|
#86
14-11-2010, 02:41 PM
|
|||
|
|||
رد: تجربة الكيا نيو سيراتو - 1600 سى سى اوتوماتيك.
هوا لية الاهتمام الرهيب دة بالسيراتو ؟؟؟ - مهو في عربيات كتير قوي في السوق متعملش عليها الهجوم دة ؟؟؟؟
اشمعنا السيراتو الي داخلة في كل مقارنة ؟؟؟؟ اشمعنا السيراتو بتتهاجم ليل ونهار ؟ اشمعنا السيراتو اللي بيطلع فيها عيوب وشتايم في خاماتها وتصميمها وثباتها وتسارعها ومحركها ووصل الهجوم مش بس علي العربية لا دة كمان علي المغفل اللي اشتراها ؟؟؟؟ غريبة قوي ان العالم كلة برة مصر بيشكر فيها وبيشتريها واحنا الوحيدين اللي بنقول دي وحشة ؟؟؟ وحتلاقي ناس تقولك اصل اللي في مصر مش زي اللي برة !! طيب بناءا علي اية دة مصنع كوريا نفسة المصنع الوحيد في العالم اللي بينتجها - فطبعا حتلاقية بينتج بالمزاج = حبة للخليج وحبة لاوروبا وحبة لامريكا - والله دة تهريج - طيب انا عايز واحد في العالم كله يجيبلي دليل مكتوب علي فرق الخامات دة - مش حتلاقي نيجي بقي للمقارنات سيراتو اية اللي تتقارن بكذا - ههههههههه طيب نقارنها باية سيادتك - طيارة ولا توكتوك ؟؟؟؟ مهي عربية - يعني تتقارن بعربية ولا انا غلطان ؟؟؟ لا طبعا انا غلطان - العين متعلاش عن الحاجب ( بلغة شعبنا ) مينفعش نقارنها بالاوروبي والامريكي والياباني انا فاكر زمان كانت المازدا اول ما نزلت الناس كانت بتقول عليها فازدة وفي الخليج في التمانينات كان الركوب للامريكي ولا وجود لماركة فيات اصلا ولا اغلب الاوروبي ورغم ذلك المازدا اثبتت كفاءة وتطور زي الياباني كلة وبقي من الماركات المحترمة نفهم من كدة ان كل ماركة بتبداء صغيرة وبتكبر وتتطور وتثبت كفاءة - طيب اية اللي خلا السيراتو تتهاجم ؟؟؟؟ بالرجوع للمبدا اللي فات ؟؟ عربية قفزت قفزة مفاجاة في التطور - يعني مخدتش 20 سنة عشان تثبت انها قادة علي التطور - فخلت الناس تلتفت ليها وبين مؤيد ومعارض ولعت العملية تخيل انك بتعمل حاجة بنفسك - وبعد ما خلصت واحد جالك قالت اية القرف دة - انت تروح فين من فلان وفلان - اية ردك ؟؟؟ حترد تقول طيب جرب وشوف واديني بحاول وبتعلم ومسيري حبقي من اهل القمة - يرد عليك يقولك انت بتحلم ولا يمكن تكون من اهل القمة ( تسمي الراجل دة اية بقي ؟ ) اخيرا وليس اخرا - السيراتو لم تفشل وعربية ليست سيئة رغم انف المعارضين - باكتساح الانتشار والقاعدة العريضة من المشترين بكافة فاتهم فاهم او مش فاهم ورغم ان الفيات انتجت اللينا الا انها لم تنتشر في العالم كلة مش بس مصر بانتشار السيراتو ودة اكيد لية معني مش مجرد حظوظ يعني - مش كدة برضو ؟؟؟ نيجي بقي للنقطة المهمة في شعبنا وهي المنظرة والتفاخر - انا راكب اوروبي او ياباني او اي حاجة يبقي تصنيفي تبعا للعربية الي انا راكبها - هههههه ويا ريت بيدافع عنها لا ده لازم يشتم في العربيات التانية عشان يبقي هوا الاحسن - والنبي دة مبدا ؟؟؟؟ انا بقي شايف ان فعلا ان الفيات هية اللتي لا تقارن بالسيراتو لانها لم ترتقي لارضاء فئة عريضة من الجمهور في العالم اما بالنسبة لباقي السيرات المحترمة فالسيراتو تقارن بيهم لعدة اسباب اولا ان الاتنين عربيات - يعني ممكن اقارنها بالفراري رغن الفارق الرهيب عموامل المقارن عند الشراء مبنية علي الثمن مقابل الاحتياجات ودة في راي العامل الاهم يعني لو حتفع مليون جنية في فراري فانا عايزها عشان اية ؟؟؟؟ ( ياريت تردو علي النقطة دي بالذات ) وساعتها حتعرفوا السيراتو جيدة ولا لاء  ))))))وشكرا ليكم وكفاية يا مهاجمين تشتمو في السيراتو عشان شكلكو بقي وحش لان الناس برضو بتنفض لمعارضتكم وبتجيب السيراتو ))))
|
|
#87
14-11-2010, 05:21 PM
|
|||
|
|||
|
رد: تجربة الكيا نيو سيراتو - 1600 سى سى اوتوماتيك.
