبل الأخير والجديدة.
قارن بين الماكسيما الأخيرة والجديدة.
بص على التيدا الأخيرة والقديمة.
حاجة تكسف والله بقى عندهم القبح في التصميم دا حاجة بديهية.