الكلاب بهدلتلى سقف العربية

[Vanditta]

المشاركة الأصلية كتبت بواسطة screamseko اقولك علي فكره بس متضحكش الكلاب اقوي حاسه عندهم الشم هاتلك شوية فلفل اسمر محترمين ورشهم علي سقف العربيه عالغطا مستحيل حتلاقي كلب يقرب منها انا كنت بربي قطط كتير كنت الحتت اللي مش عايز القطط تدخلها او تقرب منها بوزع فلف اسمر او خل او اي حاجه ليها رائحه نفاذه جرب مش حتخسر حاجه واعطسلك انت عطستين احسن متخسر سقف عربيتك :D وابقي قولي النتيجه : 06A7D5~132:

لأ مش هاضحك بالعكس حضرتك فكرتك منطقية شوية وانا اقتنعت بيها
دة فى واحد صاحبى قالى فكرة تانية هى اللى تضحك فعلا
قالى هات حتتين كبدة وانقعهم فى شطة وحطهم على السقف
اوم اية بقى ييجى الكلب ياكل الكبدة المشطشطة يقوم بوقة يولع ويحرم ييجى ياكل من عندك كبدة تانى (هههههه قصدى ييجى ينام على السقف تانى )

هاجرب موضوع الفلفل دة اما اشوف
جزاك الله كل خير

المشاركة الأصلية كتبت بواسطة Marlborooo ههههههههههههههههههههههههه هه انت بتتكلم جد هي فكرة صايعة بس شوية هوا يطيروا الفلفل من علي العربية بالنسبة للاستاذ صاحب الموضوع الاستيكر الكربون بيبوظ البهية بتاعة العربية واحد صاحبي رش كبوت بسببه خلا البهية بتاعت الفبرية تبهت جاااامد

يعنى مش المفروض انة بيحافظ على البوية من الخدوش والشمس والعوامل الجوية عموما اللى المفروض هى دى اللى تخلى البوية تبهت ؟!!

على العموم السقف عندى كدة كدة مش فابريكة انا لسة راشش العربية كلها نضافة من كام شهر كدة ف اية رأيك الزق الكاربون ولا ارش السقف تانى !

[eng/walaaeldeen]

السلام عليكم
ممكن تعمل تقويه للسقف من الداخل بسيليكون علشان ما يطبقش ومن الخارج تركب الزق استيكر كربون
والله المستعان

[Vanditta]

المشاركة الأصلية كتبت بواسطة hal71 هوه في الحقيقة ما فيش حل للكلاب دي إلا أمر الله و بما إن ده مش في إيدينا يبقى ما فيش غير الحلول المؤقتة و فعلاً زي ما الزميل ما قال الكلاب و القطط لها حاسة شم شديدة الحساسية و أنا جبت ب 3 جنيه شطة مطحونة و 2 جنيه بيكربونات من العطار و خلطتهم ببعض و حطيت الغطاء في جردل ميه بعد ما دلقت شويةمنهم فيه لحد ما الغطاء بقت ريحته مقرفة - سبته ينشف و غطيت العربية بيه و حطيت باقي الخليط في علبة لها غطاء مخرم و كل فترة أدلق شوية منها على الغطاء لأن الريحة بتروح من الهواء و الشمس لكن فعلاً بتطفش الحيوانات دي - أما موضوع الحل النهائي للقطط و الكلاب فأسهل بكتير لكن مش هأقول إزاي أحسن آخذ ذنبهم يا عم

للأسف موضوع انى انقع الغطا دة واخلى ريحتة مقرفة مش هاينفعنى لأن عندى العربية هاتش باك فالشنطة منفدة على الصالون وانا بحط الغطا فى الشنطة وساعتها انا بقى اللى هاطفش من الريحة مش الكلاب

بالنسبة للحل النهائى جة فى دماغى والله بس استحرمتة طبعا

[Vanditta]

المشاركة الأصلية كتبت بواسطة eng/walaaeldeen السلام عليكم ممكن تعمل تقويه للسقف من الداخل بسيليكون علشان ما يطبقش ومن الخارج تركب الزق استيكر كربون والله المستعان

ماهو موضوع تقوية السقف دة حاولت اعملة قبل كدة السروجى مارضيش يفك السقف عشان جلد وقالى احتمال يتبهدل ومايرجعش زى الاول وبتاع فمارضيتش اعملة

بالنسبة للزق الكاربون ماتعرفش حضرتك الاسعار كام للمتر !!

[hyundai 2005]

الحل بقي كاربون بنفس لون العربيه المتر يبدأ من 30 وانت طالع والسقف تقريبا ياخد 120 -130 سم