تجربة الكيا نيو سيراتو - 1600 سى سى اوتوماتيك.

[HaMaDa-ToUBaR]

الكـــــــــــــــــــيا السيرااااااااااتو عربية فى نظرى انا جميلة جدا وكفاية ان هى اول عربية نزلت بكم التكنولجيا فى الفئة السعرية دى
اة فيها عيوب زى خشونة العفشة والثبات والكلام دة
بس رااااااااااااعو ان دى عربية عائلية مش بتاعة سرعة ولا جرى ولا حركات ولا كلام من دة
دة غير انها عربية مش متكلفة فبلاش ندور فيها على حجات مش هنلاقها الا فى فئة سعرية اعلى

طيب عاوزين تعرفوا لية انتشرت العربية دى
الجواب وهو بكل بساطة ان اغلب الشعب المصرى عندة حرمان من انة يقدر يركب عربية شكلها جامد وحديثة وكلها امكنيات وبصمة وفتحة سقف وكل دة بمبلغ كويس مش وحش
فعلشان كدة حصل الانتشار دة

[engmish]

المشاركة الأصلية كتبت بواسطة sam ram اقرب حاجه في الرينج ده اوروبي الرينو فلونس ... هي تقفيل تركي برضو زي اللينيا بس بصراحه تحسها فئه اعلا من اللينيا و السيراتو .. وفعلا اوسع و اكبر منهم والتوكيل بيعمل ليها دعايه جامده اليومين دول يمكن علشان يعوض سمعه الميجان السيئه العربيه كتقييم استخدام صعب شويه لانها مكملتش سنه لكنها ابتدت تنتشر بلالنسبه لفتره تواجدها

هو بس سؤال صغير، بالنسبة لسحب العربية إيه نظامه؟
السؤال التاني، أعتقد إن الهاي لاين بتاعها 167 ألف بس البداية بكام ومواصفاتها إيه؟ لو فضل سعرها عالي فأعتقد إني ممكن أفكر في بيجو 308sw

[sam ram]

المشاركة الأصلية كتبت بواسطة engmish هو بس سؤال صغير، بالنسبة لسحب العربية إيه نظامه؟ السؤال التاني، أعتقد إن الهاي لاين بتاعها 167 ألف بس البداية بكام ومواصفاتها إيه؟ لو فضل سعرها عالي فأعتقد إني ممكن أفكر في بيجو 308sw

بصراحه مجربتش العربيه علشان اقدر احكم على سحبها ...
انا اتفرجت عليها بس و جبت مواصفاتها
وده كان موضوع عنها قبل ما تنزل مصر
http://www.masrmotors.com/vb/showthr...DD%E1%E6%E4%D3
ودي مواصفاتها من التوكيل اول ما نزلت


اول ما نزلت كانت اول فئه ب113 الف
و المفروض الاسعار تقل على بدايه السنه
للاسف هما دلوقتي رفعوا الاسعار لموديلات 2011 ... يعني في موقع كونتاكت حتلاقيها بتبتدي من 120 الف
يمكن علشان اول السنه لما يرجعوا للسعر القديم يبقى خفضوا السعر
متهيألي البيجو 308 SW في رينج ال 160 الف
فلو حضرتك عندك استعداد تدفع المبلغ ده فممكن تلاقي غير البيجو السيات ليون او التيا بفتيس ال DSG بتاع فولكس ... هما نفس شاسيه ومواتير الجيتا و الاوكتافيا لكن للاسف مش منتشره ... لكن عربيه جباره بمعنى الكلمه ..
او خليك في المضمون وهات اوكتافيا
وبرضو الجيتا حينزل منها موديل جديد 2011 .. بس حيوصل مصر امتى الله اعلم .. و المفروض انها تنزل ارخص من الموجوده دلوقتي لان فولكس بتحاول تبيعها في السوق الامريكي وحتعملها بمواصفات جديده بسعر اقل علشان تقدر تنافس بيه سعر الكورولا و السيفيك هناك
لو تقدر تستنى لاول السنه يبقى افضل ...تكون الامور وضحت شويه .. وان شاء الله ربنا يوفقك لاحسن حاجه

[فادى]

