بعد صيانه الالف ملاحظاتى

[shopraket]

الحمد لله خلصت فتره التليين على خير
السياره كشكل ومستوى حلوه جدا
يعنى لا خلاف على انها جيده بفرامل عاديه و ليس ا ب س
المشكله الغتته فى العربيه بالنسبه لى هى وبدون استغراب مساله ازاله الضباب الناتج داخل السياره فى الزجاج الامامى
فى الايم بغالبيتها وانا فاتح الشبابيك بتتكون الشبوره فى الزجاج من الداخل وكل شويه لازم اشغل التكييف علشان ازيله و اطفيه وتتكون و اشغله تانى وطبعا فافتحه على الزرار اللى عليه اشاره فرونت
وفيه حاجه كمان الزرار نفسه طبعا لا يعمل الا مع التكييف لكنه لا ينطفى بالضغط عليه زى بتاع الشبوره الخلفيه سالت قالو انو مبرمج على كده ولو مش عايزه اضغط على اى زرار من بتاع اشكال التكييف الى هيا فوق وتحت وفوق بس مش عارف الكلام ده حقيقى ولا تهيسس والزرار بايظ
وبرضه اغلبيه موديلات هيونداى بتتظبط على بعد زياده السرعه الى 15 كيلو تقفل اوتوماتيك الابواب ودى مش شغاله مش عارف ليه رغم انهم فى التوكيل اضافو انى وانا باطفى العربيه وبسحب المفتاح الاقفال تتلغى ونور العربيه الداخلى يقيد لغايه ما اقفل العربيه بالريموت
اما العربيه فى المشى زى الفل وانا ما بعديش 140 وتمام والباور الكهرباء مش شايفه وحش رغم ان كل سياراتى السابقد كانت اخرها سكترا ومفيش باور خالص
استهلاك اعتقد انه كويس
فكرتونى برضه ما فيهاش عداد للزيت يعنى لازم تحسب بنفسك
عايز رايكم واى استفسار

[احمد باشا]

وفيه حاجه كمان الزرار نفسه طبعا لا يعمل الا مع التكييف لكنه لا ينطفى بالضغط عليه زى بتاع الشبوره الخلفيه سالت قالو انو مبرمج على كده ولو مش عايزه اضغط على اى زرار من بتاع اشكال التكييف الى هيا فوق وتحت وفوق بس مش عارف الكلام ده حقيقى ولا تهيسس والزرار بايظ

الزرار مش بايظ ولا حاجه هي فعلا كده انا معايا نفس العربيه وعامل بيها 4000 كيلو دلوقتي ونفس الكلام و علي فكره الكروز فيها نفس الموضوع ده

وبرضه اغلبيه موديلات هيونداى بتتظبط على بعد زياده السرعه الى 15 كيلو تقفل اوتوماتيك الابواب ودى مش شغاله

عندي نفس المشكله وسالت عليها في التوكيل قالوا ده موجود في العربيات الاعلي (السوناتا ) ولما رجعت للكتالوج لقيتهم كاتبين انه مش في كل العربيات انواع وانواع يعني

فكرتونى برضه ما فيهاش عداد للزيت يعنى لازم تحسب بنفسك

الزيت سهل كل 10.000كيلو تغيره لو في التوكيل او بره هتبقا سهله عليك

[ابوشروق]

ربنا يباركلك فيها

[shopraket]

المشاركة الأصلية كتبت بواسطة احمد باشا الزرار مش بايظ ولا حاجه هي فعلا كده انا معايا نفس العربيه وعامل بيها 4000 كيلو دلوقتي ونفس الكلام و علي فكره الكروز فيها نفس الموضوع ده عندي نفس المشكله وسالت عليها في التوكيل قالوا ده موجود في العربيات الاعلي (السوناتا ) ولما رجعت للكتالوج لقيتهم كاتبين انه مش في كل العربيات انواع وانواع يعني الزيت سهل كل 10.000كيلو تغيره لو في التوكيل او بره هتبقا سهله عليك

احمد باشا مش عارف اقول ايه الكبير كبير ربنا يبارك لك
ابو شروق اشكر لسعادتك ذوقك الرفيع دائما وكل سنه وانتم طيبيين

[ahmedaccentrb]

هو حضرتك لما تدوس فرامل بتعمل لوك ولا لا , لأن فى الRB عندنا بتجاوز السرعة او بضغط على الفرامل بتعمل لوك الواحدة اصل مستغربها ازاى حطها فى الصغيرة و محطهاش فى الكبيرة ادى غبور عليه عمايل