موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

[ابو الفضل]

المشاركة الأصلية كتبت بواسطة sayed2077 بص حضرتك هو ينفع تنضفه بنفسك بس لازم تعرف ان الكربراتير شىء معقد جداااا وان مجرد فكه من مكانه وتركيبه مره اخرى بيخلى كفائتة تقل فالافضل تروح لمتخصص كربراتير وتشوفه هينضفه ازاى بالظبط واول ما تروح تحاول تقلد اللى هو عمله بس لازم يكون معاك عدتك كامله ومتفكش مثالا مسمار بسن سكينه لا لازم عدتك تكون كامله و لو حسيت انك هتبوظ اادنيا فالافضل بلاش تعمل كدا خصووصا فى حاجتين الكربراتير و الاسبراتير بتاع الكهربا

شكرا يا باشا والطيب احسن بلاش الواحد يتفذلك فى حاجه مش عارفه

[ابو الفضل]

المشاركة الأصلية كتبت بواسطة sayed2077 اييه 180 جنية كتير جدااااا والنوع الى حضرتك لقيته المصرى هو ده الولف اللى بقول لحضرتك عليه وهو نوع ممتاز الصراحه بص حضرتك انا جبت سنتر ولف ب 80 جنية وعليه ضمان سنه و ثمن تركيب السنتر فقط 50 جنية والشغل استمر حوالى 4 ساعات متواصله اما بالنسبه للانذار فبرضوا الولف المصرى بس عليه ضمان خمس سنوات حاجه مذهله فعلا ب 150 جنية وتركيب الانذار فقط مبياخدش اكتر من ساعه واحده ده لو حضرتك مركب السنتر مسبقا طبعا لان تركيب السنتر هو اللى بياخد وقت كبير بس تركيب الانذار فا بالكتير اوووى ساعه واحده وهيكون ركب وممكن تعمل حاجه جامده جداا هى ان حضرتك تخلى الكهربائى يركبلك كتاوت فصل للعربيه تعمل اتوماتيك مع الانذار بحيث لو حضرتك قفلت العربيه بالانذار العربيه تفصل كهربا تماما وحتى لو حبيت تدورها بالمفتاح الاصلى بتاعها مش هتدور نهائيا لغاية ما تفتحها تانى بالريموت بتاعها ساعتها تدور عادى وكنت مركب الكتاوت ده ب 40 جنية يبقى التكلفة الاجمالية كالتالى 80 سنتر 50 تركيب سنتر 150 انذار حوالى 30 جنية تكلفة تركيب الانذار 40 جنية تركيب كتاوت الفصل علشان يفصل كهربة العربيه تماما مع العلم لازم كهربائى ماهر جداااا جدااااا جداااا علشان يشغلك كل خصائص الجهاز من ضمن الخصائص ديه مثالا انك مع اول دوسة فرامل لما تيجى تمشى السنتر بتاع الابواب يقفل عليك اتوماتيك للامان ليك ولاولادك وكمان انه يخلى اول ما تقفل الانذار العربيه تفصل الكهربا بتاعتها اتوماتيك وكمان ان لو باب مفتوح مثالا وجيت تقفل العربيه وباب مش مقفول كويس الانذار ينبهك ان فيه باب مش مقفول كويس وحاجات تانية كتير وربنا يعينك

ياباشا مليون شكر على تعبك وانا الصراحه مش لاقى كلام اشكرك بيه لانك فعلا افتدنى بجد اووووووووووووى وربنا يكرمك وينجحك فى دراستك ويفيدك ويباركلك فى علمك
بس ادعيلى الاقى كهربائى بيفهم اووووووووى او الاحسن اركب سنتر بس عشان معتقدش ان حد ممكن يفكر يسرق 128 ههههههههههههههه:fun_36_3_ 1[1]:

[ابو الفضل]

صحيح فى عيب ظهر فى العربيه وانا جاى فجأه الكلاكس قطع بحرك الدراع مش بيزمر والنور بيرعش
مع كمان العربيه بقالها تلات ايام الغيارات بتاع الفتيس بتعض جامد وخاصه بعد لما تسخن اعتقد فى حاجه فى الدبرياج لان بضعط عليه لحد الدواسه ومع ذلك العربيه بتمشى وتطلع وبسمع صرخه دايما مع الثالث والعربيه ماشبه بالذات لما بنزل من الرابع للتالت
انا فعلا تعبت من العربيه دى انا كنت راكب قبلها من حوالى 12 سنه 132 / 2000 المانى عمرى ما حسيت بالياس كده كانت حاجه جميله بس النصيب

[sayed2077]

المشاركة الأصلية كتبت بواسطة ابو الفضل صحيح فى عيب ظهر فى العربيه وانا جاى فجأه الكلاكس قطع بحرك الدراع مش بيزمر والنور بيرعش مع كمان العربيه بقالها تلات ايام الغيارات بتاع الفتيس بتعض جامد وخاصه بعد لما تسخن اعتقد فى حاجه فى الدبرياج لان بضعط عليه لحد الدواسه ومع ذلك العربيه بتمشى وتطلع وبسمع صرخه دايما مع الثالث والعربيه ماشبه بالذات لما بنزل من الرابع للتالت انا فعلا تعبت من العربيه دى انا كنت راكب قبلها من حوالى 12 سنه 132 / 2000 المانى عمرى ما حسيت بالياس كده كانت حاجه جميله بس النصيب

بالنسبه للكلاكس وكل شىء خاص بالكهربا فالافضل التوجه لكهربائى بيفهم يعمل لحضرتك كل ده مره واحده مع العلم انها حاجات بسيطه ان شاء الله

اما بالنسبه للصرخه فاعتقد سير الدينموا عاوز يتغير
وبالنسبه للعضه فمتقلقش مفيش 128 مبتعضش ههههههههههههه بص الافضل تروح لميكانيكى يشوفها ويقولك اذا كانت طبيعية ولا لا لان فيه كتير بيبقى حاسس ان فيه حاجه غلط بس بيطلع انها عادية وحضرتك بتقول انك كان معاك 132 يعنى فرق السما والارض بينها وبين ال 128 وربنا يعينك

[محمود كامبا]

يا جماعة بعد اذنكوا انا ضروري عايز اعرف اللمبات اللي على التابلوه دي مهمتها ايه بالظبط ؟ و المفروض لما العربية تدور اللمبات دي تختفي ولا لازم تكون منورة ؟ انا اعرف ان فيه تلات لمبات, واحدة بتاعت الزيت و واحدة بتاعت البطارية و التلتة مش عارف ايه ؟ و هيا كانت منورة معايا طول الطريق مع العلم ان هي كانت مقفولة ديما اشمعنى نورت دلوقتي ؟ ضروري جدا حد يفهمني اللمبات دي دليل على اي و امتى تطفي و امتى تنور و شكرا