تجربة الكيا نيو سيراتو - 1600 سى سى اوتوماتيك.

[engmish]

المشاركة الأصلية كتبت بواسطة amir hassan انا ممكن اقولك الانترا ده رأيى يمكن عربية شكلها حلو...فخمة من بره .. ومن حوهمقبولة جدا بس ده طبعا لو مش هاقرنها باوكتافيا مثلا او باسات عربية منتشرة يعنى متجربة فى السوق محدش طلع فيها اى عيوب غير عيب وهمى الناس جريت وراه شوية وهو الباور الكهربائى رغم انه راكب فى معظم الالمانى دلوقتى قطع غيار موجوده بوفرة حقيقية وهى بالفعل افل قطع غيار فى الفئة السعرية دى ويوم ماتحب تبيع هاتلاقى ان اعادة البيع سهلة جدا وبسعر عالى هذا باختصار شديد جدا ما يميز هيونداى عموما والنترا على وجه الخصوص

ألف شكر على هذه المعلومة، وبعد سؤال ناس كتير فأنا معاك في الكلام ده، بس أحب أضيف حاجة صغيرة، إن فيات لينيا برده أثبتت كفاءة غير عادية بس يعيبها ارتفاع سعر قطع الغيار.

[احمد شوغى]

المشاركة الأصلية كتبت بواسطة Atrees انا عضو جديد معاكم هنا واحب اشارك معكم انا اول مرة اركب في حياتي عربية كوري وكانت السيراتو الجديده - ركوبي كان منحصر في الامريكي والياباني - مرة واحدة اشتريت اوروبي وكانت بيجو 505 STR وهي بمحرك 2000 سي سي وشكلها مختلف عن العدية وكماليت اخري ولكن بعد البيجو قررت عدم الرجوع للاوروبي ابدا - ليس عيبا فيه لكنة لا يرضيني غير الفئات العليا فقط زي بي ام 523 موديل 2002 وارد الخارج مع والدي - والمرسيدس بعض فئاتها والاودي طبعا غير كدة اردممممممممممم نرجع بقي للسيراتو احب اعرف بس من الاخ صاحب الموضوع - هل حضرتك مالك للسيارة ؟؟؟ اصل انا مالك ليها من تاني دفعة نزلت كانت في شهر 3 -2009 يعني بقالي فترة حلوة كدة سايقها انا طبعا مش حتكلم بالتفصيل لكن ححاول ارد علي نقاط معينة اولا سرد التقيم ممتاز جدا رغم ان المعلومات المقيمة 90 % منها مغلوط ومنها الموتور ضعيف ؟؟؟؟؟؟ وخامل ؟؟؟؟؟ ومفيش تسارع ؟؟؟؟ - حضرتك سوقتها بجد ؟؟؟؟ طيب الموتور القوي من وجهة نظرك يبقي اية ؟ كمثال الفتيس سيئ ؟؟؟؟؟؟ ده من احد اسباب ان العربية بتجري ان نقلاتة قليلة العدد ودة يمكن يؤثر علي السرعة القصوي لكن التسارع !!!!!!!! اية برضو المثال اللي حضرتك قيمت علية ( مقارنة باني فيتيس ) صوت المحرك غير مسموع ؟؟؟؟؟؟؟ دي من احد العيوب ان صوت الموتور مرتفع جدا مش احد المميزات ان صوتة هادي الشكل دي اذواق - لكن واضح ان الشكل مجنن الناس مش بشع يعني معاك ان الخامات الداخلية ممكن تبقي افضل - لكن علي حساب السعر السعر وحش ؟؟؟؟؟؟؟؟؟؟ - طيب قولي كدة في عربيات اية في الرينج دة ونحطهم جنب بعض كانتشار ومبيعات مش بس في مصر لكن في العالم سمعة العربية في العالم وحشة ؟؟؟؟؟؟؟؟؟ طيب ادخل كدة علي كام منتدي اجنبي وكام مجلة عربيات وكام برنامج وشوف تقيمها عامل ازاي الثبات وحش ؟؟؟؟؟؟؟ والعربية بتروح ؟؟؟؟؟ اكيد حضرتك جربت عربية تانية وفي حاجات كتير تانية لكن مش فاكرها لك احترامي في تقيمك لكن حكمك علي السيارة يفتقد الحيادية من اول سطر وعشان حضرتك متقولش اني متحيز انا معايا لانسر شارك وبقول انها افضل من اسيراتو ليس لانها ياباني ولكن لانها مريحة في قيادتها اكتر ومناسبة في فخامتها وجودتها مقارنة بالاخت اليافعة السيراتو تقبل ردي ونقدي - لكن رغم اني من المناهضين للسيارات الصيني والكوري الا اني من خلال تجربتها اقدر اقولك انها تنافس الكبار ويمكن تكون في مصفهم اذا اعتمدت علي جودة خامات افضل ردا علي سؤالك لية انتشرت ردي بسيط جدا من اللي اشتر السيراتو ؟؟؟؟ طبيب - مهندس - جامعي - شاب - سيدة - تاجر - رجل اعمال - طيار - وغيره كتير قوي من فئات المجتمع منهم طبعا القليل الخبر ومنهم كثيرون مثقفون وناضجون - وعاقلون كفاية لاختيارهم للسيراتو لو كل اناس دي مبيفهموش ويقدروا يشوفو ان العربية دي فعلا مناسبة لسعرها ومكسب - يبقي متهيالي فغلط في حاجة غلط في السؤال مش الاجابة وشكرا ليك انا نفسي بس اعرف القاعدة اللي انت قيست عليها السيارة - يعني ما هو المعيار )

