تجربة الكيا نيو سيراتو - 1600 سى سى اوتوماتيك.

[engmish]

المشاركة الأصلية كتبت بواسطة sam ram بصراحه مجربتش العربيه علشان اقدر احكم على سحبها ... انا اتفرجت عليها بس و جبت مواصفاتها وده كان موضوع عنها قبل ما تنزل مصر http://www.masrmotors.com/vb/showthr...DD%E1%E6%E4%D3 ودي مواصفاتها من التوكيل اول ما نزلت اول ما نزلت كانت اول فئه ب113 الف و المفروض الاسعار تقل على بدايه السنه للاسف هما دلوقتي رفعوا الاسعار لموديلات 2011 ... يعني في موقع كونتاكت حتلاقيها بتبتدي من 120 الف يمكن علشان اول السنه لما يرجعوا للسعر القديم يبقى خفضوا السعر متهيألي البيجو 308 SW في رينج ال 160 الف فلو حضرتك عندك استعداد تدفع المبلغ ده فممكن تلاقي غير البيجو السيات ليون او التيا بفتيس ال DSG بتاع فولكس ... هما نفس شاسيه ومواتير الجيتا و الاوكتافيا لكن للاسف مش منتشره ... لكن عربيه جباره بمعنى الكلمه .. او خليك في المضمون وهات اوكتافيا وبرضو الجيتا حينزل منها موديل جديد 2011 .. بس حيوصل مصر امتى الله اعلم .. و المفروض انها تنزل ارخص من الموجوده دلوقتي لان فولكس بتحاول تبيعها في السوق الامريكي وحتعملها بمواصفات جديده بسعر اقل علشان تقدر تنافس بيه سعر الكورولا و السيفيك هناك لو تقدر تستنى لاول السنه يبقى افضل ...تكون الامور وضحت شويه .. وان شاء الله ربنا يوفقك لاحسن حاجه

- على فكرة أنا شفت الموضوع، بس كدة يبقى الواحد ميفكرش في رينو خااااااااااااااالص.

- شكرا على المعلومات دي، أنا فعلا على استعداد إني أستنى لأول السنة بإذن الله.
بس هو السيات ألتيا أفضل من البيجو 308sw؟؟ وإيه السبب؟؟

[sam ram]

المشاركة الأصلية كتبت بواسطة engmish شكرا على المعلومات دي، أنا فعلا على استعداد إني أستنى لأول السنة بإذن الله. بس هو السيات ألتيا أفضل من البيجو 308sw؟؟ وإيه السبب؟؟

انا مش قصدي اقول ان سيات افضل من بيجو ... انا بس كنت بشاور على البدائل المطروحه في الرينج ده
ولو اني فعليا بفضل الالماني على الفرنساوي لاعتماديته

سيات مملوكه لفولكس ... و بالتالي مكونات العربيه فولكس
والفتيس ال DSG لوحده اختراااع ...
والعربيه جميله و عمليه جدا ... بعتبرها اجمل MPV موجوده حاليا

بس مشكلتها ضعف الانتشار و مركز صيانه يتيم في ارض اللواء
حضرتك تحدد البدائل اللي عاجباك ولازم و تتفرج بنفسك علشان تقدر تقارن و تختار

[فادى]

رغم توافر انظمه امان بالسياره و حصولها على 4 نجوم في اختبارات التصادم ولذلك اعطيتها 5/ 10 اما الشاهين التي لا يوجد بها اي انظمه امان الا الحزام و لم اسمع يوما عن اختبار تصادم لها فقد اعطيتها 8/10 كتقييم متانه !!! فهل مفهوم الامان لديك هو المتانه و قمت بصدم السيراتو حتى تقيمها 5/10 معلش مضطر اقوم بعدين نكمل

رغم انك ترغب فى انهاء النقاش كما لمست,
لكن اسمحلى اوضحلك بعض النقاط.
ليس لدى الأدوات اللازمة و لا المعلومات الكافية لاختبار مقدار الأمان المتوفر فى سيارة ما سواء كانت الشاهين او كانت الكيا سيراتو,
لذا فاننى لم اتحدث عن هذه النقطة, و لن تجد اى تقييم يتحدث عن هذه النقطة.
انا اعطيتها 5 من 10 لناحية الثبات و التوازن.
و فى اختبار الشاهين اعطيتها 8 من 10 لناحية المتانة, و ليس الأمان, فكما ذكرت ليس لدى الأدوات اللازمة و لا الامكانيات لاختبار الامان.
لماذا هذا الخلط؟! و ما هى العلاقة بين هذا و ذاك؟؟ انا لم اتحدث عن الامان مطلقا لا فى هذا الاختبار و لا فى اى اختبار اخر, فهناك اختبارات الامان التى تعطى تقييما علميا.
مع العلم ان اربعة نجوم تعتبر رقما سيئا لسيارة سيدان عائلية, لم نعد نرى اربعة نجوم سوى فى السيارات الصغيرة فقط, و معظم السيارات العائلية الأن لا تقل عن خمسة نجوم.

