هل هناك درجات لجودة قطع الغيار

[amrabdulraouf]

السلام عليكم ورحمة الله وبركاته
اخواتي وحبايبي كل الاسكوداوية في المنتدى هل ممكن يكون في درجات للجودة لنفس قطع الغيار يعني مثلا دي قطعة أصلية والتانية أصلية برضه بس دي كلاس A والتانية كلاس B مثلا أخونا lordadel كتب في مشاركة سابقة عن قطع غيار الأوكتافيا

تيل الفرامل من الهاشمية 425 وهوة هوة من التوفيقية 260 مش عارف ليه

طبعا دي حاجة غريبة قوي برضة لما كان عندي تويوتا كورولا جبت تيل الفرامل من التوكيل ضعف السعر من بره مرتين ونص ليييييييييييييه علما بأن ده أصلي وده أصلي برضه ووالله في علبته ومكتوب عليه صنع في اليابان وعليه العلامة المائية كمان ياريت تفيدونا بخبراتكم

[eng/walaaeldeen]

السلام عليكم
على ما أعتقد التوكيل بيكون مغالي في المكسب وبيكون عنده مصاريف اداريه اكثر
والله اعلى واعلم
والله المستعان

[lordadel]

السلام عليكم ورحمة الله وبركاته
انا اعتقد ان الهاشمية ابتدت تستهبل فى الاسعار خصوصا بعد لما اشتهرت
لأن انا روحت شوفت التيل بنفسى لقيته هوة هوة عالشان كده كبرت وروحت جبته من التوفيقية ووفرت الفرق وماشى معايا تمام
المهم ..................
بالنسبة لقطع الغيار بتنقسم الى ثلاث اقسام
الاولى تكون من انتاج الشركة المصنعه للسيارة وديه سعرها غالى حبتين وهيه كلها نفس الفئة ( يعنى كلها class A) وتقريبا مش موجوده فى مصر
الثانية من شركات اخرى متخصصه فى قطع الغيار ويتم اعتمادها من الشركة المصنعه وديه برده نفس الفئه ( يعنى كلها class A) وديه الى موجودة عندنا فى مصر وديه السعر بيختلف من شركة لأخرى
الثالثه قطع الغيار الصينى وديه برده موجودة عندنا وديه بقى منها اكثر من فئة زى ما انت عاوزبس سهل قوى تهرشا لو انت بتشترى قطع غيار كتير بتلاقى فيها عيوب صناعه كتير قـــــــــــــــــــــــو ى يعنى مثلا السيور لو دققت فيها هتحس ان يه حاجه غلط عالطول تعرف انها صينى والبائع بيغشك وكمان انا مرة كنت رايح اجيب فلتر بنزين لقيت بعض الكلام الى عليه ممسوح فطبعا دوه صينى فهمى رسمى نظمى والبائع مصر انه بتاع الشركة المصنعه طب ازاى افهم انا يعنى شركة فولكس واجن مثلا هتطلع المنتج كده يستحيـــــــــــــــل
ارجوا ان اكون وفقت فى الشرح

[amrabdulraouf]

شكرا أستاذ lordadel على الشرح