اتفق معك تماماً التقرير خاطىء 1000% عن تجربه انا معى كروز والسيراتو افضل منها فى كل شىء

[احمد شوغى]

المشاركة الأصلية كتبت بواسطة mainz تقرير اكتر من رائع يا فادى باشا وياريت بقى تعملنا تقرير مماثل كده بالظبط للكروز تبقى سراحه ميه ميه وانت بردوه ميه ميه من غير ما تعمله هههههه

ما هذا التعصب ضد السيارة لا حول ولا قوة الا بالله

[mahmakhzangy]

انا متفق مع فادي في اسلوبه و في معظم النقاط
اي واحد من محبي السيارات في الدنيا بيحلم انه يركب عربية فيها شيء من الفخامة و التجهيزات و غيره.. و للأسف عندنا في مصر الظروف المهببة صعبت الموضوع كتيير على الناس, فبقى عشان الواحد يركب عربية تشبع رغبته يبقى هيبيع نص املاك والده تقريباً عشان يشتريها.. و النص التاني بعد كدة في الصيانة و قطع الغيار.....

فبالتالي مبقاش قدامه غير انه ياخد عربية ماركة نص نص بحيث انه يقدر يغطي تكاليف الصيانة و قطع الغيار.

بالنسبة للشكل فكل واحد و له ذوقه. بالنسبة لناس كتير في مصر سواء كبار او شباب او يمكن اطفال بيعجبهم اوي شكل السيراتو الجديد و بيعتبروه مبهر....
بالنسبة لي انا معتقدش ان عجبني شكل اي عربية كورية خالص !( افضلهم الانترا 2004 "من الخلف" في نظري).


