الحقوني ......الميكانيكي بوظلي العربيه مش عارف اعمل ايه معاه

[romioromio]

المشاركة الأصلية كتبت بواسطة aymangalal كلام مظبوط جدا ... يستحسن ماتروحش لاى واحد وخلاص واسأل قبل ماتروح زى ما اخواننا الافاضل نصحوك ... انا كنت ماعرفش حد واى صنايعى دلوقتى بتعامل معاه جه نتيجه معرفه ومعامله اكتر من مره لغاية ما اثق فيه شخصيا وفى صنعته تسلم يا ابو نورا على الكلام (الدرر) ده واسمحلى اضيف نقطة صغيرة .... حتى الوحد لو مش فاهم يسأل ومايتكسفش على الاقل عشان يعرف سبب العطل ده ايه؟؟؟ مش يمكن سوء استخدام بدون قصد؟؟؟ عشان اعرف ازاى اتعامل بطريقة صحيحة مع العربية وكمان جر كلام (على حسب الصنايعى) كأنك بتتصاحب عليه وكلمه فى الشغل على كلمة بره الشغل تقدر تفهم مبدئيا الصنايعى ده دماغه ايه.. وكمان خد بالك من كلامه ومعاملته مع الاخرين ...وصنفه(اعمل له تصنيف) حسب وجه نظرك على المستوى الشخصى والعملى .. وكمان قبل ما يحط ايده فى اى مسمار ويفكه ويبتدى يصلح اعرف المشكله فين ؟؟ وسببها؟؟ وهاتتكلف كام قبل اى شىء؟؟ عشان مش بعد مايخلص تتفاجىء بمصنيعيته او سعر قطع الغيار اللى اشتراها.... وباين عليك من الناس اللى بتتحرج وبتتحط قدام الامر الواقع (لا بتفاصل ولا بتتكلم فى فلوس) وكده ماينفعش فى مجال صيانة العربيات... ودعواتى لك بالتوفيق ومزيد من التعليم المفيد ان شاء الله

شكرا لردك



انا فعلا من النوع اللي مش بحب الرغي والكلام الكتير
عشان كده مبسالش ولا بحب الفصال

لدرجة ان لما حد بيفاصل معايا في الشغل برضي عشان انتهي

انا عارف ان ده غلط بس انا بالي مش طويل وباجي بسرعه فاهمني
_________________________ __

انا كمان بعمل حاجه كده مش عارف بقي استهتار ولا ترييح دماغ

انا لما بستلم العربيه مبجربهاش عند الصنايعي باخدها وامشي علي طول

لدرجة ان الفقري اللي صلحلي الفتيس وانا مروح قلت افتح عالخامس لقيت الخامس مش بييجي
ورجعتله بعد اسبوعين
مع اني المفروض كنت رحتله في ساعتها واديته اللي فيه النصيب بس انا غلطان

كمان المشكله ان اي حد برحله بيقولي سيبلي العربيه وتعالي كمان شويه
وبكون واخد واحد صاحبي وبيقولي عادي سيبها
حتي الكهربائي اللي عبالي الفريون قاللي سيبها

انا حروح واقف مع الميكانيكي لو قاللي سيبها حاخد العربيه وامشي

ولا ايه؟؟؟؟؟

[sherif fersh]

المشاركة الأصلية كتبت بواسطة romioromio حتي الكهربائي اللي عبالي الفريون قاللي سيبها انا حروح واقف مع الميكانيكي لو قاللي سيبها حاخد العربيه وامشي ولا ايه؟؟؟؟؟

...
أنت كده يتخاف عليك فعلا ..
اللى بيعبى الفريون بتاع التكييف مش الكهربائى خالص
لازم تدى اهتمام شوية للعربية و تركز مع الصنايعية ...
و تروح عند الميكانيكى و مافيش حاجة أسمها تسيب العربية
و الله الموفق ‘

[romioromio]

انا رحت امبارح الميكانيكي قاللي سيبهالي يوم كامل

خدتها ومشيت وراكنها تحت البيت

هو رفعها شافها كلها بتنقط زيت من تحت

وقاللي حيتكلف مصنعية ايده 350
وانا اللي حشتري الحاجه

انا كرهت العربيات

اول واخر مره في حياتي اشتري مستعمل

انا اصلا نادرا لما اشتريت حاجه مستعمله قبل كده

[aymangalal]

المشاركة الأصلية كتبت بواسطة romioromio انا رحت امبارح الميكانيكي قاللي سيبهالي يوم كامل خدتها ومشيت وراكنها تحت البيت هو رفعها شافها كلها بتنقط زيت من تحت وقاللي حيتكلف مصنعية ايده 350 وانا اللي حشتري الحاجه انا كرهت العربيات اول واخر مره في حياتي اشتري مستعمل انا اصلا نادرا لما اشتريت حاجه مستعمله قبل كده

يا استاذ romioromio حضرتك واخد انطباع سيىء عن المستعمل بسبب اهمال وجشع صنايعى فى حين ان العربية المستعمله زيها زى الزيرو الاثنين بيحصل لهم عطل او مشكله والاثنين بيتصلحوا ويتصينوا والمشكله بتنتهى المهم النسان اللى بيشتغل فى العربيتين سواء مستعمل او زيرو طول بالك كده وماتخليش خُلقك ضيق هههههههههه شوف انت بس صنايعى كويس وموثوق فيه عن طريق احد معارفك او اسأل حد من الاعضاء يكون عارف صنايعى كويس فى منطقتك ون شاء الله المشكله تتحل بأقل التكاليف وبلا رجعه وتركب عربيتك وهى حالتها تمام وبدون مشاكل
اسعى انت بس وان شاء الله ربنا هاوفقك للخير

[mohamed ibiza]

باشا معلش سؤال ! ان روحت لاتنين ميكانيكيه و حتي الان محدش قالك العيب ايه ! كله بيقولك تكلف كذا ! انا في رأيي الشخصي العيب اللي عندك بالوصف اللي حضرتك بتقوله ما هو الا اولسيه فتيس ! بيسرب زيت الفتيس و يخليه يعرق علي عمود الكبالن و تحت الموتور و الفتيس ! موضوع سهل و بسيط انا عن نفسي عملته قبل كده و بسيب العربية لانها بتاخد وقت و بيفور العفشه لكن بسيبها عند ميكانيكي ثقة و بتعامل معاه من زمان مش عند اي حد و موضوعك ده كله تمامه بالكتيير اوييييييييييييييييييييييي يييييييييييييييييي يوم ما يبقي مزود عليك بالاولسيه بالمصنعية 150 جنيه !!