ممكن حد يكرهنى فى النيو سيراتو!!!!

[m_o_sakr]

المشاركة الأصلية كتبت بواسطة elsayed.galal العربية ليست شكل فقط ولذلك اقول ان السيراتو تعتمد فى تسويقها على الشكل والأوبشن اللى فيها بس الثبات مش كويس والعفشه ناشفه والصاج خفيف جدا حال كل الكورى

بالنسبه للثبات فى ناس بتقول ثبات ممتاز و ناس بتقول عربيه ريشه و اعتقد ان الإتنين مجربوهاش كويس, العربيه ثباتها معقول جداً اما بالنسبه للعفشه و الصاج فكلام حضرتك سليم

المشاركة الأصلية كتبت بواسطة د. اشرف ملحوظة للأصقاء وهي أن الهيونداي و الكيا شركة واحدة. و مبيعاتهم ممتازة بسبب السعر. لو السعر مايهمكش ما تخدش الكوري. بس ناس كتير بتشتري الكوري لأنها عربيات معقولة بسعر منافس جدا. السيارات الكوري الممتازة و التي تنافس الألماني و اياباني في الجودة هما الهيونداي سانتا في واجينيسيس و دول أسعارهم نار.

السعر لوحده مش كفايه, طيب مالعربيات الصينى ارخص كتير و فى عربيات تانيه اسعارها قريبه من الكورى, الموضوع موضوع نسبى, يعنى بتاخد ايه مقابل الفلوس الى بتدفعها و أعتقد الكورى بيلبى مطالب أغلبيه الناس

المشاركة الأصلية كتبت بواسطة dr.ahmed lotfy انا معاك ان العربيه اهم حاجه فيها الثبات علي الطريق و الامان . لكن الاوبشن ممكن تركبها انت زاي مانتا عايز لكن الامان لأ . انا من الناس اللي بتفكر تشتري سيراتو بس علشان الفلوس و بقارن بينها و بين الجراند بونتو ... هيا الجراند فيها امان اكتر و ايطالي بس 77 حصان بس والموديل اللي 120 حصان غالي اوي .. ربنا يساهل واختار واحده لسه مش عارف

مفيش رد بعد رد الدكتور بلبولان

المشاركة الأصلية كتبت بواسطة fahmyd والله هاكون حيادى العربيه فعلا تستحق كل هذا الجدال و على فكره انا معايا كورلا 1600 يعنى مش معايا سيراتو ولكن اقول العربيه شكلها اجمل و انسيابى اكثر من الكورولا 2009 وكمان لما جربتها لاقيت استجابة الموتور اسرع من الكورولا وشكلها احسن بكتير و لكن العيب ألى لاحظته فيها انها ناشفه جدا فى المطبات ولكن فى المجمل هى سياره رائعه ولها كل الاحترام والدليل حجم المبيعات والسر الذى لم ينخفض فى التوكيل مثلما فعلت تويوتا ايجبت بسبب انخفاض المبيعات

شكراً لحضرتك على الحياديه

[m_o_sakr]

المشاركة الأصلية كتبت بواسطة MO بس كده بسيييييييطة اهو الرجل استلمها زي الفل و العربية لقلقت منو و حس في حاجو في المقصات فا راح يظبط الكاوتش و تمام تمام 30 اوك و في نقرة عادي خااااااالص علي طريق الشيخ زايد علي 100 و قصة الراجل اهو http://www.masrmotors.com/vb/showthread.php?t=16866 انا عمي مهندس في كيا "السعودية" حذرني منها كتيير و قلي دي شكل و 124 حصان و بس و انا لما جربتها مقدرتش ازود عن 60 و كنت مرعوووب العربية هي البتتحكم فيك مش انت الي بتتحكم فيها<!-- / message --><!-- sig -->

مش علشان واحد عمل حادث بعربيه نقوم نكرهها!!
و بعدين انا ركبت العربيه و لحد 160 كم مفيش مشكله!!
وكنت بتحكم فيها عادى يعنى

المشاركة الأصلية كتبت بواسطة Dr. Bolbolan بالنسبة لحكاية الآوبشنز ممكن تركبها زى ما انت عايز ! مع الآسف الكلام سهل والفعل صعب ! بل خطآ ! يعنى لو الآوبشنز دى بتشتغل على كهرباء يعنى ح تعمل أحمال زياده على العربيه ! و ممكن تلخبطها لو هيه فيها كومبيوتر و ممكن تتسبب فى حرق العربيه ! ولو ما بتشتغلش على الكهرباء يبقى ح تضعها فى مكان غير مخصص لها مما يشوه من منظر العربيه ! و تبقى عامله زى اللى راح يعمل عملية تجميل و بس قعد يعانى من المضاعفات ! هذا رأيى وأحترم رأيك برده ! ويا اخوانا اللى خايف و قلقان من السيراتو ما يشتريهاش ! اللى يشتريها لازم يكون قلبه جامد بعد كل الكلام اللى اتقال ! و ياريت اللى ما اشتراهاش و ماركبهاش ما يقولشى عنها حاجه بالسمع ! لآن دى أمانه ح تسألوا عليها يوما ما ! Dr. Bolbolan ptmnlo123per122

بارك الله فيك يا دكتور و متشكر على المشاركه و الكلام الموزون

[krim71]

يا جماعة بجد بجد بجد حقيقي كرهتوني في العربية ده انا كنت عايز اجيبها

[m_o_sakr]

المشاركة الأصلية كتبت بواسطة krim71 يا جماعة بجد بجد بجد حقيقي كرهتوني في العربية ده انا كنت عايز اجيبها

حضرتك ايه الى يكرهك فيها, معظم الكلام فى صالح العربيه, و ممكن حضرتك تشوف الموضوع بتاع دكتور بلبولان عنها و تعرف كل حاجه بالتفصيل عن العربيه

[mostafa_alaa16]

نرجومن الأعضاء المنطقيه لا هى طياره ولا سلحفه