#1
|
|||
|
|||
تقرير مصور عن السوبارو xv
السلام عليكم
انهارده رحت توكيل سوبارو بالاسكندريه بالداون تاون ....و شفت السوبارو xv الجميله من اول ما تدخل تحس بمدى فقر التوكيل من حيث ان القهوجي هو نفسه السيلس و كمان مش فاهم في مواصفات العربيه غير اللي مكتوب على الورق نبدأ بالصور المقدمه المحرك بوكسر 1600cc بقوة 114 حصان السيلز (القهوجي) قال لي ان السياره مصفحه بالكامل ...اكدت عليه هي مصفحه من تحت ؟قال ايوه ...بمجرد فتح الكبوت شفت الارض على طول ..قلت له ازاي يعني مصفحه!!قعد يلقلق و قالي بص يا باشا من تحت العربيه نزلت و بصيت قالي شايف الحواف الجانبيه دي(نفس حواف الساجا اللي بنرفع منها الكوريك نفسها بالظبط ) قلت له ايوه ...قال لي ده التصفيح الباب بتاع السائق ازرار الاضاءه و اغلاق نظام الثبات الاليكتروني و زر ثالث كده مش فاكر ما هو داخل مسند اليد يوجد مدخل كهرباء و مدخل aux الجير اوتوماتيك cvt استيبترونك الكرسي نفس التصميم في الفئتين الاولى و الهاي لاين ...جلد في الحواف و فرش قماش عادي في وسط الكرسي المسجل و التكيف و شاشة البيانات و كمبيوتر المعلومات فوقهم العدادات فتحة التخزين اللي قدام مقعد الراكب نظام التعليق المنفصل (معلش التوكيل ضلمه و حالتهم تعبانه خالص) الجنوط الرياضيه و لما وصل اخيرا مدير التوكيل بعد حوالي ربع ساعه من دخولي (انا وصلت 10 و نصف تقريبا) قعدت معاه و قال لي السياره تأتي بدون مثبت سرعه و احنا بنركبه ككماليات ب1500جنيه!!! و قال لي السياره مبيجيش معاها شاشه تاتش زي اللي في سوبارو امريكا لأن سعرها حيكلف العميل 18000 جنيه!!!!لكن احنا بنركب زيها بالظبط صيني بالكاميرا الرجوع الخلفي ب5516 جنيه و نص !!! مفيش مدخل usb الا مع الفئه الهاي لاين !! المواصفات الفئه الاولى جر كلي awd اوتوماتيك استيبترونك cvt 2 ايرباج فقط !!!!!!!!!! شاشة معلومات و بيانات عن حالة السياره (فوق الراديو في الصوره) جنط 17 رياضي ارتفاع رهيب عن الارض مساحة الركاب الخلفيين واسعه جدا نظام تعليق منفصل السعر 190 الف جنيه!! الفئه التانيه نفس كل الفئه الاولى + بلوتوث مثبت سرعه وبتحكمات بالبلوتوث و الصوت و المثبت بالطاره (مفيش حاجه من دي في الفئه الاولى برغم من انها ب190 الف !!!!!!) 8 ايرباج فتحة سقف زجاج فاميه السعر 215 الف (يعني شايف انه مش مناسب اوي لازم يرخص شويه ) قطع الغيار الفانوس الامامي ب2420 الفانوس الخلفي ب 1400 تيل الفرامل ب715 تيل الفرامل الخلفي ب495 اكصدام خلفي ب 1600 اكصدام امامي ب 2000 رفرف امامي ب1000 فلتر زيت ب66 فلتر هواء ب140 حساس رجوع خلفي ب330(تخيلو حتى دي كماليات !!!!) الاسعار قطع فقط بدون تركيب بصراحه الفئه الاولى داخله دماغي جدا بس خايف من قصة انها غير مصفحه يعني المياه لو دخلت الموتور و خصوصا انه مستواه واطي للارض شويه السؤال هو nissan qashqai vs subaru xv مين يكسب في رايكم خصوصا ان انا بحب الدفع الرباعي جدا و اخذ المطبات و الحفر و البرك المائيه بسرعه نسبيا ...عايز عربيه مريحه لأدائي و متتعبنيش التعديل الأخير تم بواسطة د/محمود عبدالمقصود ; 08-01-2013 الساعة 05:44 PM |
#2
|
|||
|
|||
رد: تقرير مصور عن السوبارو xv
مفيش حد عايز يرد على سؤالي :cryin g:
|
#3
|
|||
|
|||
رد: تقرير مصور عن السوبارو xv
كده يا جماعه مفيش حد يساعد ولا يفيدني بخبرته
|
#4
|
|||
|
|||
رد: تقرير مصور عن السوبارو xv
فين الصور ؟؟؟ ادى يا عم اول سؤال اهو
|
#5
|
||||
|
||||
رد: تقرير مصور عن السوبارو xv
الصور مش باينة خالص
|
|
|