عوده ... التصميم الكارتوني للسيراتو اعطيته 6/ 10 مثل التصميم الرجولي للشاهين ولا استطيع ان اتناقش معك في هذه الجزئيه لان الجمال نسبي يختلف من شخص لاخر ومعروف ان مصمم السيراتو بيتر شراير ولكن يبدو انك وجدت ان تصميم السيراتو لا يليق مع شعار كيا فخرج مشوها بشعا مزجعا للعين !! ولكن للاسف اجد ان الغالبيه العظمى وجدت السيراتو جيده التصميم ... في حين ان الشاهين اصبح تصميمها قديما مملا في طي النسيان مما يؤكد لي ان معايير التقييم لديك تختلف عن العامه وغالبا هذا هو سبب حيرتك

الشاهين قد يكون تصميمها قديم بعض الشىء لكنه متناسق و جميل و مريح للعين. و معبر عن قيم الشراسة و الأداء الرجولى.
و لا يعنينى كون مصمم الكيا سيراتو هو بيتر شيرار أو غيره, فأنا اعرف ما يعجبنى و ما لا يعجبنى!

ولكن ما يحيرني حقا .. انك عند التقييم تكتب بعاطفتك و احساسك وعند النقاش تظهر الارقام و الدلالات التي تخدم رأيك فقط قد نتناقش دهرا ... و لن نصل لشيء ... مثل كل مناقشاتنا السابقه .. فنحن ندور في نفس الفلك

ولكن ما يحيرني حقا .. انك عند التقييم تكتب بعاطفتك و احساسك وعند النقاش تظهر الارقام و الدلالات التي تخدم رأيك فقط قد نتناقش دهرا ... و لن نصل لشيء ... مثل كل مناقشاتنا السابقه .. فنحن ندور في نفس الفلك

التقييم شىء و الأرقام شىء أخر,
لا يمكننى ان اقيم سيارة ما بالأرقام, ما فائدة التقييم اذن, فيمكن لأى شخص ان يقارن بين الأرقام, انا انقل احساس القيادة الى الأخرين و الذين لم يتسنى لهم قيادتها,
فى معظم مجلات السيارات, ينقسم تقييم السيارة الى قسمين, قسم لسرد الأرقام و شرح التقنيات الموجودة بالسيارة,
و القسم الأخر لتقييم القيادة, و هنا ينقل الصحفى احساسه بدون ارقام, فقط يقوم بوصف تجربة القيادة بعبارات بليغة.
انا استغنيت عن القسم الأول و دلفت الى القسم الثانى مباشرة.
فالارقام يمكن لأى منا ان يحصل عليها ببحث صغير على الشبكة العنكبوتية.

[engmish]

المشاركة الأصلية كتبت بواسطة sam ram انا مش قصدي اقول ان سيات افضل من بيجو ... انا بس كنت بشاور على البدائل المطروحه في الرينج ده ولو اني فعليا بفضل الالماني على الفرنساوي لاعتماديته سيات مملوكه لفولكس ... و بالتالي مكونات العربيه فولكس والفتيس ال DSG لوحده اختراااع ... والعربيه جميله و عمليه جدا ... بعتبرها اجمل MPV موجوده حاليا بس مشكلتها ضعف الانتشار و مركز صيانه يتيم في ارض اللواء حضرتك تحدد البدائل اللي عاجباك ولازم و تتفرج بنفسك علشان تقدر تقارن و تختار

شكرا لحضرتك، وأنا فعلا هشوف الإثنين وأقارن بينهم، بس لو اخترت أي واحدة هتكون أكيد كويسة؟ بمعنى إن هل الإثنين بنفس الاعتمادية والجودة؟

[sam ram]