المشاركة الأصلية كتبت بواسطة sam ram انا قريت الموضوع من فتره .. و طبعا الاسلوب جميل جدا و لغه صحفيه بلاغيه راقيه و تشبيهات كوميديه دون اسفاف .... وبس !! رأيك طبعا يحترم سواء اصبت او اخطاءت ... دي قناعتك الشخصيه التي لم ولن تتغير وانا مش من ملاك السيراتو وبالتالي معنديش الخبره الكافيه اني احكم على العربيه لكن بسمع و بقرا و بشوف ..ساعات كلام منطقي و ساعات كلام غريب !! وانا مش داخل اعلق على التقرير او اتناقش فيه لانها مش مستاهله برغم اني لقيت تناقضات في تقريرك ومشاركاتك ابسطها انك ذكرت ان العربيه مريحه جدا برغم اعتمادها لعفشه بدائيه جدا اللي هي القضيب المقاوم للالتواء او ال Torsion Beam برغم ان النظام البدائي ده (الموجود في البرافو على فكره .... والكورولا و الصني و الجيتا 2011 وغير هم كتير) يعتبر غير مريح مقارنه بالتعليق المستقل !! او حتى فروق نسب الوزن للقوه ال0.5 % اللي ينفع نقارن بيها عربيات من الراليات او الفورميلا وان .. مش عربيات من فئه العائلي المتوسط !! لكن في جزئيه كانت قويه جدا جدا ومش قادر امر عليها مرور الكرام حضرتك بتقول ان كون السياره اقتصاديه فلا يشفع لشركتها اهمال عوامل الثبات و الامان وضربت مثال بالوجان و السيينا انا مش حتكلم عن اللوجان لكن بحكم امتلاكي للفيات سيينا لمده سبع سنين قطعت بيها فيهم 113 الف كم .. اعتقد اكبر من المسافه اللي حضرتك قطعتها بالشاهين مع العلم انها كانت بالموتور ال 1400 الموجود في الشاهين 1400 فانا هنا ليا معاك وقفه و علامات استفهام و تعجب و استنكار وعلامات ارشاديه و تحذيريه الامان :- السيينا يا سيدي الفاضل سياره تحمل اسم فيات و لا يتم انتاجها او بيعها في اوروبا لكن في البرازيل و تركيا و الهند و الارجنتين و طبعا دول الشمال الافريقي ليه ... لسبب بسيط .. انها معموله لدول العالم التالت وبالتالي عوامل الامان فيها تنحصر في عدد 2 حزام امان امامي فقط .. يعني مفيش على الكنبه .. و لما ربنا رزقني ببنت مبقتش عارف اركبها العربيه ازاي فكنت بضطر ازنق الكار سيت بتاعها بين الكنبه و الكرسي وللاسف مره نسيت ودخلت ملف بسرعه شويه اتقلبت واتخبطت في راسها علشان كده لما ربنا رزقني باخ ليها حمدته انه قدرني اجيب عربيه فيها احزمه امان خلفيه علشان اقدر اثبت الكار سيت الثبات :- السيينا لو لاحظت تصميمها حتلاقي الكبوت صغير جدا والموتور في المقدمه ... اوي والشنطه طويله وبعيده عن محور العجلات الخلفيه فبمنتهى البساطه العربيه تعاني من سوء توزيع الوزن يمكن بعكس الشاهين ذات الدفع الخلفي مع قاعده عجلات صغيره وجنوط مقاس 13 فالعربيه لديها ميل طبيعي للانزلاق في الملفات والاندر ستير على عينك يا تاجر وكفايه اني اقول ان الماتريكس اللي من فئه الميني فان ثباتها واتزانها افضل من السيينا !! دول النقطتين اللي حضرتك استرشدت بيهم علشان تهاجم بيها السيراتو وضربت مثال بالسيينا طيب على الاقل السيراتو فيها حزام امان في الكنبه .. مش حقول ABS !!!! وثبات السيراتو !! طيب ايه رأيك ان ثبات السيراتو احسن من ثبات الماتريكس اللي هو احسن من ثبات السيينا !!!!!! ومش ثبات و امان بس الخامات :- الله يسامحك كرهتني في السيينا مع اني كنت بحبها بلاستك زيها زي الكوري و يمكن الكوري احسن .. واكيد اكيد ... السيراتو احسن .. مع انه بلاستك برضو .. بس احسن من السيينا التقفيل ... حدث ولا حرج مصري ... كاوتش باب بيتخلع ... مخرج تكييف يتكسر انا عارف انك بتنقل تجربتك بمنتهى الامانه على حد قولك .. مش بكدبك و لا