تجربة الكيا نيو سيراتو - 1600 سى سى اوتوماتيك.

[engmish]

المشاركة الأصلية كتبت بواسطة بدر بسيونى المشكلة عندنا ان كل واحد فينا بيعتقد ان طالما ركب العربية اكس فهى احسن حاجة فى الدنيا وبيدافع عنها لاخر نقطة دم وللعلم انا ممعايش سيراتو ولعلمك مابحبهاش بس لما نتكلم نكون موضوعيين عربية محققة اعلى استيراد ووعربية مش موجود منها 1/10 من عدد التانية حتى لو النادرة الوجود احسن مليون مرة بس هى فشلت والتانية نجحت واسمحلى اللى بيقول النجاح مش بيع لا هو بيع لان المصنع فاتح عشان يبيع مش عشان يدخل التاريخ والناس اللى جبتشتغل فيه شغاله لفلوس مش للمجد فبلاش كلام ان البيع مش نجاح لان اللى خلاه يبيع انه اختلف واشبع رغبة الناس اللى التانى بكل بساطة مافهمش رغبت الناس (فشل فعلى)بدليل اى حد فينا فتح شركة وعمل شغل تاريخى وشغل يدرس وقفل لانه مابعش فكره بيبقى فشل فعليا وكمان مستحيل بالمبلغ بتاع السيراتو تاخد عربية باحدث موتور باعلى امكانيات واحدث جير وصيانة رخيصة وانتشار ده رابع المستحيلات وطبق الكلام ده على اللينيا والسيراتو حتفهم قصدى وحاجة اخير الاستاذ فادى مابيحبش الكورى وهو مش عشاق الفيات والاوربى فطبيعى ان التقرير حيكون بالصورة دة وتعالى نعكس الاية لو انا بكره الماركة اكس وركبتها اكيد عيوبها حتلفت نظرى اكتر من مميزاتها وهو ده الواقع فى التقرير اللى انا بعتبره غير عادل تماما وهو مجرد انطباع شخصى لاستاذ فادى بيوضح عدم حبه للكورى بوجه عام فبرجاء بلاش الاندفاع وراء انطباعات شخصية ذات خلفية مسبقة وعدم حب للسيارة المجربة فى الاساس لانها غير صحيحة بدليل فشل الاوربى فى الشرق الاوسط ونجاح الكورى ممثلا له هيونداى وكيا والكلام ده فى الحياة العملية مش كلام على ورق ولا على صفحة منتدى والحياة هى الفيصل والمستقبل للكورى وده الواقع تقبلته ام لم تتقبلوه ده حقيقة

شكرا على رد حضرتك واهتمامك، بس في عدة نقاط:
1- ليه لا تكون المقارنة في الأداء بين أعلى فئة في السيراتو واللينيا؟؟!!
أعتقد الحكم هيكون لللينيا أكيد

2- أنا لما قارنت المواد المستخدمة في التابلوه كنت بقارن اللينيا مع السيراتو، مش مع أي عربية تانية.

3- موضوع جنط 17 فبالإجماع -وانزل اسأل في التوكيل وقف أمام باب مراكز الصيانة- إنه سبب في تقليل ثبات العربية وإن جنط 16 أفضل.

4-سمارت كي في ناس كتير اشتكت منه انه بيعطل، ولو عطل قابلني انك تشغلها تاني من غير التوكيل.

بالمناسبة أنا رحت معارض كتير عشان أسأل عن السيراتو -التوكيل والمصرية 4 فروع وسمير ريان- وكل ما بسأل حد فيهم بيقول لي نصيحة ابعد عن جنط 17 وسمارت كي وخد باقي الأوبشنز.

5- لو لغيت موضوع الجنط والسمارت، فأنا بقة إلي أطلب من حضرتك تعيد مقارنة كماليات السيارتين وتقول لي رأي حضرتك.

6- آسف يا سيدي لو موضوع التكيف ده زعلك، بس أنا مش بحب التكيف العالي بيتعبني، ههههه.

