اسألو مجرب ولا تسألوش مركز صيانه

[طارق ابوذيد]

المشاركة الأصلية كتبت بواسطة corsair ههههههههههههههههههههههههه هههههههههههههههههههه والله Corsair مش Sorsair ههههههههههههههههه

حاولت اكتبه بالانجليزى مفيش فايده لازم اغلط فى اسمك ممكن اكتبه بالصينى

[طارق ابوذيد]

اين تجارب الاعضاء حتى يستفاد الكثير وجزاكم الله كل خير

[mr_astra]

طب نسمى ونقول على اشهر عيب فى لادا او ما يشاع عنها وهى السخونة

فى حلين والاتنين عملتهم والحيثيات كالاتى
لادا 2107 موديل 85 موتور 1600
تم تركيب ردياتير نحاس 3 ماسورة وتركيب مروحة 6 ريشة خفيفة تستمد حركتها من سير مربوط بالكرنك وراكبة على طمبورة اصغر من طمبورة الفبريكة
النتيجة مؤشر الحرارة لا يتعدى المساحة البيضاء فى مختلف ظروف التشغيل ( اشارات ،،،طريق مفتوح )
الحل الثاني
تم عملة فى لادا 2107 موديل 2007
تم ترك الردياتير الالومنيوم اللى العربية بتنزل بية
تركيب مروحة كهرباء على الردياتير وتركيب سينسور 82:60
النتيجة بعد تشغيل المحرك لفترة قصيرة جدا المؤشر يوصل لاول المنطقة الخضراء ولا يمكن باى حال من الاحوال ان يتعدى المنطقة الخضراء يعنى المروحة تبدا عملها اخر الاخضر الى ان تصل بالحرارة الى اول المنطقة الخضراء
والحلين تم نزع ثرومستات الحرارة اللى راكب فى الكوع

[mr_astra]

تانى عيب ومشهور اوى وهو تقل الدركسيون
علاجة
تركيب مناول على رولمان بلى مع تشحيم او تغيير عدد 4 بيضات بنوع روسي اصلى مع غسل جميع اجزاء العفشة بالجاز والزيت وتظبيط الزواية
النتيجة هاتحس بفرق ملحوظ جدا فى طارة الدركسيون

[mr_astra]

فى عيب كمان مشهور اوى
وهو اجهزة التعليق الخلفى
حلها
تركيب سوست استيراد بتوع الفيات 132
وتركيب مساعدين يابانى بتوع العربية الدبابة
النتيجة ثبات عالى جدا حتى مع زيادة الحمولة على الكرسي اللى ورة
احساسك بالمطبات احساس لطيف وفية شوية دلع