تسلم يا اخ عتريس *****
التعديل الأخير تم بواسطة AbOnOrA ; 14-11-2010 الساعة 11:20 PM سبب آخر: حذف الاشارة لموقع اخر
|
|
#88
14-11-2010, 11:24 PM
|
|||
|
|||
|
رد: تجربة الكيا نيو سيراتو - 1600 سى سى اوتوماتيك.
انا قريت الموضوع من فتره .. و طبعا الاسلوب جميل جدا و لغه صحفيه بلاغيه راقيه و تشبيهات كوميديه دون اسفاف .... وبس !!
رأيك طبعا يحترم سواء اصبت او اخطاءت ... دي قناعتك الشخصيه التي لم ولن تتغير وانا مش من ملاك السيراتو وبالتالي معنديش الخبره الكافيه اني احكم على العربيه لكن بسمع و بقرا و بشوف ..ساعات كلام منطقي و ساعات كلام غريب !! وانا مش داخل اعلق على التقرير او اتناقش فيه لانها مش مستاهله برغم اني لقيت تناقضات في تقريرك ومشاركاتك ابسطها انك ذكرت ان العربيه مريحه جدا برغم اعتمادها لعفشه بدائيه جدا اللي هي القضيب المقاوم للالتواء او ال Torsion Beam برغم ان النظام البدائي ده (الموجود في البرافو على فكره .... والكورولا و الصني و الجيتا 2011 وغير هم كتير) يعتبر غير مريح مقارنه بالتعليق المستقل !! او حتى فروق نسب الوزن للقوه ال0.5 % اللي ينفع نقارن بيها عربيات من الراليات او الفورميلا وان .. مش عربيات من فئه العائلي المتوسط !! لكن في جزئيه كانت قويه جدا جدا ومش قادر امر عليها مرور الكرام
وضربت مثال بالوجان و السيينا انا مش حتكلم عن اللوجان لكن بحكم امتلاكي للفيات سيينا لمده سبع سنين قطعت بيها فيهم 113 الف كم .. اعتقد اكبر من المسافه اللي حضرتك قطعتها بالشاهين مع العلم انها كانت بالموتور ال 1400 الموجود في الشاهين 1400 فانا هنا ليا معاك وقفه و علامات استفهام و تعجب و استنكار وعلامات ارشاديه و تحذيريه الامان :- السيينا يا سيدي الفاضل سياره تحمل اسم فيات و لا يتم انتاجها او بيعها في اوروبا لكن في البرازيل و تركيا و الهند و الارجنتين و طبعا دول الشمال الافريقي ليه ... لسبب بسيط .. انها معموله لدول العالم التالت وبالتالي عوامل الامان فيها تنحصر في عدد 2 حزام امان امامي فقط .. يعني مفيش على الكنبه .. و لما ربنا رزقني ببنت مبقتش عارف اركبها العربيه ازاي فكنت بضطر ازنق الكار سيت بتاعها بين الكنبه و الكرسي وللاسف مره نسيت ودخلت ملف بسرعه شويه اتقلبت واتخبطت في راسها علشان كده لما ربنا رزقني باخ ليها حمدته انه قدرني اجيب عربيه فيها احزمه امان خلفيه علشان اقدر اثبت الكار سيت الثبات :- السيينا لو لاحظت تصميمها حتلاقي الكبوت صغير جدا والموتور في المقدمه ... اوي والشنطه طويله وبعيده عن محور العجلات الخلفيه فبمنتهى البساطه العربيه تعاني من سوء توزيع الوزن يمكن بعكس الشاهين ذات الدفع الخلفي مع قاعده عجلات صغيره وجنوط مقاس 13 فالعربيه لديها ميل طبيعي للانزلاق في الملفات والاندر ستير على عينك يا تاجر وكفايه اني اقول ان الماتريكس اللي من فئه