ماهي افضل سياره صيني في السوق المصري الآن

[د.كمال]

السياره bydجميله وقويه جدا واعرف ناس شارياها من سنتين ولم يشتكى منها احد...واعرف واحد مشى بيها 60 الف كيلو فى عام واحد فقط سفر من العريش للقاهره اسبوعيا ولم يظهر بها اى عيب...وبالنسبه لمشكله التوكيل فتم حلها بافتتاح مركز خدمه فى القطاميه للسياره byd فقط....

[ابو حسام]

الاخوه الاعضاء بجد استفدت منكم كثيرا والاختلاف في الرآي لايفسد للود قضيه ومن خلال مشاركتكم انا بفكر فعلا في البي واي دي او جلي ام ك لكم جزيل الشكر

[ramy01011]

المشاركة الأصلية كتبت بواسطة Devill Blood سيبك أنت من موضوع الأف-3 ده هو أحنا هانهجص ولا أى أروح أجيب عربية أساسا ليس لها وجود فى السوق وأطلقت من كام شهر ولا يعرف لها مصير والله يبقى أسمه هبل,إذا كنت مصر على الصينى وأنا نبهتك يبقى عليك وعلى اسبيرانز لأنها أقوى فئة صينى فى مصر وكيان لن يختفى فى سنة ولا 2

مع احترامي لرأي حضرتك و عن تجربة شخصية لاتنين من اصحابي الاسبرانزا اثيتت فشل رهيب بعد رابع سنة معاهم الاتنين عارضنهم للبيع دلوقت و موش عايزين يبيعوهم لحد من اصحابهم علشان مستحرمين حد من معارفهم يشتري العربية دي لا قطع غيار موجودة و لا حد فاهم في الصيانة بتاعتهم.

[samehlila]

انا معايا جيلي سي كية 1600 موديل 2006 عاملة لغاية دلوقت 103 الف كيلو و العربية تمام و ماشية هيه فيها بعض الحاجات اللي تغيظ شوية زي مثلا خزنة زيت الباور محطوطه في حته تخنق تحت الانجكشن و كمان موتور الاي بي اس محطوط تحت ماستر الفرامل و ده بيعرضه انه ينزل عليه زيت لاي سبب انما فيما عدا ذلك هيه تمام و صالون شيك و تابلوه جميل و السحب تمام و بنصح اي حد عايز يجيب صيني يجيب جيلي سي كية او ام كيه لانهم عربيات جميله جدا شكلا و اداء

[smasherone]

المشاركة الأصلية كتبت بواسطة ramy01011 مع احترامي لرأي حضرتك و عن تجربة شخصية لاتنين من اصحابي الاسبرانزا اثيتت فشل رهيب بعد رابع سنة معاهم الاتنين عارضنهم للبيع دلوقت و موش عايزين يبيعوهم لحد من اصحابهم علشان مستحرمين حد من معارفهم يشتري العربية دي لا قطع غيار موجودة و لا حد فاهم في الصيانة بتاعتهم.

أنا اسف لو كنت أخترت رأيك انت بالذات عشان ارد عليه ..بس أكيد انا مش قصدي هجوم على اي حد لكن في معلومات مغلوطه كتيرفي المواضيع دي مستنده الى الاراء شخصيه وليس على اراء علميه

مبدأيا الاسبرانزا مبقلهاش 4 سنين في السوق المصري لأنها بدأت في اواخر عام 2006

ثاني حاجه أحب أوضحها ان شركه اسبرانزا من الشركات الرائده في الصين بعد شركه فاو الصينيه و التي تعتبر اعرق شركه سيارات صينيه و تليها جاكالتي دخلتمجال سيارات الملاكي قريبا

المهم لو تكلمنا عن السياره ام11 فهي تعتبر التطور الطبيعي للA516و التي لم يكن يعبها الا فقر المواد المستخدمه في الصالون + عيب علبه الدريكسون الشهير و اذا كنا سنرجع الى الاراء الشخصيه فزميلي في العمل و هو قيادته من اسواء القيادات التي قابلتهافي حياتي يملك واحد و عامل بيها حتى الان 120 الف كيلو متر ركبت السياره عفشتها لطيفه بالاضافه ان الصالون مكنش بيشخلل مثل معظم السارات في مثل هذه الفئه السعريه اما في الام11فتم النظر الى كثير من العيوب في الموديل الاسبق و تمعلاجه و بالفعل حصلت هذه السياره على تقييمات عاليه مقارنه بالفئه السعريه و اكررمقارنه بالفئه السعريه و هي تتربع على عرش هذه الفئه من حيث الامان و التسارع و مسافه التوقف بالاضافه لان المعلومه المغلوطه عن اسبرانزا بعدم توفرقطع الغيار هذه معلومه ابعد ما يكون عن الواقع فالاسبرانزا من السارات الصينيه القليله التي توزع قطع غيارها خارج الوكيل بالاضافه الى رخصهذه القطه مقارنه بامثالها
و السياره التي تأتي بعد اسبرانزا على قمه هذه الفئه هي الجاك بي 15 و ارجو البحث عنها هنا في الموقع فقد قتلت بحث مع الشكر و الاعتذار ان كان في اسلوبي اي شيء من الحده كامل احترامي لزملائي في المنتدى