محتار بين عربيتى 132 2000 بمواصفات جيده جدا وريجاتا

[ahmed_eng2001]

انا رايى مع بقية الاعضاء .... فعلا خلى معاك ال 132 فترة و غير بالمرة بحاجة مختلفة تماما .....
كل الاختيارات الى حضرتك قلتها ... عربيتك افضل واحدة فيهم

[Hisham.Elgazzar]

السلام عليكم جميعا ويارب تكونوا بخير
أخى الكريم
حضرتك مقتنى ال132 وكل حاجة فيها سليمة ماشاء الله 100% ما أفضلش انك تبيعها ، هتشترى معاها
لو تفكر فى عربية منظر تركب الإكسيل أو الاكسنت
الريجاتا عربية محترمة جدا لكن مش هتغير من نظرة الناس للعربية
وكل الإختيارات التانية من مازدا لهوندا لأ......... هيبقى عبئ كبير انك ترجعهم لحالتهم تانى

مازدا 323- 1600 - بالتكييف وقطع غيارها متوفرة وممكن يركبلها مواتير من الجديدة الكورى هتخليها ماشية معاها الند بالند بجد العربية دى تحفة
وتقبلوا مرورى

[qzar]

الف الف شكر على الاهتمام ايها الساده الكرام انا بس كان نفسى احدث الموديل شويه
كل نصائحكم الحكيمه ممتازه ولكن انا امامى مازدا 929 موديل 1982 الفراشه فابريكه دواخل زجاج كهربائى وفتحة سقف كهرباء موتور لسه متعمر جديد 2000 وعافشه وكارونه نمره واحد البودى الخارجى معقول جدا اعلانها على مصر كار وطالب 20000 جنيه وقابل للتفاوض انا شوفتها امبارح بالليل فى راى حضراتكم لو المازدا او هوندا اكورد بالحاله دى برده هاتكون متعبه وبالمقارنه بسيارتى ال132 هايبقى ايهما اقيم واقوى وايهما اسهل من ناحية كثرة الاعطال وتوفر قطع الغيار والف الف شكر على مشاركتكم معى فى حيرتى مرفق بعض صور سيارتى:w6w200504112236376 d

[zmzm0000]

المشاركة الأصلية كتبت بواسطة qzar الف الف شكر على الاهتمام ايها الساده الكرام انا بس كان نفسى احدث الموديل شويه كل نصائحكم الحكيمه ممتازه ولكن انا امامى مازدا 929 موديل 1982 الفراشه فابريكه دواخل زجاج كهربائى وفتحة سقف كهرباء موتور لسه متعمر جديد 2000 وعافشه وكارونه نمره واحد البودى الخارجى معقول جدا اعلانها على مصر كار وطالب 20000 جنيه وقابل للتفاوض انا شوفتها امبارح بالليل فى راى حضراتكم لو المازدا او هوندا اكورد بالحاله دى برده هاتكون متعبه وبالمقارنه بسيارتى ال132 هايبقى ايهما اقيم واقوى وايهما اسهل من ناحية كثرة الاعطال وتوفر قطع الغيار والف الف شكر على مشاركتكم معى فى حيرتى مرفق بعض صور سيارتى:w6w200504112236376 d

كتيييييييييييير قوي السعر ده انت تجيب سوزوكي سويفت بالمبلغ ده اي نعم حتكون محتاجه مصاريف بس ارحم واحدث او ريجاتا 90 يبقي تمام جدا

[qzar]

المشاركة الأصلية كتبت بواسطة zmzm0000 كتيييييييييييير قوي السعر ده انت تجيب سوزوكي سويفت بالمبلغ ده اي نعم حتكون محتاجه مصاريف بس ارحم واحدث او ريجاتا 90 يبقي تمام جدا

ايه ده معقول سعر المازدا كتير للدرجه دى انا كنت فاكره معقول حتى لو غاليه شويه بس قلت معقوله يعنى ولكن انا سالت على السويفت كتير واقل حاجه شوفتها كانت 23000 جنيه وكانت محتاجه سمكره ودوكو وكاوتش جديد
ولكن النقطه الاهم العربيه اللى انا ذكرتها بصفه عامه بالمواصفات دى ايه تقييم حضراتكم ليها بغض النظر عن السعر مع الاهتمام بالنقاط اللى انا ذكرتها فى المشاركه السابقه الف شكر على الاهتمام