مساعده من أهل الخبره فى الشاهين والدوجان

[bosa_50]

السلام عليكم ورحمة الله وبركاته

إن شاء الله ناوى أجيب عربيه وبفكر فى الشاهين او الدوجان وداخله دماغى بصراحه ( سعرها معقول وقطع غيارها كويسه مش غاليه وعاليه عن الارض وواسعه من جوه علشان اعرف افرد رجلى الطويله براحتى بقى .

المبلغ اللى معايا 28 الف وعايز عربيه ما تخلينيش اصرف عليها كتير لان الحمد لله ما فيش دخل يستحمل المصاريف الكتيره والمستمره , ومش عارف سعر العربيه كام بالظبط ولما بدخل على كونتاكت كار او دوبيزيل بلاقى اسعار مختلفه يعنى موديلات التسعينات الاقى مره 22 مره 35 ونفس الحاله (فى اللى كاتبه صاحب الاعلان طبعا ) ولما سالت عن اسعارها هنا لقيت واحده دوجان 97 وحالتها مش كويسه زى ما قالى واحد قريبى وصاحبها عايز 37 الف بصراحه كنت هاغير رايى واروح ادور على ال31 مع انى مرتاح للشاهين الدوجان اكتر .

انا عايز اعرف العربيه تستاهل كام لو حالتها كويسه ومش راشه جوه وما اصرفش عليها لخد فتره ما تقلش عن 5 شهور :D .

سؤال كمان معلش انا متعب شويه بس محتار والله ,,, هو الفرق كبير ما بين الشاهين شاهين والدوجان وانهى الاحسن فيهم فى موديلات التسعينات من ناحية كل حاجه فى العربيه .

ياريت حد يفيدنى علشان واحد قريبى كلمنى دلوقتى وقالى ان فيه سواق تاكس قاله قدامه 3 عربيات مره واحده ههههههههه وان شاء الله هانزل اشوفهم وعايز اخد قرار وما اندمش على قرش دفعته .

[JILANCO]

موفق انشاء الله اهم شئ ان تفحص السيارة جيدآ

[mr_astra]

الدوجان هى الشاهين بس الموتور 1600 ومكيفة واختلافات بسيطة فى مررايات وتابلوة وكدة
مهم اوى تشوف الات الجر كارونا وفتيس لان دول مشهورين اوى فى الشاهين ولو شوفت شاهين خليك فى الـ 1400 وبلاش 1300

[bosa_50]

المشاركة الأصلية كتبت بواسطة JILANCO موفق انشاء الله اهم شئ ان تفحص السيارة جيدآ

إن شاء الله وشكرا على ردك

والله انا هاخد معايا سمكرى كويس وبيفهم فى موضوع شرا العربيات كويس كمان وربنا يكرمنى باللى فيه الخير بس عايز اعرف التمن اللى تستاهلو العربيه

[bosa_50]

المشاركة الأصلية كتبت بواسطة mr_astra الدوجان هى الشاهين بس الموتور 1600 ومكيفة واختلافات بسيطة فى مررايات وتابلوة وكدة مهم اوى تشوف الات الجر كارونا وفتيس لان دول مشهورين اوى فى الشاهين ولو شوفت شاهين خليك فى الـ 1400 وبلاش 1300

يعنى مشى الأتنين واحد وكل حاجه فى العربيتين واحد والفرق الوحيد فى الكماليات والماتور بس وسمعت ان الشاهين ال1400 بعد ما تجيب سرعة ال80 بتميل وبتخف اوى ؟؟؟