الميني فان ثباتها واتزانها افضل من السيينا !! دول النقطتين اللي حضرتك استرشدت بيهم علشان تهاجم بيها السيراتو وضربت مثال بالسيينا طيب على الاقل السيراتو فيها حزام امان في الكنبه .. مش حقول ABS !!!! وثبات السيراتو !! طيب ايه رأيك ان ثبات السيراتو احسن من ثبات الماتريكس اللي هو احسن من ثبات السيينا !!!!!! ومش ثبات و امان بس الخامات :- الله يسامحك كرهتني في السيينا مع اني كنت بحبها بلاستك زيها زي الكوري و يمكن الكوري احسن .. واكيد اكيد ... السيراتو احسن .. مع انه بلاستك برضو .. بس احسن من السيينا التقفيل ... حدث ولا حرج مصري ... كاوتش باب بيتخلع ... مخرج تكييف يتكسر انا عارف انك بتنقل تجربتك بمنتهى الامانه على حد قولك .. مش بكدبك و لا بنقض كلامك علشان اغلطك ... لكن عايز اقولك كلمه بمنتهى الصراحه كراهيتك للاسيوي اثرت على حياديتك وحطيت على عينيك غشاوه يا ريت تركز اكتر على الايطالي حنبسط اوي لما اشوف تقرير ليك عن اللينيا او تجربه للبرافو او الجراند بونتو تصدق انا كنت بحب السيينا جدا .. وكنت متابع اخبار اللينيا و بتمنى نزولها بفتيس اوتو بسعر منافس واقول ربنا يقدرني و اجيبها .. برغم مساوئ التوكيل و سعر قطع الغيار و سعر الريسيل المتوقع ... ورغم المقلب اللي شربته لما التوكيل القديم اتغير بتوكيل اسواء منه و ده احد اسباب اني غيرت العربيه لكني للاسف من الناس اللي بتحب الايطالي ... ومقتنع ان احلا مواتير في الدنيا هي الايطالي ... و انهم احسن ناس يظبطو موتور مع فتيس ونسب تخفيض .. حتى لو كان التقفيل مش اد كده او في مشاكل اعتماديه او موثوقيه .. زي الكهربا مثلا بس علشان الورد يتسقي العليق طيب انا حعملك مقارنتين بين السيينا و الماتريكس .. مع ان ملهومش علاقه ببعض لكن بحكم اني سوقت الاتنين اكتر من 100 الف كم .. يعني مع احترامي لاي خبير عربيات عندي خبره فيهم .. على الاقل كمستخدم وبعدين ما انت برضو مجيبتش حاجه اوروبي تقارنها بالسيراتو و كل اللي قلته برافو و سيينا و لوجان في كل مقارنه حطلع بواحده السما و اخفس بالتانيه الارض .. وبكل حياديه و امانه .. يعني مش حلفق .. لكن حضيف الشغف و العاطفه على التقييم .. مقارنه واحد :- بمجرد ادارتك لمحرك السيينا ينتقل اليك فورا الاحساس برغبته في الانطلاق وبرغم قوته المحدوده التي لا تتعدى ال 80 حصان (هو اقل من كده في الحقيقه حاجه وسبعين ) الا انك وبدعسه بسيطه على دواسه الوقود تجد انطلاقه مدهشه للسياره و تسارع اولي مذهل وتتلاحق النقلات بمنتهى السلاسه لتجد نفسك قد وصلت لسرعه ال 100 كم في ثوان معدوده .. ولم لا فالايطاليين هم افضل من يصنع محركات العالم ومقارنه بالسياره الاخرى و رغم امتلاكها لمحرك اقوى يبلغ 105 حصان .. اي ان الماتريكس اقوى ب 25 حصان دفعه واحده .. الا ان هذا الفارق لم يعطي للسياره افضليه في التسارع بسبب وزنها