التحايل "الاخوانى"!!

[silverlite]

فعلا دى الحاجه اللى هاتخلينا نموت م الغيظ هههههه

[luckyman]

هههههه ايه دة انتم بقى حاطيين الاخوان فى دماغكم لا حول ولا قوة الا بالله العلى العظيم
انا شفت الكلام معظمة افتراء وتضليل والشعب المصرى قال كلمتة وما يصحش كده نعمل واصيين على الشعب
وبعدين لو الاخوان تعاون مع العسكر معناه اية انه اتعاون مثلا مع اليهود لية يعنى دة الموسسة العسكرية المصريه هى درع الوطن واقدم موسسة فى مصر ويعنى اية مش فاهم يقاطع الموسسة العسكرية ايه الكلام اللى من غير مضمون ولا محتوى دة بس اى كلام فى اى كلام وايه اللى جاب غادة عبد الرزاق فى الموضوع وفرضا حصل ولاه ما حصليش الكلام دة انتم عايزيين اية
انتقال السلطة بالفعل تم وفى نهايتة انتخابات مجلس الشعب وانتخاب رئيس له ثم مجلش الشورى والتحضير لانتخابات رئاسية انا مش عارف اللى بيعمل البلبله دى ياما مغرض به او مضلل ياما يقصد يضلل الناس وشكلكم بقى وحش اوى وعيب بقى وكفاية كلام اعلام مصر عايزة افعال لا اقوال والافعال ابلغ من الاقوال ووسائل الاعلام اثبتت عن جدارة جميعها تقريبا انها فاشله وبتحقق مصالح معينة ومعظمها مملوك لرجال اعمال لهم مصالح سياسية واقتصادىة واللى بيحصل نوع من التعبئة العامة فى عقول الناس الساذجة البسيطة اسف للاطاله لكن لازم تعرفوا ان كل كلمة بتتكتب وبتتقال هى امانة وحتتحاسب عليها

[silverlite]

المشاركة الأصلية كتبت بواسطة luckyman هههههه ايه دة انتم بقى حاطيين الاخوان فى دماغكم لا حول ولا قوة الا بالله العلى العظيم انا شفت الكلام معظمة افتراء وتضليل والشعب المصرى قال كلمتة وما يصحش كده نعمل واصيين على الشعب وبعدين لو الاخوان تعاون مع العسكر معناه اية انه اتعاون مثلا مع اليهود لية يعنى دة الموسسة العسكرية المصريه هى درع الوطن واقدم موسسة فى مصر ويعنى اية مش فاهم يقاطع الموسسة العسكرية ايه الكلام اللى من غير مضمون ولا محتوى دة بس اى كلام فى اى كلام وايه اللى جاب غادة عبد الرزاق فى الموضوع وفرضا حصل ولاه ما حصليش الكلام دة انتم عايزيين اية انتقال السلطة بالفعل تم وفى نهايتة انتخابات مجلس الشعب وانتخاب رئيس له ثم مجلش الشورى والتحضير لانتخابات رئاسية انا مش عارف اللى بيعمل البلبله دى ياما مغرض به او مضلل ياما يقصد يضلل الناس وشكلكم بقى وحش اوى وعيب بقى وكفاية كلام اعلام مصر عايزة افعال لا اقوال والافعال ابلغ من الاقوال ووسائل الاعلام اثبتت عن جدارة جميعها تقريبا انها فاشله وبتحقق مصالح معينة ومعظمها مملوك لرجال اعمال لهم مصالح سياسية واقتصادىة واللى بيحصل نوع من التعبئة العامة فى عقول الناس الساذجة البسيطة اسف للاطاله لكن لازم تعرفوا ان كل كلمة بتتكتب وبتتقال هى امانة وحتتحاسب عليها

فين التضليل بس يا استاذ lucky..كل ما ذكر عن الاخوان ثابت و لا يخالف الواقع فى شىء ..و اما ان الشعب قال كلمته فأنا معاك ..و احنا بنشوف كلنا النتيجه و بنعيشها و اعتقد ان الكثير ممن اختاروا الاخوان سيعيدون النظر بسبب مواقفهم و تصرفاتهم السياسيه ..و الجميع ايضا يعلم كيف تمكن الاخوان من حصد الاصوات بعد اعاده تقسيم الدوائر بما يخدمهم ناهيك عن التجاوزات العديده فى الدعايه الصوتيه و السلعيه ! و التلاعب داخل اللجان الانتخابيه ..ولست ضدهم ان افلحوا ..لكن الانتهازيه السياسيه و لعبه التحالفات القديمه لا يمكن ان تتسق مع ثوره شعبيه ينتظر اثارها الشعب المصرى كله ..., تحياتى

[silverlite]

وانا اعييييط.......والستات تعيييط.......والمجلس يعييييط......والكتاتني يعييييط ......و الناس فى البيوت تعيط...