واحد معاه 100 الف جنيه لما يروح يجيب بيهم عربية .. يا إما هيجيب ماركة كويسة (فئة منيلة طبعاً) و ساعتها هتبقى "قرعة" مافيهاش اي تجهيزات تقريباً ولكن بأساسيات جيدة عالأقل.. بس ساعتها هتبقى الصيانة جحيم.
أو يجيب ماركة من اياهم وتبقى شكلها حلو (في اعتقاده طبعاً) ومرشوقة تجهيزات بالعبيط (بغض النظر طبعاً عن الخامات المنيلة في التجهيزات دي و الي بالتالي هتيجي على دماغه... كل شوية ده باظ و ده اتكسر).
فاعتقد ان فكرة عربية روشة زي السيراتو هي الانسب له.
انا ما ركبتش العربية و لكن معروفة اللي فيها... تجهيزات كتير ده بينور و ده بيزمر.. مع تجاهل الأساسيات و الأمان. "كوري يعني"

قبل كدة ليه نجحت الفيرنا... عربية فيها اوبشنز مش بطالة (تكييف - سنتر- باور - مش عارف ايه ) سعرها مناسب أوي.. وقطع غيارها عند البقال, وتصلحها عند اقرب منجد.
(بس الاختلاف بين الاتنين في ان الفيرنا كانت عربية عملية بحتة للي عايز عربية تقضي الغرض, والسيراتو للي بيدور على الشكل و شوية حاجات يسميها اوبشنز ورفاهية).

[engmish]

المشاركة الأصلية كتبت بواسطة mahmakhzangy انا متفق مع فادي في اسلوبه و في معظم النقاط اي واحد من محبي السيارات في الدنيا بيحلم انه يركب عربية فيها شيء من الفخامة و التجهيزات و غيره.. و للأسف عندنا في مصر الظروف المهببة صعبت الموضوع كتيير على الناس, فبقى عشان الواحد يركب عربية تشبع رغبته يبقى هيبيع نص املاك والده تقريباً عشان يشتريها.. و النص التاني بعد كدة في الصيانة و قطع الغيار..... فبالتالي مبقاش قدامه غير انه ياخد عربية ماركة نص نص بحيث انه يقدر يغطي تكاليف الصيانة و قطع الغيار. بالنسبة للشكل فكل واحد و له ذوقه. بالنسبة لناس كتير في مصر سواء كبار او شباب او يمكن اطفال بيعجبهم اوي شكل السيراتو الجديد و بيعتبروه مبهر.... بالنسبة لي انا معتقدش ان عجبني شكل اي عربية كورية خالص !( افضلهم الانترا 2004 "من الخلف" في نظري). واحد معاه 100 الف جنيه لما يروح يجيب بيهم عربية .. يا إما هيجيب ماركة كويسة (فئة منيلة طبعاً) و ساعتها هتبقى "قرعة" مافيهاش اي تجهيزات تقريباً ولكن بأساسيات جيدة عالأقل.. بس ساعتها هتبقى الصيانة جحيم. أو يجيب ماركة من اياهم وتبقى شكلها حلو (في اعتقاده طبعاً) ومرشوقة تجهيزات بالعبيط (بغض النظر طبعاً عن الخامات المنيلة في التجهيزات دي و الي بالتالي هتيجي على دماغه... كل شوية ده باظ و ده اتكسر). فاعتقد ان فكرة عربية روشة زي السيراتو هي الانسب له. انا ما ركبتش العربية و لكن معروفة اللي فيها... تجهيزات كتير ده بينور و ده بيزمر.. مع تجاهل الأساسيات و الأمان. "كوري يعني" قبل كدة ليه نجحت الفيرنا... عربية فيها اوبشنز مش بطالة (تكييف - سنتر- باور - مش عارف ايه ) سعرها مناسب أوي.. وقطع غيارها عند البقال, وتصلحها عند اقرب منجد. (بس الاختلاف بين الاتنين في ان الفيرنا كانت عربية عملية بحتة للي عايز عربية تقضي الغرض, والسيراتو للي بيدور على الشكل و شوية حاجات يسميها اوبشنز ورفاهية).

أنا متفق معاك في الكلام ده، بس نرجع لسؤال تاني سألته من كام مشاركة فاتت وحضرتك أثرته تاني:

أنا لو معايه 100-120 ألف وعاوز عربية كويسة بمواصفات أمان، أجيب إيه؟؟
غير الإلنترا