سواقين مستفزين (شوية فضفضة)

[mohamed ellithy]

المشاركة الأصلية كتبت بواسطة miam0502788391 أفضض معاكم شوية عن السواقين المستفزين بس المرة دى سواقين جوه البلد: 1- ده واحد راكن عربيته عند ملف فين بقى بالظبط امام الفتحة فى المقابل يعنى حضرتك بتلف وواخد الملف على الضيق كمان وتلاقى العربية البلوة دى واقفة فى الملف علشان تقف وبعدين تدى ماشيدير وتجيب الدركسيون كله يمين وترجع مترين وتقف وبعدين تجيبه كله شمال وتعدى بعد ما تكون وقفت الطريق اللى جاى واللى رايح وكل ده ليه علشان الاستاذ المستفز اللى راكن مستخسر يطلع قدام الملف كام متر اللى يغيظك اكتر انه ساعات يبقى راكن الركنة المستفزة دى وقاعد جوه العربية وشايفك وانت بتلف وميهنش عليه يطلع بالعربية قدام شوية 2- ده واحد ماشى فى الحارة الشمال ومدى اشارة شمال انه هيلف وحضرتك ماشى وراه ومدى اشارة شمال برضه انك هتلف تمام كده , اللى مش تمام ان الاستاذ اللى ماشى قدامك رغم ان الملف وااااااسع وفاضى الا انه مش عارف ياخده مرة واحدة رغم انه عنده دركسيون باور والعربية صغيرة يعنى ملفها مش كبيير يقوم يقف ويوقفك وراه لحد ما يعرف يطلع من الملف 3- دول بقى سواقين التاكسى اللى واخدين الشارع بالعرض يعنى الاستاذ المستفز سواق التاكسى ماشى فى الحارة الشمال وانت ماشى وراه فى اليمين يقوم يقطع الطريق بالعرض وفجأة بدون اى مقدمات وساعات من غير ما يعطى اشارة يمين ليه بقى علشان فيه زبون شاور لسيادته 4 - دول بقى سواقين التوك توك ودول اعزكم الله فيهم كل العبر والعظات يعنى بيعملوا اى حاجة وكل حاجة ممكن حضرتك تتخيلها او لا تتخيلها والمثل البلدى بيقول الواحد ميعرفش حنان امه الا لما يشوف مرات ابوه يعنى اللى بيشتكى من الزحمة فى القاهرة والاشارة اللى بيقف فيها ربع ساعة وطهقان من السواقه جوه البلد ييجى يشوف التوك توك عندنا هنا فى الأقاليم يا ساتر يا ساتر ايه ده اسوأ فئة من السواقين ممكن تشوفها الشىء الغريب ان كل سواقين التوك توك تحس انهم كلهم متخرجين من مدرسة قيادة واحدة

المشاركة الأصلية كتبت بواسطة data بسبب الموضوع ده يبقا مصر الدولة الوحيدة اللى المفروض تبص فى المراية اليمين حتى لو انت واخد الحارة اليمين انا اكتر حاجة بتخنقنى بجد اللى طالع من شارع فرعى وهيعدى على شارع عمومى عشان يدخل شارع فرعى زى الصليب كده ولا يبص ولا يستنى بيخش وخلاص وخصوصا الفزب ولا التييت

يا باشا انا كنت جنب الرصيف اوى وكان فى جنب مينى باص راكن ومتوقحتش باللى جاى بسرعه ده ولصق فى اليمين اوى كده

[محمدعبدالكريم]

ااااه فضفضتوا كتير من اللى بنشوه ولسة كتير
وياريت نغيير سلوكياتنا ونبدأ بانفسنا
ياريت يجى اليوم اللى نرى فيه السلوكيات دى اختفت

[mohamed ellithy]

لما تتلغى المرسيدس والبى ام وتتساوى الرئوس

[snoop]

ونسيبنا من سواقة الستات شوية وارتفاع ضغط الدم ونروح زيارة لسواقين الفيسبا والموتوسيكلات والعجل فى الشوارع وبتوع الزبالة ماشى بعربية كارو وبيقفلوا الشارع لغاية اما الحمار يمشى يتمرئع براحتوه فى الشارع ويعدى العربيات ايلى وراه ولا المتوسيكلات ايلى عاملة زى فرقع لوز يجيلك قدام العربية يمين وشمال اكنوه عفريت ولما تخبطوه يمسك فيك ههههه لكى الله يا مصر

[Komy]

والله انا زهقت خلاص من السواقة فى مصر عموما ونفسى اعيش فى بلد متحضرة واشوف الناس هناك بتسوق إزاى