تجربة الكيا نيو سيراتو - 1600 سى سى اوتوماتيك.

[mikao]

شكرا جزيلا على الموضوع المتميز لكن الست متحاملا بعض الشىء على السيراتو , انا لا املك سيراتو لكن انتشارها اعطى لى انطباع انها عربية جامدة جدا ولا ده شغل رجال اعمال بقى

[msn_1987]

التقرير غير حيادي ونابع عن كره الكاتب الشديد للعربيه
العربية بتدي قيمة جيدة مقابل سعر ممتاز ومفيش حد اشتكى من عيوب خطيرة ولكنها عيوب ليست موضع اهتمام.... مع احترامي لاراء الجميع

[phantiza]

التقرير دة لخبطلي الدنيا..... عندي حاجز صني مو2011 وكنت عاوزالغي الحجز واجيب سيراتو
علي الكلام دة الصني تكسب طبعا تسارع وشكل وصيانة لاتقل عن السيراتو
قولولي اعمل اييييية؟؟؟

[engmish]

المشاركة الأصلية كتبت بواسطة msn_1987 التقرير غير حيادي ونابع عن كره الكاتب الشديد للعربيه العربية بتدي قيمة جيدة مقابل سعر ممتاز ومفيش حد اشتكى من عيوب خطيرة ولكنها عيوب ليست موضع اهتمام.... مع احترامي لاراء الجميع

هي العربية ممكن تكون زيها زي أي عربية تانية في السعر ده، بس السؤال هو: إيه هي العيوب إلي حضرتك بتقول إن الناس اشتكوا منها؟

شكرا

[بدر بسيونى]

اقتباس:
الموتور ضعيف ؟؟؟؟؟؟ وخامل ؟؟؟؟؟ ومفيش تسارع ؟؟؟؟ - حضرتك سوقتها بجد ؟؟؟؟
طيب الموتور القوي من وجهة نظرك يبقي اية ؟ كمثال
ذكرت اسباب ذلك مرار و تكرارا, المحرك ضعيف نسبة الى وزن السيارة المرتفع, كما ان منحنى العزم لا يوفر متعة القيادة المطلوبة.
نسبة المحرك للوزن هى 0.091 حصان لكل كغ, و هى نسبة منخفضة نسبيا و لا تضمن اداء جيد,
عندك مثلا سيارة مثل الفيات برافو ال120 حصان(لأن مواصفاتها فى ذهنى الأن) فان وزنها فى حدود ال1250 كغ, نسبة المحرك للوزن 0.096 حصان لكل كغ, و هى نسبة معقولة.
أضف الى ذلك العزم المأخوذ عند سرعة مرتفعة, و علبة التروس الاوتوماتيكية, ليتبين لنا بما لا يدع مجال للشك أن التسارع ليس من مميزات هذه السيارة



يااستاذ فادى ماينفعش السيراتو بالبرافو تحت تى وجه السيراتو compact car والبرافوsmall family car وعربة ارخص موديل 98 الف وارخص موديل ب130 الف وعربية سيدان بهاتشباك لانها حتكون مقارنة ظالمة بكل المقاييس وكمان البرافو المنافس الاول لها الجولف والابييزا

فلو حبينا نقارن السيراتو عند فيات نقارن باللينيا عربية اللى موتورها 1400 سى سى وبيولد 78 حصان تقريبا وعزمه 115 اه عند 3000 ار بى ام بس وزن العربية 1160 كجم يعنى مش خفيف الى جانب ان العربية مش ايطالى وتركى يعنى راكب عربية مش تقفيل بلدها ففى المقابل واللى هى حتى مش فئة السيراتو اللى هى اقل منها مافيش عربية سيدان اوربى بنفس مواصفات و كماليات السيراتو فى الفئة دى وهنا تالق الكورى واثبت كفاءة فى منطقة وفئة تخص شريحة كبيرة من المستهلكين اذن الاوربى لم يوفر سيارة فى الفئة دى

ففى المجمل السيراتو اتفقنا او اختلفنا نجحت ويتنجح وحتنجح والنقطة الاهم انى حسيت ان ملاك السيراتو مش متفقين معاك فى كلامك ودى نقطة مهمة وخصوصا ان هنا فى مصر موتورز احنا بنذكر العيوب قبل الميزات والصراحة موجودة وكمان ملاكها اقدر ناس بعيوبها فعلا وشكرا ليك