|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
أدوات الموضوع |
#1
|
||||
|
||||
هل المقارنة بين انواع السيارات عن طريق بلد المنشا او الماركة طريقة صحيحة ولا خاطئة ؟؟
النهاردة حبيت اعمل الموضوع دا علشان انا لاحظت ان معظم المصريين وان لم يكن كلهم ليهم طريقة للحكم على انواع السيارات او المقارنة والمفاضلة بين الانواع المختلفة للسيارات
طب ايه هيا طرق المقارنة عند المصريين ؟؟ عن طريق بلد المنشا يعني اي عربية ياباني حلوة اي عربية صيني وحشة اي عربية الماني قطع غيارها غالية اي عربية كوري نص نص اي عربية ..... الخ الخ الخ واحيانا عن طريق الماركة يعني اي عربية تويوتا حلوة اي عربية بي ام دبليو قطع غيارها غالية اي عربية رينو قطع غيارها غالية اي عربية هيونداي وحشة اي عربية فولكس فيها مشاكل في الفتيس بس طبعا الطريقتين ليهم ارتباط ببعض لكن الاغلبية مننا يقارن بين العربيات على اساس بلد المنشأ زي اللي يقولك ابعد عن الصيني واللي يقولك الكوري بوري واللي يقولك لو فات الياباني مش هيرجع تاني واللي يقولك ... الخ الخ الخ طب هل الطريقة دي صحيحة ولا خاطئة ؟؟ الحقيقة الاراء هتختلف في الموضوع دا جدا جدا جدا انا رايي ان المقارنة بين السيارات على اساس بلد المنشا او المقارنة طريقة خاطئة جدا لسبب بسيط جدا جدا ان في عربيات شاذه يعني ايه يعني انتا ممكن تلاقي عربية ياباني كسرت قاعدة الاعتمادية والجودة يعني تبقا سيئة وممكن تلاقي عربية الماني كسرت قاعدة الصيانة الغالية وتلاقي صيانتها ان لم تكن رخيصة بس معقولة واسعارها كويسة وممكن تلاقي عربية صيني كسرت قاعدة الاعطال الكثيرة والجودة السيئة وتتميز بالجودة العالية والاعتمادية والعمر الطويل يعني الطريقة دي ـ من وجهة نظري ـ خاطئة جدا جدا جدا الطريقة الصحيحة للمقارنة بين انواع السيارات المختلفة ليست النظر الى الماركة او بلد المنشأ بل تجربة السيارة على ارض الواقع والحكم عليها بعد التجربة او ممكن تسمع اراء ملاكها لو تتفرج عليها في المعرض وتركبها وتشوفها مش علشان هيا من بلد كذا تبقا حلوة او مش بلد كذا تبقا وحشة واترك لكم حرية الرأي في هذا الموضوع وكل واحد يجاوب على هذا السؤال هل المقارنة بين انواع السيارات عن طريق بلد المنشا او الماركة طريقة صحيحة ولا خاطئة ؟؟ وتقبلوا تحياتي
__________________
الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn |
#2
|
||||
|
||||
رد: هل المقارنة بين انواع السيارات عن طريق بلد المنشا او الماركة طريقة صحيحة ولا خاطئة ؟؟
ايه هوا الموضوع وحش ولا ايه ؟؟
__________________
الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn |
#3
|
|||
|
|||
رد: هل المقارنة بين انواع السيارات عن طريق بلد المنشا او الماركة طريقة صحيحة ولا خاطئة ؟؟
متفق معاك الى حد ما,
لكن فى ناحية واحدة, ممكن تكون فيه سيارة ألمانية سيئة, لكن مش ممكن تكون فيه سيارة صينية بجودة مرتفعة. لكن فى النهاية فان المقارنة عن طريق المنشأ و الشركة ليست بطريقة سيئة, الشركات الكبيرة مثل فولكس, مرسيدس, بيجو, فيات و غيرها تمتلك مراكز للأبحاث, و خبرات متراكمة, و مراكز للتصميم و طرق لمراقبة الجودة و خبرات ادارية و علمية. بعكس الشركات الصينية أو الكورية التى يعتبر مجرد انتاج السيارة هو تحدى فى حد ذاته, و ليس انتاج سيارة جيدة. لكن هذا لا يعنى ان كل سيارة المانية هى بالضرورة جيدة, لأن الخطأ وارد. لكن من غير الوارد ان تنتج الصين سيارة بمستوى السيارات الاوروبية مثلا.
__________________
أخر مواضيعى : اختبار الفيات برافو 120 حصان تى جيت. وداعا يا ايها الصقر الجسور قضيت معكى أحلى ايامى. فيات برافو مرحى مرحى |
#4
|
|||
|
|||
رد: هل المقارنة بين انواع السيارات عن طريق بلد المنشا او الماركة طريقة صحيحة ولا خاطئة ؟؟
كلامك مظبوط بس ده لو في حياديه ..
انا لما اسال اي حد هنا او بره المنتدي كل واحد بيقنعني بالعربيه اللي معاه .. لغايه لما جننوني يعني على راي المثل ال**** في عين امه وطبعا بحكم ان احنا على ادنا مش زي الخلجيه كل شويه عربيه فالواحد مجربش غير موديل معين (بتعته بس) ويفضل يشكر فيها واي حاجه تانيه تبقي وحشه وهو عمره ما سقها وشكرا على الموضوع المتميز |
#5
|
||||
|
||||
رد: هل المقارنة بين انواع السيارات عن طريق بلد المنشا او الماركة طريقة صحيحة ولا خاطئة ؟؟
السلام عليكم انا راىى انه التقييم عن طريق بلد المنشا غير موضوعى ليه اقولك
مثلا عربيه زى الكرايسلر او الفورد امريكانى وايه قوة ومتانه وعمليه وممكن تكون احسن من كل العربيات الموجوده بس بص على الصيانه والانتشار انا عندى اجيب اسبيرانزا تيجو او 516 وتعطل كل شهر بس عارف انى هلاقى قطع غيارها عند اى حد او زى مابيقولوا المصريين عند البقال (كنايه عن الانتشار) ولا اجيب فولكس او بى ام وتعطل كل سنه بس لما احب اصلحها لازم التوكيل وبفلوس مش سهله التقييم الموضوعى فى رايي لاى سياره فى مصر له عده اوجه : 1- الانتشار كل لما تنتشر هلاقى قطع الغيار بسهوله من غير تعب او لف جديد ومستعمل 2- الانتشار هيخلى صنايعيه كتير فاهمين لها وكمان عيخلى سعر اعاده البيع مش بطال ب مثلا على التيجو وال 516 وبين الجيلى او فاو وكلهم صينى 3- الشعب المصرى معظمه بيحب العربيه اللى تديه الامان لان عندنا العربيات بتيجى ب مش زى بره بتيجى بتمن موبايل او لابتوب فهو عاوز عربيه تقضى الغرض ولما يتزنق فى قرشين يقول يابيع تتباع على طول وكمان عايش بمبدا اللى تعرفه احسن من اللى ما تعرفوش وتقبل حياتى على الموضوع الجميل ده |
|
|