المشاركة الأصلية كتبت بواسطة فادى رغم انك ترغب فى انهاء النقاش كما لمست, لكن اسمحلى اوضحلك بعض النقاط. ليس لدى الأدوات اللازمة و لا المعلومات الكافية لاختبار مقدار الأمان المتوفر فى سيارة ما سواء كانت الشاهين او كانت الكيا سيراتو, لذا فاننى لم اتحدث عن هذه النقطة, و لن تجد اى تقييم يتحدث عن هذه النقطة. انا اعطيتها 5 من 10 لناحية الثبات و التوازن. و فى اختبار الشاهين اعطيتها 8 من 10 لناحية المتانة, و ليس الأمان, فكما ذكرت ليس لدى الأدوات اللازمة و لا الامكانيات لاختبار الامان. لماذا هذا الخلط؟! و ما هى العلاقة بين هذا و ذاك؟؟ انا لم اتحدث عن الامان مطلقا لا فى هذا الاختبار و لا فى اى اختبار اخر, فهناك اختبارات الامان التى تعطى تقييما علميا. مع العلم ان اربعة نجوم تعتبر رقما سيئا لسيارة سيدان عائلية, لم نعد نرى اربعة نجوم سوى فى السيارات الصغيرة فقط, و معظم السيارات العائلية الأن لا تقل عن خمسة نجوم. الشاهين قد يكون تصميمها قديم بعض الشىء لكنه متناسق و جميل و مريح للعين. و معبر عن قيم الشراسة و الأداء الرجولى. و لا يعنينى كون مصمم الكيا سيراتو هو بيتر شيرار أو غيره, فأنا اعرف ما يعجبنى و ما لا يعجبنى! التقييم شىء و الأرقام شىء أخر, لا يمكننى ان اقيم سيارة ما بالأرقام, ما فائدة التقييم اذن, فيمكن لأى شخص ان يقارن بين الأرقام, انا انقل احساس القيادة الى الأخرين و الذين لم يتسنى لهم قيادتها, فى معظم مجلات السيارات, ينقسم تقييم السيارة الى قسمين, قسم لسرد الأرقام و شرح التقنيات الموجودة بالسيارة, و القسم الأخر لتقييم القيادة, و هنا ينقل الصحفى احساسه بدون ارقام, فقط يقوم بوصف تجربة القيادة بعبارات بليغة. انا استغنيت عن القسم الأول و دلفت الى القسم الثانى مباشرة. فالارقام يمكن لأى منا ان يحصل عليها ببحث صغير على الشبكة العنكبوتية.

اي ده ... بجد ...
يعني انت موافق على كل الكلام في المشاركتين الاخيرتين ليا و معترض بس على النقطتين دول ..
دي شيئ ممتاز

مفيش خلط و لا حاجه ...
حضرتك لما اتكلمت عن الثبات اتكلمت برضو عن المكابح و نظام ال ABS
وزي ما انت عارف و انت سيد العارفين ان مفهوم الامان في العربيات بيعتمد على حاجتين
Active safety & passive Safety
وعلشان مدخلش في نقاش و جدال في الجزئيه دي حجيبلك اقتباس من اكتر حاجه انت بتحبها ... ويكيبديا

Active Safety Features in Automobiles, some examples
Contributors to active safety of a motor vehicle, accident avoidance:- good visibility from driver's seat, low noise level in interior, legibility of instrumentation and warning symbols, early warning of severe braking ahead, head up displays, good chassis balance and handling, good grip, anti-lock braking system, Electronic Stability Control, Chassis assist, intelligent speed adaptation, adaptive or autonomous cruise control system.
Passive Safety Features in Automobiles, some examples

Contributors to passive safety of a motor vehicle, accident limitation, minimisation of outcome:- Passenger safety cell, deformation zones, seat belts, loadspace barrier-nets, air-bags, laminated glass, correctly positioned fuel tanks, fuel pump kill switches etc.

ده غير انك في مشاركه ليك ربطت بين الثبات و الامان

المشاركة الأصلية كتبت بواسطة فادى كون السيارة اقتصادية, لا يشفع لشركتها اهمال عوامل الثبات و الأمان.

فزي ما هو واضح .. وبرضو من كلامك ... الثبات والامان مرتبطين ببعض ...
فيا ترى ايه سبب اعتبارك لكيا انها اهملت عامل الامان (برغم وجود انظمه مساعده واختبار تصادم ) غير انك شفت ان الثبات السيء اثر على معامل الامان ..

ولحد فتره بعيده .. كانت المتانه تعد احد عناصر الامان .. لحد ما الفهوم اتغير للقدره على امتصاص الصدمات
وبدل ما ندخل في نقاش طويل و فرعيات .. ونشوف الخلط عند مين
حقك عليا يا سيدي ...اعتبرها عندي المره دي ... و اسفين على ... الخلط
ونمسح الحته دي خالص من المظبطه

