#1
|
|||
|
|||
عيوب نيسان صنى
كل واحد بيفكر يشترى عربية بيحتاج يعرف عنها كل حاجة قبل ما يشترى
فى أماكن كتير هتلاقى المميزات أما العيوب فحبيت نجمعها فى موضوع واحد يا ريت كل واحد عنده العربية وشايف فيها اى عيوب او يعرف حد عنده العربية وقابلته فيها عيوب يدخل يتكبها لنا هنا، عيوب فى العربية ، الصيانة ، التوكيل ، قطع الغيار ، كل حاجة وآهو بالمرة نقدر نعرف العيوب دى ممكن تتحل ازاى لو ليها حلول (عشان اللى اشترى العربية خلاص) أنا هابدأ برأى واحد صاحبى: - واطية شوية وبتحك فى المطبات - كماليات السوبر صالون ملهاش لازمة لانها كمان كام شهر بتبقى زيها زى الاى إكس صالون أحد أعضاء المنتدى قابلته مشاكل كتيرة معاها ، كتب 3 مواضيع ، ده آخر واحد فيهم http://masrmotors.com/vb/showthread.php?t=63576 وشكوى تانية من ان الشركة ما بتسمعش لعملائها ومشاكلهم http://masrmotors.com/vb/showthread.php?t=42590 مين قابل عيوب تانية ؟ |
#2
|
|||
|
|||
رد: عيوب نيسان صنى
|
#3
|
|||
|
|||
رد: عيوب نيسان صنى
بالنسبه للكماليات فمنها المهم ومنا غير المهم فمثلا مسند اليد الخلفى المزود بحامل اكواب مهم جدا فى حاله الاسره ووجود اطفال والجنوط اسبور عامله فارق مهم جدا فى الشكل والكونسول الامامى المزود بالاضائه حيث ان اضائه التابلوه ليست كافيه للاناره فى نصف السياره الامامى وكذلك مرايات الضم الكهربائيه والله كانت فارقه معايا جداجدا للركن فى الزحمه. |
#4
|
|||
|
|||
رد: عيوب نيسان صنى
في البداية أنا معايا صني موديل 2008 كاملة مانيوال
حاتكلم عن العيوب فقط زي الموضوع ( عشان الناس ما تفهمش ان العربية ملهاش مميزات) أولا: استهلاك البنزين أعلى من مثيلاتها يعني بالارقام 160 كم في الصفيحة(20 لتر) داخل البلد 200 كم في الصفيحة ////////// سفر (على سرعة أعلي من 120 ) ثانيا: توزيع المساحات في العربية غبي وحاقول ليه: العربية طويلة والشنطة كبيرة جدا ولكن الكنبة ضيقة جداََ. ثالثا: العزل الصوتي سيىء . |
#5
|
|||
|
|||
رد: عيوب نيسان صنى
يا باشا فكره هايلة جداً وخصوصاُ اننا في مصر متلقيش حد يقولك ايه عيوب العربية كل المعارض تقولك انه العربية هايلة ومفيهاش اي عيب ومفيش حاجة اسمها تجرب تسوق علشان متعرف العيوب (يعني يا حمرا يا قرعة )
- انا معايا لادا 2017 تقفيل مصري : العيوب الأساسية : - قطع الغيار مضروبة ( اكتر المشاكل اللي بتقابلني طقم الكهربا المضروب كان الاول في طقم كهربا إنجليزي دلوقتي كله بقي اتحاد اوروبي سكه ) - العفش اللي جوا مصري خامت غاية السوء ) - التقفيل فيه عيوب ظاهرة زي الابواب اللي بترزع . - التوكيل العيب اللي بيظهر بيتكرر اكتر من مرة مش بيختفي من أول مرة . - مفيش ضمان علي الاصلاح. |
|
|