السلام عليكم,
النهاردة رحت ركبت سماعات, المهم بعد ماراكبتها و كنت بقول لواحد صاحبي فـقاللي أتأكد من السعر من حد موثوق لإن تقريبا اتضحك عليا. اللي حصل بالضبط إني رحت للرجل و كنت مستعجل عايز اركب و خلاص و قلتله حدود الميزانية قاللي سوني 320 وات, اللي قدام (صغيرين) بـ140 جم و اللي ورا(الكبار) بـ310 جم، قلت على بركة الله و ركبت و كله تمام. المهم اللي خلاني أشك لما صاحيى قاللى إني نسيت آخد العلب بتاعتهم و هو ماداهمنيش, بس كان الكتالوج موجود فالعربية, بصيت فيه لقيت المواصفات بما معناه إن الوحدة الصغيرة 40 وات و الكبيرة 120 وات (أو 30 و 130, مش فاكر بالضبط) بما معناه إن مجموعهم 40*2 + 120*2=320 تمام. فالسؤال دلوقتي هل الطقم ده (320watt) يكلف 450 جنيه؟ لو لأ و اتضحك عليا، إيه العمل؟ مع العلم إني كده كده حعدي عليه في أقرب فرصة عشان آخد العلب. شكرا مقدما.
06-05-2013, 04:29 AM
طلب تأكد من سعر سماعات