شكرا لحضرتك وتقبل مروري

[sam ram]

المشاركة الأصلية كتبت بواسطة engmish ألف شكر ليك يا باشا على فكرة أنا إلي بقالي شهر بسأل عن العربية إلي في رينج الـ 100-120 وكان نفسي حد يقولي حاجة غير اللينيا لأنها فعلا مش موجودة، وأنا عامل موضوع عن آخر أخبار لينيا 2011 عشان عاوز أعرف كل جديد عنها عشان ناوي أجيبها أول ما تنزل إن شاء الله.

اقرب حاجه في الرينج ده اوروبي الرينو فلونس ... هي تقفيل تركي برضو زي اللينيا بس بصراحه تحسها فئه اعلا من اللينيا و السيراتو .. وفعلا اوسع و اكبر منهم
والتوكيل بيعمل ليها دعايه جامده اليومين دول يمكن علشان يعوض سمعه الميجان السيئه
العربيه كتقييم استخدام صعب شويه لانها مكملتش سنه لكنها ابتدت تنتشر بلالنسبه لفتره تواجدها

[sam ram]

المشاركة الأصلية كتبت بواسطة Atrees ارفع لك القبعة في فهمك وحياديتك واسلوبك الحواري العالي - اما مش من عشاق الفيات خالص ولا بطيقها - بس اقوللك علي حاجة - انا مش عارف مبحبهاش لية - يعني معنديش سبب واضح - ورغم اني اول مرة اركب كوري - برضو معنديش سبب معين خلاني احبها لكن عمري ما حمجد السيراتو ولا حقلل من قيمة الفيات لاني في الحالتين مش حبقي حيادي ودة بسبب انت ذكرتة - العاطفة الشكر ليك

يا باشا براحتك .. تحب عربيه .. تكره عربيه ... دي حاجه ترجع لك تماما و محدش يقدر يراجعك فيها .. طالما مش بتفرضها على غيرك .. او عندك اصرار انك تخلي الناس زيك ...
وبرضو مش معنى اني بحب عربيه انها لازم تطلع حلوه ... و لا اني بكره عربيه انها تبقى وحشه
انا مثلا عمري ما تعاطفت مع التويوتا خصوصا الكورولا .. عمري ما حبيت شكلها .. لكن في نفس الوقت بقدر اعتماديه العربيه دي و نعومتها ...
والفولكس بحس ان تصميماتها ممله .. لكن الالمان احسن ناس تصمم عربيات مدروسه
فكل مدرسه ليها مميزاتها و عيوبها
دون الدخول في تفاصيل
الفكره ان كل واحد بيختار العربيه اللي بتدي له اللي بيدور عليه او اللي بيعبر عن متطلباته وفي حدود امكانياته
والشكر لحضرتك

[بدر بسيونى]