عاوزين محاكمات ثوريه للقتلوا ولادنا يا ريس .....مش عاوزين فلوس ..... عايزين القصاص يا ريس

والناس تعيييييط.....والCNN قالتلك ...موجة بكاء عارمه تجتاح مجلس الشعب المصري في اولي جلساته.....والقهاوي اتملت يا معلم وبرضه كل واحد ماسك اللاي ويشد ويعيييييييييط ....واللي يشوف كده يقولك ده حسني مبارك حيتعدم بكره فى ميدان التحرير وش ... و العادلى هيتعلق فى القائد ابراهيم ...
بسسسسسسسسسسسسسسسس يا معلم ...خلصت كده الليله و النتيجه

مبارك قاعد باشا فى الفندق بتاعه ( قصدى المستشفى ) ولا اتهزله شعره ولا حتى عرفوا يودوه مستشفى طره

اناااااااااااااااا بعيييييييييييط
by: الانتفاضة المصرية ضد الاخوان والسلفية

[luckyman]

انا معاك ان فى مماطله فى محاكمة مبارك لكن هل المطلوب ان نتدخل فى القضاء هل هذا وظيفة مجلس الشعب مش نبص بقى للبلد علشان نبنى ونعلى ونخطط ولاه نفضل فى موضوع مبارك دة كتير مبارك خلاص بقى ماضى صفحة من تاريخ اسود عشيتة مصر وانطوت الصفحة بلا رجعة لازم ندى فرصة للناس تشتغل مجلس الشعب مش دوره محاكمة مبارك واعوانة فى موسسات فى الدوله لكل موسسة دورها الفعال
انا مقدر شعور الناس لكن كدة فى خلط للمسائل والامور
ثورة ايه اللى ترفع الجزم ضد الجيش المصرى وضد ابناء الوطن وتستخدم الالفاظ الخارجة وتتطاول على المختلفين معها هولاء اشخاص غير ابناء الثورة الحقيقية استكمال الثورة الان فى المصانع والمدارس والجامعات والمزارع مش بالنوم فى الميادين
لو فعلا ثورة لية مالهاش خلفية شعبية كبيره مش قادرين نشوف جموع الشعب المصرى هما قله بس عامله غوغاء هنا وهناك انا كنت موجود ايام احداث مجلس الشعب لمدة شهر هناك علشان كنت بخلص ورق فى المناطق المحيطة مش ممكن دول يكونوا ثوار فى مطالب لها قنوات شرعية تقدم من خلالها الطلبات مش بالتدمير والتلاسن والتشليح ونرمى نفسنا ونعور نفسنا
فى خطوط حمرا فى البلد لما يتجاوزها اى شخص كان يجب ان يتحمل نتائج عمله يعنى ما يفكرش حد انه يتطاول على ممتلكات الدوله ايا كانت الا لو كان مخرب ويجب عقابة والضرب بيد من حديد ونار لكل من يمس امن مصر وموسساتها وسيادتها والا حتكون مهلبية اى عيال مقمله تحرق وتخرب
ياريت نبقة نشوف 3000 واحد مع بعض يجمعوا بعض هو الاعلام عمل تعبئة فى دماغ السذج والله لو حصل اية حتفضل الناس تشكك فى الانتخابات والتحايل وافلام مالهاش اخر لانهم مش عايزين البلد انها تتقدم وتمشى انا شايف دة اسمة تمرد مش ثوار مع احترامى للثوار العيال بالبنطلونات الساقطة اللى مش مسؤحين شعرهم الناس اللى تنام فى الشوارع انا بتكلم على البنات البنت اللى تبات فى شارع دى مش ثورة دى انحطاط مش حنغير البلد من ورا شاشات الفيس بوك مصر اكبر كدة وشكرا جزيلا وتقبل تحية