موضوع التصميم احنا مش مختلفين فيه ... بالعكس .. احنا متفقين تماما
ودي انا اكدتها لما قلت ان تقييم الجمال نسبي و بيختلف من شخص لاخر
اعمل استطلاع لاراء الناس حول رأيهم في تصميم السيراتو والشاهين .. وشوف النتيجه
اغلب الناس حتشكر في تصميم السيراتو .. و القله القليله حتصفه بالبشاعه
وحضرتك من القله القليله دي
ومش حعلق على تصميم الشاهين ... لكن عربيه تصميمها قائم على تصميم الريجاتا اللي بقالها 30 سنه ... حتى لو كان حلو في وقته ...فهو منتهي الصلاحيه ... expired
لكن برضو دي اراء شخصيه كل واحد حر فيها
المفروض طبعا ان الانسان اللي بيقيم حاجه بيكون مرهف الحس ويقود الذوق العام
و دي حضرتك وضحتها لما شبهت تصميم العربيه بالاغاني الشعبيه الهابطه اللي بتعجب اغلب الناس ... فهي كده وصلت خلاص ... متشنكرين اوي .. واهنيك على حسك المرهف وذوقك الكلاسيكي الراقي

نيجي بقى للمفيد ... و التناقض العجيب .. او يمكن سوء تفاهم
حضرتك بتقول انك متقدرش تقيم عربيه بالارقام وانك بتعتمد على الاحساس و نقل تجربه القياده .. و من غير اقتباس حتلاقي الكلام ده في اغلب مشاركاتك

طب ازاي اذا كنت بنفسك بعد كل جزئيه اديت العربيه درجه من 10 !!!!!
يعني انت بنفسك اللي قيمت العربيه واديتها درجات .. طب بناء على ايه
الاحساس ...
مينفعش .. مينفعش تحول المحسوس الي ملموس .. الا اذا وضعت معيار او نموذج
لان الاحساس ليس له معيار !!!

فمنين قيمت العربيه باحساسك ومنين اديتها درجات !!!
لأنك ببساطه اعتبرت ان احساسك معيار للتقييم ... ومع كامل احترامي ليك ... مينفعش !!
مهما كانت خبراتنا و ثقافتنا و عمق دراستنا ... مينفعش نعتبر احاسيسنا معايير ... لانها بتعتمد على الاهواء الشخصيه و بتختلف من واحد للتاني

اللي اعرفه ان التقييم بيكون من خلال المقارنه (حتى لو كانت من خلال خبرات سابقه ) .. و علشان اعمل مقارنه لازم يكون فيه ثوابت للتقييم او معايير .. او نموذج للتقييم
دول حتى بيقولو درجات التقييم .. يعني ارقام !!
الالعاب الفرديه زي الجمباز و الغطس والفن زي الرقص الايقاعي او غيره
دا حتى اللوح الفنيه بيحطوا ليها معايير علشان يقدروا مدى جمالها او قيمتها الفنيه او تمنها !!!!
يعني باحساسك ممكن تقول على لوحه انها حلوه أو وحشه ..
لكن الاحساس عمره ما حيدي لوحه 9 من 10 !!!!
فلو عايز تقول ان عربيه ... اي عربيه .. وحشه ومش عاجباك انت حر طلما هو ده احساسك
لكن لما تيجي تقولي انا احساسي مديها 2 من 10 حرد عليك اقول ايه !!!!

فمش معاك خالص لما تقول ان التقييم شيئ والارقام شيء اخر ... خاااااالص .. بتاتا ابتا ابسليوتلي

عموما انا بشكرك على سعه صدرك .. و بشكرك على محاولتك توضيح بعض النقاط لي ...
وانا مقدر خبرتك و ثقافتك و اطلاعك الواسع واهتمامك لمشاركه تجربتك معانا
بس نصيحه من عضمه كبيره شويه ... علشان تقنع ناس بكلامك و افكارك .. واحاسيسك ....
لازم تدرك الاول ... عقليتهم
وصدقني انا حاولت كتير .. من زماااان اوي ... وكل شويه ... اني اكون بعقليه متفتحه معاك .... لكن مقدرتش
واعتقد برضو اني مش حقدر اقنعك برأيي او وجهه نظري لان من الواضح اننا متبنيين مفاهيم مختلفه
وده سبب اني بحاول اقفل النقاش .. لاني كل مره بسترسل في الكلام و اهتم بالحوار و اديله جزء كبير من وقتي وتركيزي .. لكن بكون محبط جدا لما الاقي المحصله = صفر

لكن ده ميمنعش اني بحترم تمسكك بـأرائك ومفاهيمك ومعتقداتك ... حتى لو كنت مختلف معاك

بس كان عندي سؤال صغنن كده
تفتكر لو رسمت مقياس على احد اطرافه الفن (رمز الاحساس ) و على الطرف التاني العلم (رمز الارقام )... عارف ايه اللي بيجي في النص ؟؟
مزيج العلم والفن .... عارف ايه هو ؟؟
مش حقولك