للأهمية إلي عباقرة الفيرنا أفيدوني

[MG_Embabi]

أنا معايا فيرنا أوتوماتيك 1600 موديل 2009 شاريها مستعملة و هيا عاملة 56000 المهم انا ظهر عندي مشكلة بعد ما مشيت بيها 2000 كيلو ان الموتور بيزن او زي بيكركر بس لما يعدي ال 3 RPM حتي و هيا في المور و واقفة .
فتحت الكبوت و ركزت في الصوت لاقيتوه جاي من عند الجنب الشمال. خفت و أخدت العربية و طلعت علي التوكيل و قلت أعمل صيانة ال 60 بالمرة.
المهم المهندس لما سمع صوت الموتور قال ده كرنك و هيتكلف حوالي 3000 و علي فكرة انا لما افتح الموتور مش عارف ممكن يكون إية بايظ فا أعمل حسابك أن الموضوع ممكن يوصل لنصف موتور كامل وده تكلفتة حوالي 9500 جنيه.
المهم أخدت العربية و أخدت خبتي معايا و روحت
أنصحوني أرجوكم أعمل إيه وهل فعلا الصوت ده ممكن يكون الكرنك أتعوج.
شكرا لمشاركتكم مقدما

[hyundai2005]

عليك وعلي البشمهندس سمير عياد

[samirayad]

و طلعت علي التوكيل و قلت أعمل صيانة ال 60 بالمرة

عملت إيه فى التوكيل من أعمال صيانه ........؟

المهم المهندس لما سمع صوت الموتور قال ده كرنك و هيتكلف حوالي 3000

متقلقش من كلامه

فممكن تلاقى كلامه مش مظبوط

وهل فعلا الصوت ده ممكن يكون الكرنك أتعوج

مفيش كلام من ده خاااااااااااالص

[MG_Embabi]

المشاركة الأصلية كتبت بواسطة samirayad عملت إيه فى التوكيل من أعمال صيانه ........؟ متقلقش من كلامه فممكن تلاقى كلامه مش مظبوط مفيش كلام من ده خاااااااااااالص

أولا شكرا على الأستجابة و سرعة الرد.
بالنسبة للصيانة أنا كنت غيرت زيت و فلتر زيت أول ما أشترتها.
بس لما روحت التوكيل و بعد تقييم المهندس قالي سيبك من الصيانة و شوف هتعمل إية في الموتور الأول فروحت و معملتش حاجة .
معلش انا بس مرعوب عشان انا لسة جايب العربية "مستعملة 56000 كيلو" مكملتش شهرين و للأمانة هيا مكنش فيها الصوت ده.
بس الصوت ده لو مش كرنك زي ما قالو في التوكيل ممكن يبقى إية و أعمله فين.
شكرا مرة تانية.

[eng_ahmed_90210]

هل حضرتك كشفت علي العربيه في التوكيل قبل ما تشتريها ؟
ما هي طريقه قيادتك ؟