بنقض كلامك علشان اغلطك ... لكن عايز اقولك كلمه بمنتهى الصراحه كراهيتك للاسيوي اثرت على حياديتك وحطيت على عينيك غشاوه يا ريت تركز اكتر على الايطالي حنبسط اوي لما اشوف تقرير ليك عن اللينيا او تجربه للبرافو او الجراند بونتو تصدق انا كنت بحب السيينا جدا .. وكنت متابع اخبار اللينيا و بتمنى نزولها بفتيس اوتو بسعر منافس واقول ربنا يقدرني و اجيبها .. برغم مساوئ التوكيل و سعر قطع الغيار و سعر الريسيل المتوقع ... ورغم المقلب اللي شربته لما التوكيل القديم اتغير بتوكيل اسواء منه و ده احد اسباب اني غيرت العربيه لكني للاسف من الناس اللي بتحب الايطالي ... ومقتنع ان احلا مواتير في الدنيا هي الايطالي ... و انهم احسن ناس يظبطو موتور مع فتيس ونسب تخفيض .. حتى لو كان التقفيل مش اد كده او في مشاكل اعتماديه او موثوقيه .. زي الكهربا مثلا بس علشان الورد يتسقي العليق طيب انا حعملك مقارنتين بين السيينا و الماتريكس .. مع ان ملهومش علاقه ببعض لكن بحكم اني سوقت الاتنين اكتر من 100 الف كم .. يعني مع احترامي لاي خبير عربيات عندي خبره فيهم .. على الاقل كمستخدم وبعدين ما انت برضو مجيبتش حاجه اوروبي تقارنها بالسيراتو و كل اللي قلته برافو و سيينا و لوجان في كل مقارنه حطلع بواحده السما و اخفس بالتانيه الارض .. وبكل حياديه و امانه .. يعني مش حلفق .. لكن حضيف الشغف و العاطفه على التقييم .. مقارنه واحد :- بمجرد ادارتك لمحرك السيينا ينتقل اليك فورا الاحساس برغبته في الانطلاق وبرغم قوته المحدوده التي لا تتعدى ال 80 حصان (هو اقل من كده في الحقيقه حاجه وسبعين ) الا انك وبدعسه بسيطه على دواسه الوقود تجد انطلاقه مدهشه للسياره و تسارع اولي مذهل وتتلاحق النقلات بمنتهى السلاسه لتجد نفسك قد وصلت لسرعه ال 100 كم في ثوان معدوده .. ولم لا فالايطاليين هم افضل من يصنع محركات العالم ومقارنه بالسياره الاخرى و رغم امتلاكها لمحرك اقوى يبلغ 105 حصان .. اي ان الماتريكس اقوى ب 25 حصان دفعه واحده .. الا ان هذا الفارق لم يعطي للسياره افضليه في التسارع بسبب وزنها الثقيل الذي التهم هذه الاحصنه ولم يترك منها الا القليل ... خاصه مع فتيس اوتوماتيك تقليدي بدائي استنزف ما تبقى من قوه هذه السياره قلت انا حاجه غلط .. كدبت ... لا .. انا افتريت بس على عربيه و مجدت التانيه مقارنه 2 :- وعند مقارنه الاداء بين السيينا و الماتريكس نجد ان فيات حاولت استخراج اقصى ما يمكنها من محرك تقليدي قديم من عائله ال8 صبابات قوته لا تتعدى ال 80 حصان ( برضو حاجه و سبعين بس مش فاكر كام بالظبط ) فلجاءت الي استخدام علبه تروس بنسب قريبه وذلك لتحقيق تسارع اولي مقبول على حساب السرعه النهائيه ... الا انه وللاسف فانك تضطر للوصول الي سرعه 100 الي استخدام الغيار الرابع او اقصى مدى للغيار الثالث مما يستنزف الكثير من الوقت في تبديل الغيارات .. وبالانتقال الي الماتريكس و رغم وزنها البالغ 1340 كجم وعلبه تروس اوتوماتيكيه الابطاء من اليدوي الا ان فرق القوه الذي يزيد بمقدرا 25 % عن محرك فيات و استخدام الصانع الكوري لنسب غيارات طويله تؤمن للماتريكس الوصول الي سرعه ال 100 كم على الغيار الثاني بمنتهى السهوله والسلاسه حتى انك لا تستشعر ان السياره تتسارع فعليا ازي الحال بقى !!!! بص بقى على مقارنه 3 :- كعاده الصانع الايطالي العريق اختارت فيات عده محركات لسيينا منها محرك 1.4 لتر 8 فالف بقوه حاجه و سبعين حصان (كما سبق ذكره بعاليه ).. ورغم قوته المتواضعه نسبيا الا انه يحقق 90% من