المفيد فى تركيب الكاوتش الجديد بالصور

[simsim666egy]

السلام عليكم شكرا" علي المجهود
انا عربيتي لوجان روماني 2009
الكاوتش الاصلي 185\65\15
انا غيرت الكاوتش الي 195\65\15 بريدج ستون r90
العربية بقت ناعمة في المطبات .. انا قالوا لي ان عيبة انه يعوم العربية علي السرعات العالية بعد 150.... انا مابمشيش علي سرعات اخري 130
انا لاحظت ان صوت الموتور و rbm بيعلو بمعدل قبل السرعات الي انا متعود عليها( نقلة الرابع مثلا" نص الستينات بدل 80 ) و كمان بيوصلها في زمن اقل
س : هو تغير المقاس ده صح .. ايه تأثيره علي العربية (عفشة - موتور - اتزان - استهلاك وقود .......... ؟
شكرا

[m.tito]

بجد مجهود رائع ، وجزاك كل خير عن المعلومات دى كلها ، كنت عايز استفسار من حضرتك انا معايا بونتو 1995 ، ومش عارف مقاس الجنوط الاصلية بتاعت العربية اللى بتركب عليه كام ، ولا مقاس الكاوتش ، وقعدت ادور على المقاس فى العربية وعلى الجنوط مش لاقت حاجة خالص ، فممكن حضرتك تقولى على مقاس الجنوط الاصلية اللى نازله بيها من المصنع او الجنوط الاسبور اللى ممكن اركبها ليها ، ومقاس الكوتش عشان عايز اغير الجنوط والكاوتش فى الخطة اللى جاية ان شاء الله ، وهل حضرتك الجنوط ليها علاقة بالطنبورة والتيل ، يعنى دى بياثر على دى والا الجنوط حاجة والطنبورة وتيل الفرامل حاجة تانية خالص ؟؟؟؟ ، عشان يعنى لو الطنبورة او التيل وحش او بايظ ، مش ياثر على الجنوط الجديدة ، فالعملية تبوظ منى ؟؟؟ وشكرا لحضرتك

[mody112]

بارك الله لك اخى عصام

[Walid Yosri]

ربنا يباركلك فى علمك ويزيدك ويحفظلك أهلك

[ahmed137]

السلام عليكم
موضوع ممتاز وكان ليا استفسار
عندى اكسنت مو 2000/ 1500 وعاوز اجيت كاوتش جديد تنصحنى بايه
وببشوف كاوتش كده تحس ان ارتفاعه قصر او رقيق ايه اختلافه عن الكاوتش العادى وايه اضراره على العربيه