الثقيل الذي التهم هذه الاحصنه ولم يترك منها الا القليل ... خاصه مع فتيس اوتوماتيك تقليدي بدائي استنزف ما تبقى من قوه هذه السياره قلت انا حاجه غلط .. كدبت ... لا .. انا افتريت بس على عربيه و مجدت التانيه مقارنه 2 :- وعند مقارنه الاداء بين السيينا و الماتريكس نجد ان فيات حاولت استخراج اقصى ما يمكنها من محرك تقليدي قديم من عائله ال8 صبابات قوته لا تتعدى ال 80 حصان ( برضو حاجه و سبعين بس مش فاكر كام بالظبط ) فلجاءت الي استخدام علبه تروس بنسب قريبه وذلك لتحقيق تسارع اولي مقبول على حساب السرعه النهائيه ... الا انه وللاسف فانك تضطر للوصول الي سرعه 100 الي استخدام الغيار الرابع او اقصى مدى للغيار الثالث مما يستنزف الكثير من الوقت في تبديل الغيارات .. وبالانتقال الي الماتريكس و رغم وزنها البالغ 1340 كجم وعلبه تروس اوتوماتيكيه الابطاء من اليدوي الا ان فرق القوه الذي يزيد بمقدرا 25 % عن محرك فيات و استخدام الصانع الكوري لنسب غيارات طويله تؤمن للماتريكس الوصول الي سرعه ال 100 كم على الغيار الثاني بمنتهى السهوله والسلاسه حتى انك لا تستشعر ان السياره تتسارع فعليا ازي الحال بقى !!!! بص بقى على مقارنه 3 :- كعاده الصانع الايطالي العريق اختارت فيات عده محركات لسيينا منها محرك 1.4 لتر 8 فالف بقوه حاجه و سبعين حصان (كما سبق ذكره بعاليه ).. ورغم قوته المتواضعه نسبيا الا انه يحقق 90% من العزم على عدد دورات 3000 دد وبالتالي مع استخدام علبه تروس يدويه من 5 نسب متقاربه تحقق السياره تسارع اولي جيد جدا حتى سرعه ال 100 كم ثم يقل التسارع كثيرا مع النسبه الرابعه الطويله نسبيا ثم الخامسه الاقتصاديه فلا وجود لتسارع حقيقي حتى بلوغ السرعه القصوى البالغه 180 كم/س في افضل الظروف اما هيونداي فقد استخدمت محركها التقليدي من العائله الفا 2 البالغ قوته 105 حصان وبرغم ثقل الماتريكس عن السيينا واستخدامها لفتيس اوتوماتيكي تقليدي من 4 نسب اماميه الا ان الغلق المتأخر للصمامات و خروج العزم الاقصى على عدد دورات مرتفع يتخطى ال 4500 دد يؤمن لها الوصول لسرعه ال100 كم على الغيار الثاني رغم ما تستشعره في البدايه من ثقل وزنها الا انها تصبح اخف على السرعات العاليه ويتحسن تسارعها حتى ال 140 كم/س ثم يتهاوى التسارع حتى ال 170 كم/س وبمقارنه بسيطه نجد ان السيينا تقدم لنا متعه القياده داخل المدينه وتسارع اولي جيد بفضل عصبيه محركها وعزمه المرتفع على دورات منخفضه كما يتجاوب صندوق التروس بسلاسه ومرونه تشعرك بانك تقود سياره رياضيه صغيره ولكنها في الحقيقه سياره اقتصاديه من الدرجه الاولى تبخل التفريط في مخزونها الاستراتيجي من الوقود اما الماتريكس فهي الانسب للطرق الطويله و السريعه حيث تستشعر بوزنها المزعج على السرعات البطئيه ونهمها الشديد لجرعات اضافيه من الوقود دون تطور ملحوظ في الاداء ... ومع ذلك تحقق لك تسارع ممتاز للتجاوز على سرعات مرتفعه ولكنها لن تقدم لك احاساس الاداء او الطريق وان كانت الاكثر ثباتا ... بص يا فادي ..