العزم على عدد دورات 3000 دد وبالتالي مع استخدام علبه تروس يدويه من 5 نسب متقاربه تحقق السياره تسارع اولي جيد جدا حتى سرعه ال 100 كم ثم يقل التسارع كثيرا مع النسبه الرابعه الطويله نسبيا ثم الخامسه الاقتصاديه فلا وجود لتسارع حقيقي حتى بلوغ السرعه القصوى البالغه 180 كم/س في افضل الظروف اما هيونداي فقد استخدمت محركها التقليدي من العائله الفا 2 البالغ قوته 105 حصان وبرغم ثقل الماتريكس عن السيينا واستخدامها لفتيس اوتوماتيكي تقليدي من 4 نسب اماميه الا ان الغلق المتأخر للصمامات و خروج العزم الاقصى على عدد دورات مرتفع يتخطى ال 4500 دد يؤمن لها الوصول لسرعه ال100 كم على الغيار الثاني رغم ما تستشعره في البدايه من ثقل وزنها الا انها تصبح اخف على السرعات العاليه ويتحسن تسارعها حتى ال 140 كم/س ثم يتهاوى التسارع حتى ال 170 كم/س وبمقارنه بسيطه نجد ان السيينا تقدم لنا متعه القياده داخل المدينه وتسارع اولي جيد بفضل عصبيه محركها وعزمه المرتفع على دورات منخفضه كما يتجاوب صندوق التروس بسلاسه ومرونه تشعرك بانك تقود سياره رياضيه صغيره ولكنها في الحقيقه سياره اقتصاديه من الدرجه الاولى تبخل التفريط في مخزونها الاستراتيجي من الوقود اما الماتريكس فهي الانسب للطرق الطويله و السريعه حيث تستشعر بوزنها المزعج على السرعات البطئيه ونهمها الشديد لجرعات اضافيه من الوقود دون تطور ملحوظ في الاداء ... ومع ذلك تحقق لك تسارع ممتاز للتجاوز على سرعات مرتفعه ولكنها لن تقدم لك احاساس الاداء او الطريق وان كانت الاكثر ثباتا ... بص يا فادي ..مره تانيه باكد على كلامي انا مش كاتب المقال الطويل العريض ده علشان اثبت انك غير حيادي او انقض كلامك او اشكك في مصداقيتك خالص ... انا كاتبه لاني بحب مشاركات فادي و موضوعاته ... وبستفيد من خبراته وتعليقاته .. ونفسي افضل دايما كده اعتبر مشاركات فادي مرجع ليا لكن للاسف هي مرجع فقط في الاوروبي .... فيما عدا ذلك ... على النقيض تماما انا سوقت اوروبي وامتلكت سيينا و فيليشيا لفتره طويله .. وسوقت اسيوي .. وبمتلك ماتريكس ... وبرغم اني شايف ان الماتريكس احسن من السيينا واعتماديه عنها .. وعمليه اكتر ... الا اني كنت بحب السيينا عن الماتريكس .. وسواقه السيينا عن الماتريكس ... انا بس عايز اقولك انه لا مجال للعواطف في التقييم .. حتى لو كنت تمتلك الادوات والخبره .. المشاركه دي شويه و حتبقى في وسط الموضوع و لو شويه شافوها دلوقتي ومزهقوش ... شويه محدش حياخد باله منها خالص بس بجد بجد .. انا نفسي اشوف ليك مواضيع ايجابيه عن الاوروبي اللي بتفهم فيه كويس ... وسيب الكوري للي مبيفهموش في العربيات ... هما مبسوطين بدماغهم يا سيدي ... مش عايزين واحد بروفشنال ياخد بايدهم و يفهمهم ان الاوروبي احسن هما مبسوطين بدماغهم و مريحاهم ... تشيهل همهم ليه ومتقلقش على اللي بيشاورو عقلهم .. مفيش حاجه في الاوربي من نفس الفئه .. و بتمن السيراتو يعني اللوجان زبونها من الفيرنا و الانوس و السبيرانزا والسيينا .. مفيش من زمان .. بمسمياتها المختلفه .. بترا .. البيا ... بورصا .. بح خلاص و ربنا يستر على اللينيا و الاجابه على سؤالك اللي طرحته في نهايه موضوعك بسيطه جدا .. وبرغم انه ملهاش لازمه الاجابه عليه ... لانه سؤال استنكاري و ليس استفهامي بس عموما حغششك جزء من الاجابه .. ومن كلامك .. الاحساس بالاداء و متعه القياده ... اسباب غير كافيه لشراء سلعه استهلاكيه غاليه الثمن .. حتى لو كانت ... سياره اذا سيطرت العاطفه ... ضاع المنطق

