الأسبراتير الأكتروني

[amgad saeed]

شكراً جزيلاً - ان شاء الله اسأل عند حمدي لادا - بارك الله فيكم

[amrodardiry]

حرام عليك تركب الكتروني لانه سعرة غالي ولازم يكون معاك مشط احتياطي لو باظ اللي راكب لانه ممكن يبوظ في غسيل الموتور ولازم يركبله حساس علي عمود الاكيهات علشان يشتغل صح من الاخر اظبط الكهرباء كويس وايها بنزين 92 بين فترة والتانيه

[Gamal Elbadawy]

لو غيرت لاسبراتير الكترونى -مع انى مش من انصار الموضوع ده- اتأكد انك تركبله بوجيهات فيها مقاومه ودى تعرفها انك هتلاقى حرف الR فالكود بتاع البوجيهات والبوجيهات دى بتبقى غاليه شويه يعنى الطقم بيعمل حوالى 120 جنيه بس بيحافظ على المشط انه ما يتحرقش .... والله اعلم

[zing0]

كلام تمام
الإسبراتير الألكترونى ليه مشاكله
- لازم يكون معاك مشط احتياطى (بحوالى 70 جنية) لأن لو المشط بتاعها أتحرق هتقف هتقف
انما الأبلاتين ممكن لو لدع تصنفرة و تنضفة و يمشى معاك لحد متروح بيتك بالسلامة و تبقى تشوفى بعدين
- لازم تركب له بوجيهات بمقاومة, زى ما الأستاذ Gamal Elbadawy قال
لازم يكون عليها حرف R و هتلاقى الطرف إللى بيركب فية السلك مصبوب (مش بيتفك بقلاووظ زى البوجيه العادى)
أعانك الله

[احمد شهاب]

الاسبراتير الاليكترونى افضل من العادى .. انا كنت فى معاناة بسبب الاسبراتير العادى كل شوية ابلاتين يلدع ولا الكوندسر والعربية مبرجلة تركب ابلاتين وكوندسر العربية تتظبط وبعد كام يوم ترجع تانى ... حتى انعم على اللة وو فقنى الى تركيب اسبلاتير اليكترونى بالبوبينة بتاعتة خاص بالشاهين الحمدللة افضل بكتير من الاول
اهم حاجة للحفاظ على المشط والبوبينة ان كبلات البطارية السالب والموجب يكونوا مربوطين كويس لان لو فية كبل وخاصة الارضى مش مربوط كويس هيضرب المشط
عدا ذلك 100%