حد جرب ياخد معاه زيت غير موبيل للتوكيل و حصل مشكله ؟؟؟

[miah]

المشاركة الأصلية كتبت بواسطة screamseko استاذ هشام مش عارف ليه بحس ان حوار الزيوت والفلاتر اللي في التوكيل ما هي الا مصالح بين الشركات واللي يدفع اكتر (ان بعض الظن اثم ) بس ده اللي انا حاسه

اتفق معاك تماما فى النقطه دى

همه بيعملوا مناقصه و الى يدفع اكتر هو الى بيشيل مش بيبصوا على مصلحه العميل

المهم

يعنى رايكم ايه , اسيبهم يحطوا موبيل و خلاص ؟؟؟؟

[Hisham.Elgazzar]

المشاركة الأصلية كتبت بواسطة miah اتفق معاك تماما فى النقطه دى همه بيعملوا مناقصه و الى يدفع اكتر هو الى بيشيل مش بيبصوا على مصلحه العميل المهم يعنى رايكم ايه , اسيبهم يحطوا موبيل و خلاص ؟؟؟؟

توكل على الله ماتقلقش وعموما هتلاقى سعره بره بالظبط زى التوكيل
لكن المشكلة لو غيرته برا التوكيل الصنايعية الجهابز بيقرطوا على الطبة والحجات التانية اللى بنسمع عنها ، ده طبعا غير جودة الفلتر بتاع الزيت ده كمان حدث ولا حرج

ولما بإذن الله العربية بعد عمر طويل تخرج من الضمان ساعتها غير الزيت براحتك انا جربت حوارات الزيت الجديد والخلطات اللى بنسمعها من بعض الناس ، لكن اتعلمت ، ونتا عارف محدش بيتعلم ببلاش

المشاركة الأصلية كتبت بواسطة screamseko استاذ هشام مش عارف ليه بحس ان حوار الزيوت والفلاتر اللي في التوكيل ما هي الا مصالح بين الشركات واللي يدفع اكتر (ان بعض الظن اثم ) بس ده اللي انا حاسه

الكلام ده سمعناه فعلا وهو كلام جميل يا أستاذ محمد لكن عن تجربة الزيوت دى فعلا هى تستاهل وناس كتير ماشيين عليها وما اشتكتش وناس تانية جربت الانواع الغريبة اللى نازلة جديد وفى الآخر رجعوا تانى للموبيل

وعن تجربة للشيل مع الفيرنا كان فعلا زى الفل حتى لو مشيت عليه شوية زيادة مبيكسفكش

[محمد صالح - المحامى]

بصراحة انا مبقتنعش غير بالموبيل والشل
واكيد التوكيل بيعم مناقصات لناس معينة
بس المؤكد ان مبيختارش نوع اى كلام لانه عارف المستهلك المصرى ( الفضحى ) مبيسكتش على حقة

[screamseko]

في توكيل رينو بيستخدموا توتال بس

[emad habib700]

المشكله ان بعض الاشخاص ممن يمتلكون السيارات يقومون بشراء زيوت مستعمله ومكرره وهى موجوده فى الاحياء الشعبيه وفى بعض محلات بيع الزيوت وتباع باسعار مقاربه لسعر البيع الرسمى فى محطات التموين وهنا تكمن الخطوره فى استعمال زيوت غير صالحه مما يتسبب فى العديد من المشاكل بالموتور وعليه فالتوكيلات لا تعتمد على الزيوت المشتراه بمعرفه العميل لعدم معرفته بما هو موجود داخل الجركن من زيت جيد او زيت غير صالح اصلا
ولكن يمكنك تغيير الزيت بمعرفتك فى اى مكان داخل التوكيل او خارجه ومن النوع الذى تفضله عن غيره سواء بسعر اعلى او سعر اقل وان يكتب على امر الشغل ان العميل احضر الزيت بمعرفته وايضا فى حاله تغييره خارج التوكيل يكون مسئول عن طبه الكرتيره ان تلفت من العامل الخارجى واحيانا تتلف القلاووظ الموجود بالكرتيره
اسفل الموتور مما يتسبب فى تسريب الزيت من الموتور
الموضوع سهل جدا ومهم جدا و لك الاختيار وصديقى العضو فى المنتدى
وكل التوكيلات فى خدمه العملاء لصالح السياره
لكم منى ارق التحيات
عماد حبيب