محتار بين عربيتى 132 2000 بمواصفات جيده جدا وريجاتا

[zmzm0000]

132
132
132
مرسيدس الفيات
وبرضه الريجاتا طفره عصرها وسياره حلوه قوي ومحترمه واعتماديه بس لو حتغير اصبر شويه واطلع لحاجه اعلي

[qzar]

اشكركم جميعا على اهتمامكم بالرد على سؤالى ولكن فعلا انا عايز اغير ال132 علشان الشكل فقط ولكن انا بسال من الناحيه العمليه وتتلخص فى عدة نقاط
ايهما اقوى بالنسبه
1-العافشه وتحملها للمطبات والارض المكسره وبالنسبه للثبات فى السرعات
2-الموتور وقدرته على الاحتمال بالنسبه للسفر مسافات طويله بالنسبه لموتور حالته ممتازه
3- الراحه فى الجلوس للركاب فى صالون السياره
4-وهى نفطه غير شديدة الاهميه نظرة الناس للسيارات القديمه ايهما اقيم
ولكم جزيل الشكر

[qzar]

انا فى شدة الاسف لكثرة اسئلتى ولكن سؤال اخير لو مش هاغير لريجاتا قدامى اكثر من اختيار
1-بى ام دابليو 518او 520 موديل 1982
2-هوندا اكورد 1983 ........ هوندا سيفيك 1984
3-مازدا 929 موديل 1982
اتمنى اعرف راي حضراتكم فى هذه السيارات كبديل لسيارتى بالنسبه
-قطع الغيار والقوه والرفاهيه والفخامه
اسف للاطاله ولكن هذا من عشمى لما رايته من تعاون مستمر طوال متابعتى لمصر موتورز

[zmzm0000]

مع احترامي لخياراتك كلهم مش قد كده لانه من الصعب انك تلاقي حاجه من دول سليمه 100% انما الريجاتا افضلهم طبعا لو مصمم عالتغير وعن الثبات والاعتماديه واداء المحرك في عربيه محترمه جدا

[حسام البورسعيدى]

الافضل فى كل اللى ذكرته هى الـ 132 بتاعتك .. لانها زى ما بتقول حالتها ممتازة وواضح انك مرتاح معاها ومبسوط منها ..

فزى ما قلتلك خليك معايا وبلاش ترمى فلوسك فى عربية تمانينات ..

وعلى فكره قوه التحمل والثبات والراحة والوسع اللى فى الـ 132 عمرك ما هتلاقيه فى الريجاتا ..

اما البى ام او الاكورد او الـ 929 دى عربيات مقاربة للـ 132 فى الثبات والوسع .. ولكن صعب اوى تلاقى واحده بحالة كويسة ومش محتاجة مصاريف .. فبالتاكيد هتحتاج تصرف وتظبط ..

علشان كده بقولك اصبر شويتين وهات حاجة حديثة مره واحده (تسعينات مثلا) علشان تحس بفرق (زى التمبرا مثلا) ...