يا استاذ سامح صدقنى انا لم أتصور لحظة اننى فى موقع يسمح لى بارشاد الناس و توجيه السوق لشراء ماركة معينة عن الأخرى,
ليس هذا الهدف من الموضوع اطلاقا!
الموضوع ليس هدفه الهجوم أو الذم لسبب أو لأخر, الموضوع هو وصف حيادى لشعورى و انطباعاتى عن سيارة ما و شعورى لدى قيادتها لا أكثر و لا أقل, قد تكون انطباعاتى السابقة أثرت بعض الشىء, لكن ضميرى مرتاح لأننى لم أكذب, لن أقول اننى قلت الصواب, و لكن ما اعتقد انه الصواب.
الحقيقة أتمنى بالطبع تجربة سيارات أوروبية اخرى, لكن لم تسنح لى الفرصة, أحب كتابة مواضيع عن تجارب السيارات و لو وقعت فى ايدى سيارة صينية فسوف اجربها و أكتب عنها,
انا لا اصادر على الناس التى اشترت سيراتو فالسيارة موضوع التجربة هى سيارة خطيبتى, و بالتالى لست فى موقع يسمح لى بانتقاد من اشترى هذه السيارة.
و انا برضو ذكرت بعض الجوانب الجيدة فى السيارة مثل الراحة, و التى هاجمتها انت, و كنت اشير الى مستوى الراحة الجيد بسبب المقاعد الوثيرة التى يمكن تغيير وضعيتها و العزل الجيد و ثقل الوزن.
لا تصادر انت على رايى و لا تمنعنى من ابداء انطباعاتى حتى لو لم تعجبك.و لا تخاف على مبيعات السيراتو و وكيلها المسكين لأننى متأكد ان موضوعى لن يقلل كثيرا من مبيعاتها و الحقيقة ان حجم مبيعاتها او مبيعات غيرها من السيارات لا يعنينى كثيرا, فأنا لا هاخد فلوس من ده و لا من ده.

