مش عارف اجيب سوزوكى التو ولا اسبرانزا a113

[jojojojojo]

صدقني الاتنين مش كويسين الالتو 800 هي الماروتي بالظبط وسعرها اغلي حوال 10000 a113 عربيه اعطالها كتيره جدا وغليت جدا بقت بحوالي 59000 انصحك باي عربيه تانيه تكون سيدان وموتورها 1600 وهيبقي سعرها قريب من العربيتين اللي حضرتك بتفكر فيهم بس امكانيات واعتماديه اعلي ممكن تفكر ف الفيرنا او اللوجان افضل وربنا يوفقك في الخير

[omar_saad]

السلام عليكم
للعلم التو حاليا 800 سي سي فقط . واللي 1000 سي سي هي السيارة k10 وهي مختلفة في الشكل عن التو . ولسة جديدة . اوسع قليلا موفرة جدا في البنزين لان ماتورها هو نفس ماتور سيلاريو . اري ان الالتو افضل من اسبرانزا الي حد ما . وللعلم موضوع ان بالمبلغ ده ممكن تجيب سيارات اكبر ماننساش ان استهلاك البنزين ومصاريف الترخيص هاتكون اعلي .اذن لكل حاجة ميزة وعيب
وبالتوفيق ان شاء الله

[ahmed_acmilan]

انا شكلى حستنى شوية واجيب حاجة فعلا دايو او كده وبفكر امشى نفسى اليومين دول ب موتسكل سكوتر ده لغاية ما ربنا يسهل واجيب حاجة كويسة
بس فعلا والله حابب اشكر كل الشارك ربنا يخليكو والله

[سيف الدين سعيد]

أخى الفاضل بصرف النظر عن آراء الأخوه اللى أفتوك بيها انا اعرف الـ113 كويس وعن تجربه . العربيه عفشتها ناشفه دا حقيقى ولكن اذا عرف السبب بطل العجب العربيه مساعدينها كبس هواء ( عفشه رياضيه ) ودى عيبها انها ناشفه ولكن ميزتها انها تعطى اعلى معدلات الثبات على الطرق السريعه وخاصة فى السرعات العاليه مع الملفات والمنحنيات . . . كمان العربيه أوسع مساحه داخليه وتحميل فى الشنطه والسقف والكابينه . والأوبشن فيها اعلى . قوة العزم اشد . انا كنت باسافر بيها كتير على الصحراوى على 140 مع تشغيل التكيف وكانت زى الوحش معايا . كمان هى عاليه عن الأرض ونسبة لحس الأسفلت بسيطه جدا . أما الألتو عربيه ضعيفه وخفيفه ومش بتاعة هرس . استعمال حريمى يعنى . . نصيحتى خليك فى الكيا او ال113 وطبعا الزيرو يكسب .

[Neo206]

أستخير ربنا الاول
و بعدين تـاكد أن ربنا هيديك الخير ديما