مره تانيه باكد على كلامي انا مش كاتب المقال الطويل العريض ده علشان اثبت انك غير حيادي او انقض كلامك او اشكك في مصداقيتك خالص ... انا كاتبه لاني بحب مشاركات فادي و موضوعاته ... وبستفيد من خبراته وتعليقاته .. ونفسي افضل دايما كده اعتبر مشاركات فادي مرجع ليا لكن للاسف هي مرجع فقط في الاوروبي .... فيما عدا ذلك ... على النقيض تماما انا سوقت اوروبي وامتلكت سيينا و فيليشيا لفتره طويله .. وسوقت اسيوي .. وبمتلك ماتريكس ... وبرغم اني شايف ان الماتريكس احسن من السيينا واعتماديه عنها .. وعمليه اكتر ... الا اني كنت بحب السيينا عن الماتريكس .. وسواقه السيينا عن الماتريكس ... انا بس عايز اقولك انه لا مجال للعواطف في التقييم .. حتى لو كنت تمتلك الادوات والخبره .. المشاركه دي شويه و حتبقى في وسط الموضوع و لو شويه شافوها دلوقتي ومزهقوش ... شويه محدش حياخد باله منها خالص بس بجد بجد .. انا نفسي اشوف ليك مواضيع ايجابيه عن الاوروبي اللي بتفهم فيه كويس ... وسيب الكوري للي مبيفهموش في العربيات ... هما مبسوطين بدماغهم يا سيدي ... مش عايزين واحد بروفشنال ياخد بايدهم و يفهمهم ان الاوروبي احسن هما مبسوطين بدماغهم و مريحاهم ... تشيهل همهم ليه ومتقلقش على اللي بيشاورو عقلهم .. مفيش حاجه في الاوربي من نفس الفئه .. و بتمن السيراتو يعني اللوجان زبونها من الفيرنا و الانوس و السبيرانزا والسيينا .. مفيش من زمان .. بمسمياتها المختلفه .. بترا .. البيا ... بورصا .. بح خلاص و ربنا يستر على اللينيا و الاجابه على سؤالك اللي طرحته في نهايه موضوعك بسيطه جدا .. وبرغم انه ملهاش لازمه الاجابه عليه ... لانه سؤال استنكاري و ليس استفهامي بس عموما حغششك جزء من الاجابه .. ومن كلامك .. الاحساس بالاداء و متعه القياده ... اسباب غير كافيه لشراء سلعه استهلاكيه غاليه الثمن .. حتى لو كانت ... سياره اذا سيطرت العاطفه ... ضاع المنطق
__________________
من تواضع لله رفعه The ultimate car would be designed by Italians engineered by Germans built by Japanese &
التعديل الأخير تم بواسطة sam ram ; 14-11-2010 الساعة 11:38 PM
|
|
#89
15-11-2010, 12:31 AM
|
|||
|
|||
رد: تجربة الكيا نيو سيراتو - 1600 سى سى اوتوماتيك.
ارفع لك القبعة في فهمك وحياديتك واسلوبك الحواري العالي - اما مش من عشاق الفيات خالص ولا بطيقها - بس اقوللك علي حاجة - انا مش عارف مبحبهاش لية - يعني معنديش سبب واضح - ورغم اني اول مرة اركب كوري - برضو معنديش سبب معين خلاني احبها لكن عمري ما حمجد السيراتو ولا حقلل من قيمة الفيات لاني في الحالتين مش حبقي حيادي ودة بسبب انت ذكرتة - العاطفة الشكر ليك
|
 |
|
|