المشاركة الأصلية كتبت بواسطة engmish شكرا على رد حضرتك واهتمامك، بس في عدة نقاط: 1- ليه لا تكون المقارنة في الأداء بين أعلى فئة في السيراتو واللينيا؟؟!! قصدك عشان اللينيا عاجزة انها تتقارن بالموديل الاقل ال77 حصان ده قصدك صح وانا معاك أعتقد الحكم هيكون لللينيا أكيد وجهة نظرك الشخصية وطبعا انت حر لمن الواقع الفعلى لا طبعا اللينيا بعيدة جدا فى سوق السيارت المصرى 2- أنا لما قارنت المواد المستخدمة في التابلوه كنت بقارن اللينيا مع السيراتو، مش مع أي عربية تانيةو وانا لنا اتكلمت عن سوء الخامات قصدت اللينيا اللى خامتها متوسطة جدامش الجراند بونتو بالمقارنة بالسيراتو والجراندبونتو معا فنش متوسط . 3- موضوع جنط 17 فبالإجماع(جبت الاجماع منين انا ليا صديق و2 معايا فى شغلى عندهم الجنط 17 ومااشتكوش منه) -وانزل اسأل في التوكيل وقف أمام باب مراكز الصيانة- إنه سبب في تقليل ثبات العربي(والغريب ان شركة كيا لسه بتنزله لحد دلواتى برغم انه وحش وبيقلب وبيدم ولما اروح توكيل كيا يقوللى انت اشتريت 17 ليه ده بيقلبوانت ضيعت نفسكوالاغرب انها بتبيع بنفس الجنط ال17 )ة وإن جنط 16 أفضل. ياريت نتكلم كلام واقعى وبلاش السيراتو اللى بتقلب والجنط اللى بيطير عشان العربية دى بتتحارب بكلام اسال ورح شوف وكلام مش واقعى 4-سمارت كي في ناس كتير اشتكت منه انه بيعطل، ولو عطل قابلني انك تشغلها تاني من غير التوكيل. والسمارت كى بيعطل والعربية بتقلب والبيبان بتطير ياسيدى الفاضل الكلام ده عيب انت شارى عربية من شركة كيا من نصر ولا رمسيس وهو واحد حصل معاه مشكلة يبقى العربية كلها وحشة وهى دى عادة المصريين بالمناسبة أنا رحت معارض كتير عشان أسأل عن السيراتو -التوكيل والمصرية 4 فروع وسمير ريان- وكل ما بسأل حد فيهم بيقول لي نصيحة ابعد عن جنط 17 وسمارت كي وخد باقي الأوبشنز. وشركة كيا مش واخدة بالها من الكارثتين اللى حيوقعوا العربية ومركز الصيانة خد باله بس مجبش سيرة للشركة والدنيا بره وباقى الدول لسه ماخدوش بالهم احنا بس اللى ناصحيين واخدنا بالنا واشمعنى دول فى مصر بس وحشين والدنيا كلها زى الفل واوربا مااشتكتش ولا اى مكان 5- لو لغيت موضوع الجنط والسمارت، فأنا بقة إلي أطلب من حضرتك تعيد مقارنة كماليات السيارتين وتقول لي رأي حضرتك. والله رائ انا قلته بدل المرة مليونلا يموجد وجه للمقارنة 6- آسف يا سيدي لو موضوع التكيف ده زعلك، بس أنا مش بحب التكيف العالي بيتعبني، ههههه. شكرا لحضرتك وتقبل مروري

مشكلة تقييم اى عربية انه عاطفى طالما انا جبت عربية لازم تبقى احسن عربية فى الدنيا ومع احترامى ده غلط بكل المقاييس انا معايا النترا يعنى مش كيا خالص بس مش معنى كده انها عربية وهم وانها لايعلى عليها لا فيها عيوب ومميزات ولازم نتقبل ده اللينيا عربية مش تقفيل بلدها عشان يقلل سعرها وفيها مشاكل اهم من السمارت كى والجنط 17 عندك مشكلة فى قطع غيارها وصيانتها ودى كارثة لان العربية لاتقيم جديدة وبس والاهم من العربية صيانتها ولو فى يوم حبيت تفكر تبيعها دايما بتلاقى مفاجاة مش سارة بانتظارك

المقارنة بعدد السيراتو حتلاقى ناس كتير بتشكر وناس بتشتم ليه العربية باعت كتيير جدا جدا فده طبيعى زى مبدا الفيرنا بالظبط بس اللينيا مين حيقول عنها كده عربية باعت قد ايه وان شاء الله لو باعت نص عدد السيراتو (وانا مااعتقدش حيحصل) حتسمع ان الجنط بيتقلب والموتور بيقع ودى طبيعة المصريين لكن فى وضعها الحالى مش حتسمع عنها حاجة نتيجة ندرة الانتشار
ولو انا حكمى غلط على المقارنة بتاعتك 90% من المصريين غلط كمان ولو هم غلط فعلا فحيبقى صح؟

[b A d R]

إنتا راجل بتفهم .. أخيرا لقيت حد مقتنع إن السيراتو سيارة سيئة .. السيراتو مش بتعجب غير ××××× .. لكن الشخص اللي بيعرف يركب عربيات أكيد مش هيقتنع بيها