صب ووفر الكمبيوتر يركب فى العربية ؟؟

[bloodystrike]

السلام عليكم ورحمة الله
الموضوع بخصوص صب ووفر الكمبيوتر وطريقة تركيبة فى العربية
طبعا كلنا عارفين ان الصب ووفر بتاع الكمبيوتر بيبقي جامد جدا ومش غالي ولو ركب فى العربية هيكسر الدنيا .. وانا شوفت ناس عاملة الموضوع دة وجامد اوى لو حد يعرف طريقة توصيلة فى العربية ياريت يشارك بالتفصيل

[Injection]

الموضوع ده أنا دورت فيه كتيييييير وفى الأخر توصلت للتالى:-
علشان تركب صب بتشتغل على 240 فولت على بطارية بتطلع 12 بس أنت محتاج محول كهرباء بيطلع 240 فولت وده بيتباع مخصوص للعربيات علشان تشغل الأجهزة المنزلية وسعره فوق 100 جنيه وبيسحب من البطارية جامد وهيضعف باقى كهربة العربية, ده غير أنه لو صينى ومافيهوش فيوز ممكن يعمل قفلة فى الدايرة اللى أنت مركبه عليها.
ولو عمات كده برضه هيفضل مشكلة تانية, هتحط الصب فين فى العربية وتقعد تمشى فى سلوك الكهربة والتويترات وموال كبير قوى وهيخلى العربية زى التوك توك.
تالت حاجة أن الصب مبتشتغلش على 240 فولت الصب بيبقى فيها محول داخلى بيخفض الفولت علشان الصب, ولو بتفهم فى الدوائر الكهربية ممكن تستغنى عن المحول الخارجى وفيشة الصب وتحاول تشغلها على كهربة العربية على طول.
من الأخر موضوع غير مجدى بالمرة وهيكلفك حوالى 400 جنيه تمن الصب والمحول والتركيب ده غير أنك لو مجبتش محول يبقى هتضطر تفك الصب وتبقى خسرت الصب كمان, ده غير الخسائر اللى ممكن تحصل لو حاجة عملت قفلة.
الموضوع ممكن وأنت ممكن تعمله بنفسك بس تكلفته عالية بالنسبة للصوت اللى هيطلع والصوت مش هيطلع زى ما أنت عايزه
ال 400 جنيه دول يجيبولك صب 1300 وات وأمبليفاير مستعمل وصدقنى مينفعش تقارن صب كومبيوتر كبيرها 50 وات rms بصب عربية بتطلع 500 وات rms .
ولو ما معكش كاش فى محلات كتير بتقسط زى روكيت اللى فى روكسى.
ولو عندك أى أستفسار أنا موجود.

[salem amen]

10/10


اصبر وقسط أحسن من صب الكمبيوتر

[abo-salama]

أظن أن الجى أم بيعمل نفس الحكاية والا ايه

[Injection]

صب الكمبيوتر ماهى الا جى ام وصب متوصلين مع بعض.