كل ما تريد معرفته عن جيلي اميجراند الجديدة

[mms]

المشاركة الأصلية كتبت بواسطة takakan2005 من جوبلز أستاذ غبور للجيلى الأيمجراند يا قلبى لا تحزن جوبلز وزير الدعاية لهتلر قال إكذب ثم إكذب ثم إكذب حتى يصدقك الناس ويبدو أن غبور من تلاميذ جوبلز السيارة إيمجراند تبنى دعايتها على أنها واخده 4 نجوم فى إختبرات الأمان والتصادم الأوروبية مستفيدة من خبرات شركة فولفو اللى إشترتها جيلى .......إالخ ولكن طبعآ السيارة اللى واخدة الدرجة دى بالقطع مش اللى متقفلة فى مصر فمثلآ ......مثلآ يعنى اللحامات اللى كانت فى السيارة الصينية كانت ببنط اللحام العادية المصرية ولا كانت بالروبوت والليزر ومثلآ ....مثلا الأيرباجز كانت هى نفسها الموجودة فى التقفيل المصرى كما وكيفآ ولا أقل ولآ أكتر ومثلآ مثلآ الشاسيه والزجاج .......إلخ اللى موجودين فى المصرى - حسب قواعد وزارة الصناعة المصرى اللى لازم يكونوا بنسبة 40% على الأقل من مكونات السيارة - هما نفس اللى كانوا فى العربية اللى راحت الأختبار ولا دى كانت عربية متقفلة فى الصين وملهاش علاقة بالأسطى بلية بتاع اللحام إياه دى السيارة اللى أخدت الدرجة دى فى الأختبارات لو كانت هى المصرى ده إحنا نبقى كده طولنا القمر بإيدينا ونبقى عدينا خلاص ....ي اعينى على النخع اللى عينى عينك الكلام ده يصح لو السيارة دى كانت مستوردة من بلادها مش متجمعة بإيدين الأسطوات بلية اللى لسه بيلحم بالأوكسجين مش بالليزر والروبوت وقد قال المتنبى : وكم ذا بمصر من المضحكات ولكنه ضحك كالبكاء وعجبى

على فكره المصنع اللى بينتج الامجراند فى مصر غايه فى التطور . ومستخدم فيه الروبوت على نطاق واسع .
ياريت حضرتك تروح تشوف بنفسك .
لان كلام حضرتك كله غلط .

[mms]

المشاركة الأصلية كتبت بواسطة khaledamin انا سجلت مخصوص فى المنتدي علشان ارد على حضرتك . السيارة واخدة 4 نجوم فى اختبار التصادم الاوربي و حضرتك ممكن تدخل تشوف بنفسك . و دة مش معناة اني بقول ان السيارة ممتازة بس مش هو دة السبب اللي يخلينا نقيم السيارة على اساسة و شكرا

حضرتك فاهم اخونا amada غلط . هو متاكد ان الامجراند حاصله على الاربع نجوم . ولكن هو بيقول ان الام11 هى اللى مادخلتشى اختبار التصادم من اصله . وبيتكلم بسخريه على اساس ان اللى كان بيهاجم الامجراند بيعمل دعايه لاسبرانزا .

[webyoung76]

يا جماعه خلينا موضوعيين في حوارنا محدش قال ان الاميجراند احسن من البي ام دبليو مثلا بس قطعا الاميجراند احسن مليون مره من الفيرنا ال 72 الف ومليون مره من اللانوس وكل دول عربيات ورق وعارفين ان مفيهمش 1 في الميه من مقومات الامان يعني ببساطه هي عربيه بتديك رقم عالي في نسبة القيمه الي السعر فهي قيمه اعلي من السعر وبعدين لازم تعرفو ان مشترو السيارات في الفئه السعريه دي من الاخر مبيدوروش علي نسبة الامان ولا حاجه من دي هم بيدورو علي حاجه واحده بس هي سهولة الصيانه وتوفر قطع الغيار ال بتؤدي حتما لاعلي سعر اعادة بيع والعربيه دي كده كده هتحقق المعادله دي ومعلهش كل العربيات الصيني او غيرها ال بتتجمع في مصر بتتفرغ من اغلب امكانياتها وكمالياتها علشان تتباع بسعر ارخص ولاول مره بلاقي عربيه بتتباع من غير ميشيلو اي شيء من الطراز ال بيجمعوه يعني نازله ال 1500 من الاميجراند بنفس مواصفات وكماليات الاميجراند ال 1500 في كل دول العالم انا من وجهة نظري يا جماعه ان العربيه دي لووفرلها غبور كل قطع الغيار باسعار منافسه وخدمة ما بعد البيع كانت علي نفس المستوي يبقي هتكون العربيه رقم 1 في مصر في الفه دي وهي بصراحه عربيه تستاهل وارجو من الساده اعضاء المنتدي يكونو عمليين ولما يجو يقارنو العربيه دي يقارنوها بالفيرنا والانوس واللوجان وباقي العربيات الصيني ال فنفس الفئه هيعرفو قد ايه هي متفوقه جداااا محدش فينا ابدا قارنها بالمرسيدس مثلا قارنها بفئتها هتلاقيها عربيه فائقه بجد