ممكن حد يكرهنى فى النيو سيراتو!!!!

[fineart607]

المشاركة الأصلية كتبت بواسطة sharooo انا لسه مقلوب بيها في رمضان الي فات 6 قلبات ف طريق العلمين وواحد معانا طار من البربريز الي ورا ومات انا كنت قدام جنب السواق وكنت رابط الحزام وخارج من الحادثه بكسر مضاعف في الترقوه وفي 4 ضلوع وشرخ في لوح الكتف وكدمات في جسمي كله وكدمه في العمود الفقري وربنا كريم والله اني يادوب رجعت امشي تاني العربيه ده عباره عن اوبشن وعملو عليه عربيه مش عربيه فيها اوبشن عربيه خاينه .تحسسك انها راسيه على الطريق ومكلبشه في الاسفلت .وهي ديتك شويه رمل او زلط على الطريق او حتى غرزه اتزنقت فيهاعلى سرعه هتلاقي العربيه راحت ومرجعتش وقعدت تعوم وغالبا بتتقلب...يا راجل ده السيفيا بتاعتي راسيه عنها في الطريق!! راقب اغلب حوادث السيراتو هتلاقيها يا اما مقلوبه على سقفها وده طبعا عيب استابيلتي يا اما وشها متدمر عشان فراملها مش بتلحقها ده غير العفشه الزباله وغير هوايات التكييف الي بتتكسر وغير الصدر الفيبروغير مخدع الراس الي بيوجع الرقبه في المسافات الطويله لكن خد شكل وعده صوت ومرايه صالون ذكيه وكاميرا واوبشن جاااااااامد..ايوه احنا شعب بنحب الي بيضحك علينا عشان كده العربيه ده نجحت في مصر. وعلى فكره والله ده رايي فيها قبل ما اعمل الحادثه وصحابي الي معاهم سيراتو عارفين كده وقطعها غاليه نااااااار فانوس 1000 مرايه950 شبكه550 كبوت1800 اكصدام امامي1300 . . . .

ربنا يطمنك انا كنت نازل اجيبها امال اجيب ايه بنفس السعر لاحول ولا قوة الا بالله

[sharooo]

السلام عليكم
والله انا رايي امدام هنجيب حاجه في حدود 100000 يبقى نبدأ نفكر في الياباني ممكن تريوس او يارس
وممكن تجيب كسر زيرو وساعتها هتجيب مازدا وممكن تزود شويه وتجيب سيفيك 120000تقريبا
والصني مش وحشه بس عفشتها خشنه زي السيراتو واستهلاكها اعلى من السيراتو في البنزين واوبشنها قليل
وربنا يكتبلك الخير

[fineart607]

المشاركة الأصلية كتبت بواسطة sharooo السلام عليكم والله انا رايي امدام هنجيب حاجه في حدود 100000 يبقى نبدأ نفكر في الياباني ممكن تريوس او يارس وممكن تجيب كسر زيرو وساعتها هتجيب مازدا وممكن تزود شويه وتجيب سيفيك 120000تقريبا والصني مش وحشه بس عفشتها خشنه زي السيراتو واستهلاكها اعلى من السيراتو في البنزين واوبشنها قليل وربنا يكتبلك الخير

مش حابب كسر زيرو او مستعمل خالص والياريس ب129 والتريوس مش بقبلها .
والصنى شكلها قدم ومش بحبها

يبقى مفيش غير السيراتو ان شاء الله

[star over]

المشاركة الأصلية كتبت بواسطة fineart607 مش حابب كسر زيرو او مستعمل خالص والياريس ب129 والتريوس مش بقبلها . والصنى شكلها قدم ومش بحبها يبقى مفيش غير السيراتو ان شاء الله

وليه متفكرش في الالنترا ؟

[fineart607]

المشاركة الأصلية كتبت بواسطة star over وليه متفكرش في الالنترا ؟

ياريت بس غاليه على انا هجيب سيراتو فى اول الميه لكن النتر ب116