و فى النهاية كل سنة و انت طيب و عيد سعيد.

[sam ram]

المشاركة الأصلية كتبت بواسطة فادى يا استاذ سامح صدقنى انا لم أتصور لحظة اننى فى موقع يسمح لى بارشاد الناس و توجيه السوق لشراء ماركة معينة عن الأخرى, ليس هذا الهدف من الموضوع اطلاقا! الموضوع ليس هدفه الهجوم أو الذم لسبب أو لأخر, الموضوع هو وصف حيادى لشعورى و انطباعاتى عن سيارة ما و شعورى لدى قيادتها لا أكثر و لا أقل, قد تكون انطباعاتى السابقة أثرت بعض الشىء, لكن ضميرى مرتاح لأننى لم أكذب, لن أقول اننى قلت الصواب, و لكن ما اعتقد انه الصواب. الحقيقة أتمنى بالطبع تجربة سيارات أوروبية اخرى, لكن لم تسنح لى الفرصة, أحب كتابة مواضيع عن تجارب السيارات و لو وقعت فى ايدى سيارة صينية فسوف اجربها و أكتب عنها, انا لا اصادر على الناس التى اشترت سيراتو فالسيارة موضوع التجربة هى سيارة خطيبتى, و بالتالى لست فى موقع يسمح لى بانتقاد من اشترى هذه السيارة. و انا برضو ذكرت بعض الجوانب الجيدة فى السيارة مثل الراحة, و التى هاجمتها انت, و كنت اشير الى مستوى الراحة الجيد بسبب المقاعد الوثيرة التى يمكن تغيير وضعيتها و العزل الجيد و ثقل الوزن. لا تصادر انت على رايى و لا تمنعنى من ابداء انطباعاتى حتى لو لم تعجبك.و لا تخاف على مبيعات السيراتو و وكيلها المسكين لأننى متأكد ان موضوعى لن يقلل كثيرا من مبيعاتها و الحقيقة ان حجم مبيعاتها او مبيعات غيرها من السيارات لا يعنينى كثيرا, فأنا لا هاخد فلوس من ده و لا من ده. و فى النهاية كل سنة و انت طيب و عيد سعيد.

انا متأكد يا بشمهندس فادي انك بتنقل شعورك و انطباعك عن تجربه القياده بمنتهى الامانه منك ... ومشككتش في مصداقيتك
انا كل اللي عايز ااكد عليه ان الحكم او التقييم من خلال الانطباعات والاحساس بيكون راجع للمعايير الشخصيه اللي بتختلف من شخص للتاني
ودي المشكله خصوصا ان نمط قياده الاسيوي عموما يختلف عن النمط الاوروبي ودي انت اكتر واحد عارفها
وبالتالي انت دايما حتكون ميال للمحركات الاوروبيه وخصوصا الايطالي لانها بتديك الاحساس بمتعه القياده و الشغف
اما الاسيوي فغالبا ان مكنش اكيد حيكون دايما ممل و مزعج بالنسبه ليك و لناس كتيره برضو
علشان كده انا عملت ال 3 مقارنات الوهميه دي علشان اوضح ليك ان التقييم من خلال الانطباعات والمعايير الشخصيه حيكون غالبا غير حيادي لارتباطه بنواحي عاطفيه
علشان كده لازم تكون فيه معايير للتقييم وكل معيار له وزن نسبي
مش عايز ادخل في تفاصيل مكلكعه لكن كمثال كنا في الكليه بتلاقي مثلا مشروع تصميم لمبنى شكله تحفه والاظهار رائع .. لكن الكفاءه الوظيفيه ضايعه .. فياخد درجه متدنيه .. مشروع تاني تصميم جيد وكفاءه وظيفيه لكن اظهار ضعيف وتلاقيه واخد درجه عاليه .. لان الاظهار وزنه النسبي في التقييم اقل وبالتالي الحيايده في التقييم اتحققت من خلال وضع معايير تدي لكل عنصر درجته الحقيقيه
فالاحساس بالتسارع يختلف عن زمن التسارع وبالتالي لما اقيم تسارع عربيه يكون من خلال الارقام و الزمن ... مش معقوله حقيم كل حاجه من خلال الاحساس .. حتى لو كان الاحساس بالتسارع زي الزفت ..
يعني مثلا الاحساس بتسارع السيينا افضل من الاحساس بتسارع الماتريكس .. لكن فعليا زمن تسارع الماتريكس افضل من زمن تسارع السيينا
الاحساس بالقياده عنصر من عناصر التقييم .. مش منظور عام بنقيم العربيه من خلاله


فلازم نحط عناصر ثابته نقيم من خلالها و الا ميبقاش تقييم ..
يبقى انطباع شخصي
ولو هو كده فعلا .. يبقى مقدرش افتح بقي و لا اعترض على اي كلمه حضرتك كتبتها .. رأيك و انت حر فيه و لازم احترم حدود حريتك
بس لازم برضو توضح ليا النقطه دي علشان تبقى Fair


وبعدين السيراتو السيراتو ... والله زهقت منها ومن كتر الكلام عليها ومن كتر ما بشوفها و نفسي اشوف عربيه تانيه تسحب من مبيعاتها شويه
فعلا العربيه دي ينطبق عليها المثل .. اللي يزيد عن حده ينقلب ضده