ربنا يعوض على المشترى كل خير و المهم انه هو و صديقه الحمد لله بخير ،
أحب بقى أقول لكل واحد بيشترى عربية مستعملة خللى باللللللللللللللللك كويس جدا ً من الأشياء التالية :
أول هام يا باشا :
لازم تشوف رقم الشاسيه و رقم الموتور بنفسك و هل هو يخص العربية محل الشراء و لا لأ؟
ثانى هام :
ما فيش حد بيكتب عقد ابتدائى و يسلم ثلثى المبلغ للبائع بسهولة كدة بالكتير أوى الفين تلاتة خمسة .
ثالث هام :
لما سعادتك تروح بالعربية بعد ما تكتب العقد الابتدائى و تسلم العربون البسيط ، بتلف تانى و تانى و تانى على العربية من حيث الأساسيات و العفشة و الموتور و ما إلى ذلك ، بعد ما تستريح جدا ً للعربية ، وانت رايح تسجل و ده مهم جدا ً خللى بالك ، اوعى تروح بالعربية خاااااااااااااااالص
أو على الأقل غير مفاتيح كوالين الأبواب ، و بعد كدة ابق غير مفتاح الكونتاكت و الشنطة و غطاء التنك إذا كان موديل العربية قديم ، و إذا كان موديل حديث ( له مفتاح واحد لكل شيء ) ابق غيره على مهلك و إذا كان المفتاح مشفر ده طبعا ً هيكلف كتير و هياخد وقت ، علشان كده باقول لك خللى العربية فى مكان أمان و ما تروحش بها للتسجيل خالص غير بعد تغيير المفاتيح.
رابعا ً :
اتأكد كويس من شهادة المخالفات وياريتك تكشف عليها بنفسك فى المرور و يارتك بالمرة و انت فى المرور تطابق بصمة أرقام الموتور و أرقام الشاسيه علشان تبق مطمن.
خامسا ً :
لو معاك مبلغ كبير من المال و هتتقابل مع البايع فى ميعاد معين ياريت يبق معاك حد من أصحابك ، ما هو ماحدش عرف ايه اللى بق يحصل !!!
ربنا يسترها معانا جميعا ً اللهم آمين
30-11-2012, 10:14 PM
رد: عمليه نصب فى شراء سياره (للتحذير)
