سرقة سيارة ريم مصطفى تحت تهديد السلاح

[zing0]

و إيه يعنى, حاله من عشر آلاف حالة سرقة سيارات يتم تسجيلها كل شهر, و تقريباً (كلها) >>> ذهب و لم يعد.

أنا مع الأخ إللى بيقول يلغوا جهاز الشرطة لأنه بقى عاوز المجنى عليه يروح بنفسه يجيبله الجانى من قفاه لحد القسم علشان يعمل محضر , و بعدين أمين الشرطة يطلعوا من القسم بعد "هبش المعلوم".

[احمد على 1999]

المشاركة الأصلية كتبت بواسطة نبيل عبدالرحمن والله دا نفس إحساسى وشعبنا عمره ماكان كده ، دا مخطط إجرامى لإفشال الحكومة

احييك يا استاذ نبيل على رأيك السديد فعلا هذا واضح جدا ............ و حسبنا الله و نعم الوكيل ............ فى كل من يريد اشعال مصر
اللهم احمى مصر من مصر

[magdy_c_c]

المشاركة الأصلية كتبت بواسطة Hisham.Elgazzar مهو لما الحرامية يعرفوا ان الشرطة عاملة إضراب تتوقع اه منهم لأنهم أنجاس واوطى فئة فى المجتمع ولا عندهم مبادىء ولا دين هتلاقى سرقات وقطع طرق وقلة أدب لأ وفين فى شارع التسعين اللى هو ازحم شارع فى التجمع !!!!!! ومش قصة إفشال الحكومة وبتاع لأنها اساسا حكومة فاشلة لو كانوا بيفهموا كانوا زرعوا الصحرا باى محاصيل تنفع البلد بدل مايدوروا على قروض - يشغلوا الموانى صح بدل ما العطلة اللى بتخسرنا ملايين الدولارات كل يوم

: 0369B3~177:

[magdy_c_c]

هو احنا هنقعد طول العمر نقول فلول و بلطجية و طرف تالث ؟
بكرة نقول يد ثالثة و بعده نقول اصبع ثالث و بعد بعده نقول " ودنة ثالثة " عارفينها اللى هى بتطلع لا مؤاخذة فى الصباع نفسه
يا جماعة و النبى عاوزين نفوق
من أول ما اتولندا و البلطجية و الحرامية والعالم الزبالة دى مالية البلد
المشكلة فى مين اللى هربهم من السجون ، و مين اللى يقدر يلمهم
و المشكلة أكتر مين اللى يقدر يدى بتوع الشرطة بأوسخ جزمة و يخليهم يمشوا زى الألف ومن غير ما يزودهم فلوس و باردوا يضربوا له تعظيم سلام
ما هو من الآااااخر
طول ما الشرطة فاهمة انها جهاز لحماية الحكومة بس يبقى كل سنة و انت طيب فى البلد و مواطنيها
ده طبعا ً بالاضافة الى ان الحكومة فاشلة أساسا ً فى إدارة أى شيئ .....
بالله عليكم لما فرد الشرطة العادى خالص يشوف بعينه الفرق الجوهرى بين قيادات الشرطة أيام زمان و دلوقتى !
و يشوف كمان ان أبطال زمان اللى كان كل واحد فيهم بيشيل كفنه على كتفه قبل ما يطلع من بيته و يشوف شوية الهفأ بتوع دلوقتى اللى كل واحد فيهم بيخلع البدلة الميرى و يستخبى فى هدوم ملكى علشان ما ينضربش مليون بلغة كل يوم
بزمتك ده أصلا ً قادر يحمى نفسه ؟؟؟؟
أمال هيحمى المواطنين ازاى ؟!
دول شوية رعاع انضموا لمليشيات الاخوان الشياطين علشان بس يدافعوا عن مرسى و حكومته الفاشلة ما هم بيدفعوا كتيييييييير
انما الشعب الغلابة هيدفع لهم منين ؟؟؟؟؟؟؟؟؟؟؟؟؟؟؟
طول ما الفشل موجود طول ما البلطجية هتزيد و مش هتلاقى اللى بيصدها
و اللى يقول غير كده يبقى بيضحك على نفسه و على شعبه
فرد الشرطة كان بيشوف مطاردات حقيقية بين الضابط و الحرامى ، حضرتك النهاردة بيشوفها فى الأفلام الأجنبى بس !!!
بزمتك ايه المطلوب من الشرطة و كل أفرادها بيشوفوا قياداتهم خوافين و منافقين و مرعوبين و كذابين و ضلالية و ما يستاهلوش حتى يلبسوا الزى الشرطى
يبقى الفرد العادى يقول و انا مالى أنا أربى عيالى أحسن و الجنيهين اللى ييجوا زيادة أحسن من عينين أم الشعب و أهو كده كده لا بيشتغلوا و لا بينيلوا حاجة
على فكرة أنا مش باكتب أى كلام " أقسم بالله أمناء الشرطة عندنا اللى هو لا مؤاخذة بيعرف يفك الخط و مخلص العلام كله معاه اعدادية بحالها
ما بيروحش شغله و بياخد 4000 جنيه كل شهر ده غير الحاجات التانية
زى الحوافز و بدل المخاطر و عربيتين معوقين ، و ........... , ........الخ
رخصوا لنا بقى السلاح و احنا اللى هنطهرها من الحرامية يا شوية عيال
و كل عام و انتم بخير يا شعب مصر يا اللى عمر حضارتك 7000 سنة و لسه مش عارف تحمى ولادك من شوية حرامية و بلطجية !!!
علشان شرطة فاشلة و حكومة فاشلة
:TH E_PR~18:

[atgps]

طيب اضحكوا على اللى حصل معايا... وتحذير فى نفس الوقت..
من حوالى اسبوعين كنت بجوار الرحاب، وكنت سايق فى طريق ضلمة شوية اللى بعد بوابة 17 يمين.
المهم ... فجأة ظهرت سيارة خلفى وأنا كنت متأكد ان مافيش أى سيارة آخرى ورايا..
حاول تشتيت انتباهى بأنوار وكلاكسات وفى نفس الوقت حاول أن يعدينى ويخرجنى بره الطريق، ولكن الحمد لله لم أعطيه الفرصة لذلك وفى نفس الوقت زوجتى كانت تصرخ لأهرب منهم، كل ده وأنا مش عارف مين فى السيارة الآخرى، فى آخر الطرق حاولت أن أخرجهم فوق جزيرة ولكنهم هربوأ لآننا كما على وشك الوصول الى كمين، وأخبرتنى زوجتى أنهم كانوا 4 أشخاص فى السيارة الآخرى.
المهم وصلت الكمين لم أجد أحد، ولكن فى اليوم التالى وجدت الكمين وحكيت لهم على اللى حصل حتى يقوموا بواجبهم فى عمل دورية فى ذلك المكان، فكان ردهم!! ياريت رقم السيارة ونوعها!!! طيب يا جماعة ده كان بيطاردنى حأعرف رقم السيارة ازاى، فكان الرد الذى افحمنى، ياريت المرة الجاية تتصل بينا واحنا حنيجى على طول بس حاول تعطلهم هههههههههههه واعطونى رقم موبايل!!!!