تعبت فى الانوس واريد حالا يا خلعا

[casper35]

معلش هطول عليكو شويه بس كنت حابب اسمع أرئكو انا معايا لانوس 1 موديل 2000 وبجد طالع عينى هنا وهناك ومحتار اعمل ايه دى جزء من المشاكل اللى عندى ويارب تلاقو معايا حل
1- عداد الحراره عندى بينزل لحد ال c اول ما اجرى بالعربيه تقريبا عند ال 90 او 100 والمشكله انى تحركى بالعربيه غالبا سفر فبخاف اصلا الحرار تزيد وانا مش حاسس مع العلم انى غير الحساسين بتوع الحراره ورحت لكهربائى قالى روح لبتاع عدادات روحت لبتاع عدادات قالى لا دة كهربائى
2- انا عندى الكامه فيها تكتكه الميكانيكيه احتارو فى امرى شويه حد يقول مافيش زيت بيوصل صح للكوستبانات فنغير طلمبه الزيا وشويه يقولى الكوستبنات هى اللى وحشه وناشفه اوى وعايزة تتغير وشويه يقولولى لا دى وش الكامه اطبع عليه غلط فعايز يتغير وواحد ريح دماغه بقى وقالى غير وش سلندر اريحلك
3- انا كنت حابب اغير الماتور انا معايا لانوس 1 موديل 2000 تنصحونى اغيره منين وبكام وهل الماتور اللى هييجى دة هيبقى احسن من ماتور لانوس 1 اللى اعرفه ان مواتير الانوس 1 احسن كمان من لانوس 2 حد يدلنى ممكن
4- العربيه سحبها بحس انه اقل من فئتها الانوس مع العلم انى غيرت ديسكواسطوانه وبليه طقم دبرياج المانى من شهر وطلمبه بنزين كامله وفلتر بنززين وفلتر هوا وزيت ماتور موبينه وبوجيهات 2 شعله وسلك بوجيهات مش عارف اغير ايه تانى علشان احس بالفرق

[elmo7areb]

حضرتك من محافظة اية ؟

لو من المنصورة روح لايمن دايو فى طلخا دة بتاع لانوس ونوبيرا

[memo1100]

غير طقم الكوستبان لان هتلاقى فى كام واحد بايظ غير الطقم كلة ممكن يعمل 700 مش متاكد بالظلط او انزل الحرفين هات طقم كوستبان بالعمود هيكون عامل ال 700 وغير زيت علية عاطول

[casper35]

انا من الدقى
انا جبت طقم كوستبنات استيراد فعلا ونضفته وركبته لاقيت الصوت اعلى فرحت مفضى الزيت من القديم ومنضفه ومركبه تانى كان انعم من الجديد دة بس برده فى كل الاحوال عالى جدا
معلش ممكن حد يوصفلى حد اروح اجيب منه

[shur3000]

استاذ elmo7areb يا ريت عنوان ايمن دايو وياريت بالزبط هو فين فى طلخا